Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, February 08, 2011

تخاريف 3

انا بقيت بفكر قبل ما بتكلم ودى حاجه وحشة ...خصوصا لما بكون عاوز اشتم حد !!!!

*************

فى قعدات الحراسة قدام العمارة فكرنا ننزل نكنس الشارع بس غيرنا راينا تانى لما اقتنعنا ان ولاد الكلب بتوع المحلات هيوسخوه مهما عملنا
عالم بنت ******!

************

مع ان حظر التجول ده فقع السنين ومفيش اى وسيلة تسلية متاحة مفتوحة ولا حتى كارفور ...بس انا عاجبنى شكل شارع الهرم وهوا فاضى من الساعه 9 بالليل

**********

قريت خبر ان فيه ناس عاملين مظاهرات فى الخارجة وحرقوا القسم والمحكمة هناك...ولاد الهبلة لسه واخدين بالهم ان كان فيه مظاهرات فى ام البلد ولا ايه ؟!!!

**********

واحد اعرفه كلمنى عالموبايل من يومين وقالى انت ندل وبتاع ومش بتسال ..قولتله طب بالنسبة للصوبة الزجاجية بتاعت معاليك؟؟؟ سكت وقفل السكة =D

كـ**** يعنى =D

********

البلد مبقتش ماشية بضهرها "انى مووووووووور" بقينا ماشيين بوشنا ولو لمرة واحدة ...المعارضة بقى اتفرجت على وائل امبارح وبقى عند تييييت ابوهم دم ولا لسه ؟؟

*******

محتاج حفلة هاوس 12 ساعة متواصلة عشان اقدر افوق تانى


4 comments:

تــسنيـم said...

بالنسبة لمظاهرات الخارجة,, فإنت فاهم غلط

إخواتنا في الخارجة كانوا بيتظاهروا قدام قسم شرطة اعتراضا على تعيين رئيس مباحث جديد كان متورط في قهر المتظاهرين يوم 25 يناير و له سوابق تعذيب.. فإبن التيت فتح عليهم النار و أصاب 8 إصابات خطيرة و اسقط قتلى

فهما ردوا بحرق القسم و بعض سيارات الشرطة


يعني إنت ظلمتهم

Mahmoud Hossam said...

على فكره ، إنك تفكر قبل ما تشتم دى حاجه كويسه

أصل الشتيمه ماتحلاش إلا لو وراها مخمخه :D

حَـبآيـۃْ.بـטּـدۉڷ said...

أمـآل لو مكنتش بتفكر قبل ماتشتـم ..؟

كُـنت شتمت أكتر من كده فـ البوست ده ؟
:D:D

بسمة امل said...

لو عشنا مية سنة ما راح نفهم السياسة
لأنها كل يوم برأي

صديقك اليوم بكرة عدوك

و عدوك اليوم بكرة حليفك

و هكذا

و كل فئة بتستغل الوضع لصالحها

بس أهم شي أنو دم الشباب المصري ما يروح هدر


بنتمنى الأفضل لمصر

الأرض بتتكلم مصري