Inspiration

If any one need to Think about New Ideas , So any suggestion , Or if you was in my Shoes , what you gonna Do to Restore Your Inspiration ?!!

حزب الكنبة الشهير

السادة اعضاء حزب الكنبة المملين

اتوكسوا واسكتوا

انا بقيت اتفقع من كله اللى قاعد فى بيته وبيتكلم وبيرمى احكام يمين وشمال من غير ما يعمل حاجه فى حياته

دلوقتى مبقاش فيه حد يجيب حق حد

شايف حاجه غلط ومش عجباك

انزل التحرير اتظاهر او انزل غيرها

اديكوا عديتوا الحكومة

وبقينا شغالين شغل مصاطب وخالتى اللتاتة

او يارب الكنبة تولع بيكم ونخلص

انتهى

!

مصر

الخميس السرى 3

خليك على راحتك

اكتب اللى انت حاسس بيه ...مخنوق فرحان اى حاجه

بالاكونت بتاعك او مجهول

حق الفضفضة للجميع

=)

You can have million of friends, but you can only count on your fingers who has been true to you and loves you for what you are.

Never go back to an old love. Because it's like reading a book over & over again when you already know how it ends !

تخاريف 4

المرحلة اللى احنا فيها دى شبه مرحلة ازاى تحط فيل فى التلاجة
=D

ازاى تحط حجم الفساد الديناصورى على رأى طارق حجى فى السجن

ربنا معانا

*******

الانسان مننا لو عاوز يغير حاجه

يبقى لازم يبدأ الاول انه يغير عادات معينة فى حياته ...بعدين هيكتشف بمرور الوقت ان فيه حاجات اكبر من العادات بتتغير

وفى الاخر هيلاقى نفسه غير الشىء اللى كان مستهدفه من الاول

ابدأ بنفسك الاول
=)

*****

The worst feeling is when someone makes you feel special, then suddenly leaves you hanging, and you have to act like you don't care at all.

الخميس السرى 2

النهاردة الخميس =)

لو حد جه جديد وعاوز يعرف ايه ده

خشوا عاللنك ده

http://meshmesh5000.blogspot.com/search/label/Secret%20Thursday

المولد النبوى الشريف

Happy Valentine day

عيد ميلاد مصر

انه فى يوم الحادى عشر من فبراير لعام 2011

قام الشعب المصرى بتحرير بلاده

اخيرا

بعد حكم ساد لثلاثون عاماً

مليئة بلحظات سعادة فى اولها

ولحظات شقاء وحزن وألم فى نهايتها

عاشت مصر

عاشت مصر

عاشت مصر

فالافراد زائلون ...ولكن الوطن باق

فتحية الى شهدائنا البواسل

وتحية الى قواتنا المسلحة التى تستحق كل الاحترام والتقدير على مر العصور

مــــــــصـــــــر

تخاريف 3

انا بقيت بفكر قبل ما بتكلم ودى حاجه وحشة ...خصوصا لما بكون عاوز اشتم حد !!!!

*************

فى قعدات الحراسة قدام العمارة فكرنا ننزل نكنس الشارع بس غيرنا راينا تانى لما اقتنعنا ان ولاد الكلب بتوع المحلات هيوسخوه مهما عملنا
عالم بنت ******!

************

مع ان حظر التجول ده فقع السنين ومفيش اى وسيلة تسلية متاحة مفتوحة ولا حتى كارفور ...بس انا عاجبنى شكل شارع الهرم وهوا فاضى من الساعه 9 بالليل

**********

قريت خبر ان فيه ناس عاملين مظاهرات فى الخارجة وحرقوا القسم والمحكمة هناك...ولاد الهبلة لسه واخدين بالهم ان كان فيه مظاهرات فى ام البلد ولا ايه ؟!!!

**********

واحد اعرفه كلمنى عالموبايل من يومين وقالى انت ندل وبتاع ومش بتسال ..قولتله طب بالنسبة للصوبة الزجاجية بتاعت معاليك؟؟؟ سكت وقفل السكة =D

كـ**** يعنى =D

********

البلد مبقتش ماشية بضهرها "انى مووووووووور" بقينا ماشيين بوشنا ولو لمرة واحدة ...المعارضة بقى اتفرجت على وائل امبارح وبقى عند تييييت ابوهم دم ولا لسه ؟؟

*******

محتاج حفلة هاوس 12 ساعة متواصلة عشان اقدر افوق تانى

تخاريف 2

No One Care , So Why I Have To Care ?!!!

Fuck them any way , I don't care at all =)

============================

بفكر كل يوم اعمل بوست عن مادة او اتنين من مواد الدستور واشرحلهم للناس اللى مش فاهماه ...بس المشكلة تكمن ان نص الدستور مش ماشيين بيه...اللى بتسيرنا او بتمشينا لوائح منظمة تخالف الدستور كلياً !!!

===========================

فى الشارع بنتكلم فى السياسة
فى البيت بنتفرج ونتكلم فى السياسة
فى الحمام وانت تحت الدش عالتواليت بتفكر فى السياسة
وانت نايم وبتحلم بعربية بتجرى وراك كلها سياسة
تبص على ميدان التحرير تلاقى ناس قاعدة بتحلم بالسياسة
تنزل تحشش تلاقى الناس بردوا بيألفوا فى السياسة
ياخى كـ**** السياسة كفاية بقى انا قرفت !!!

=========================

دلوقتى اى حد بيختلف فى الرأى مع اى حد تانى ، بيقتلوا بعض ...فرقنا ايه بقى عن الهمج والغوغاء اللى نزلت سرقت البلد يوم الجمعه واللى بتحكمنا 30 سنة ؟؟

========================

مهما عدى من الوقت مش هتفهمى ...ولو فهمتى هيكون متأخر جدا

========================

محدش معاه ايميل الرئيس مبارك ؟!!! هبعتله رسالة من مواطن مصرى

تخاريف

يوم الخميس 27 يناير الساعه 7 بالليل ...كان احلى يوم فى حياتى بمعنى الكلمة ، اليوم عدى بسرعه اوى اوى ..مكنش فيه اى مشكلة فى اى حاجه ...مع اننا وصلنا متأخر حبة عشان الطريق...وناس معرفتش تيجى عشان الزحمة ...وانا معرفتش اقعد مع كل اصحابى وقرايبى ..بس الحمد الله ..الف مبروووك يا حبيبتى
الكلام ده كان عن كتب كتاب اختى
<3

*************************

وتعيشى يا ضحكة مصر

************************

الازمة دى خلتنى اتعرف على ناس عايشين معايا فى العمارة والمنطقة اكتر من 20 سنة واعرفهم شكلا بس !!!!

***********************

الوقت بيجرى يا محمد !!!!

**********************

محدش بقى يفرق معايا خلاص...كله بقى عندى فى نفس الحتة ...عشان يوم لما يمشوا من غير سبب مقعدش اسأل نفسى مشيتوا ليه ...عموما مبقتش اهتم =)

*********************

بتدور الايام وتثبتلى ان الشعب زياط وللاسف لا نملك ثقافة الاختلاف فى الرأى

*********************

حد كده يقولى كام حادثة تحرش سمع عنها ...هتك عرض او اغتصاب ...قتل عشان فلوس...عقوق والدين بأى صورة ، الازمة دى خلت كله عدل ...بغض النظر عن الناس اللى سرقت البلد 30 سنة والناس اللى سرقتها يوم الجمعة 28 يناير فى 6 ساعات !!

********************
But I know You were just like me with someone disappointed in you !!!

********************

http://www.facebook.com/#!/album.php?id=701720380&aid=617470