2011 Wishes

امنياتكم ايه للسنة الجديدة؟؟

كل واحد يدخل ويقول نفسه فى ايه يحصل او يتحقق

البوست ده مفتوووح من غير موديراشن

=)

وهفضل طوول العمر

أهلاوى على طووووووووووووووووووووووول

Bye Bye 2010

انا هأجل شوية اتنين الموضوع بتاع الحصاد بتاع السنة المشئومة دى نظرا لضيق ذات اليد

هههههههههههههههههههههههههه

فى اواخر 2009 كان فيه احلام وخطط

فى اواخر 2010 مفيش حاجه اتعملت غير انى شلت ناس زبالة كتير اوى من حياتى

وناس حلوة راحوا فى السكة غصب عنى

بس هى الدنيا كده

بقالى كام يوم عاوز احدد ايه اللى هعمله فى 2011 بس مش عارف اكتب حاجه

حاطط هدف واحد عاوز اوصله وبسسسسسسسسسسس

بغض النظر عن اى حاجه تانية انا محتاجها دلوقتى

بس الحاجه اللى هفتقدها فى 2010 الوحيدة

هيبقالها بوست لوحده عشان اوفى الشخص ده حقه ان شاء الله

=)

كتاب بهاء طاهر ..الحب فى المنفى

انصحكم انكم تشتروه وتقروا بجد رووووعة

ازاى انا كان غايب عن نظرى كاتب بالجمال ده؟؟

حاجه اخيرة

العدلة يعنى

انى فى 2010 جبت نفس عدد البوستات بتاعتى فى تانى سنة تدوين ليا اللى كانت 2007 وقتها

=)

House Mood

Gaza Strike ..

كى لا ننسى ، ذكرى العدوان الاسرئيلى الغاشم على غزة ...

فى مثل هذا اليوم بدأ منذ عامان

مثلما يتذكر كل العالم ما حدث فى احداث الحادى عشر من سبتمبر، يجب علينا نشر هذا لكى يتذكر العالم الوجه القبيح لاسرائيل

To not forgot what happened On 27 December 2008, When Israel start the war against Gaza , & start to Kill The civilians without Mercy ,,,

And as the whole world still remember what happened on 9/11 , Spread it to let them know The Ugly Face of Israel ..

-1- حصاد 2010

كانت سنة كبيسة بمعنى الكلمة

سواء عالمستوى الدولى او المحلى او حتى الشخصى

بس خلينا دلوقتى فى الشخصى والاسبوع ده ان شاء الله احاول الم اهم الاحداث اللى حصلت

ممممممم

عدد الناس اللى طلعوا ملهمش قيمة او بمعنى أدق الواحد كان مخدوع فيهم كتيييييييييييير

زعلت ناس اكتر =D

لتالت سنة الخطة اللى بحطها تفشل

قتلت ناس كتير بردوا =)

بس كسبت ناس قليلة اوى ...بس يستحقوا انهم يفضلوا

كنت بعيب عالناس ليه بتخون ومتأمنش ولا تثق...رغم انا عارف ناس قريبة منى مازلت بتتعامل معايا بالمنطق ده على اساس يسبقوا احساس الخديعة بدل ما يجى على سهوة

بس انا بعمل كده بردوا =)

اكتر سنة اتفهمت فيها غلط وانى امشى ابرر لكل واحد انا قلت كده ليه ولا عملت كده ليه...والمصيبة انهم كانوا ناس المفروض يقدروا

من خمس سنيين ...حطيت خطة معينة انى هوصل لكذا حاجه قدام يعنى...موصلتش الا لحاجه واحدة منهم

وعدت سنة تانية بلا هدف معين او بلا فائدة بالاصح

كلها خمس ايام وتغور بكل بلاويها ان شاء الله

!!!

شىء مفقود

مازلت افتقد لمستك الانثوية على حياتى الفوضوية !

افتقدك

ارض العرايا !!

ذهبت لترى كيف حال الدنيا اليوم ، بعد ان اعتزلت الناس وظلت فى غرفتها العديد من السنوات ، فقط هى واشيائها لا ثالث لهما ، فأصابتها الصاعقة عندما وجدت العرى هو موضة العام ، والالفاظ البذيئة هى صرعة الموسم الحالى والقادم ، وكاد ان يغشى عليها عندما تنامى الى مسامعها قرب صدور قانون الضريبة على الملابس الطويلة !!

فعادت سريعا الى غرفتها واغلقتها مجددا ، وجلبت ورقة وقلم وبدأت تكتب وصيتها ، بالا يتم دفنها فى ارض العرايا !!

مهما حدث

علمتنى الايام

فى ظل الايام التى تلطمنا كل يوم لطمة تلو الاخرى على وجوهنا ، وفى بعض الاحيان على اماكن اخرى حسب المواقف وحسب الاشخاص...فهاهى خلاصة ما تعلمته الايام الماضية

لو كنت ماشى فى الشارع ولقيت فلوس عالارض ...بص يمين وشمال وحط النعمة فى جيبك وابقى اهريها بوس بعدين

لو حبيت تنزل تعدى الشارع خليك بااااااااااااااااارد ...بس النصيحة دى متنفعش للى شكلهم مدى على رجالة !!

فى اول الشهر بلاش تعيش دور الغنى وتصرف ربع المرتب احتفالا بقدومه ...وفى اخر الشهر بردوا متعزمش اصحابك وحبيبتك كتير...صدقنى هتتنش عين هتجيبك انت والمرتب والشغلانة الارض

عيش ندل ...هتفضل طول عمرك مستور

فترة العشرينات من العمر استغلها احسن استغلال ...لان لو غلطت واتجوزت ...هتعيش طول عمرك عندك عقدة نقص ما

لو تعرف بنات كتير ...بلاش تعيش دور الشهم معاهم لانك فى الاخر هتبقى زى سنيد...وقت ما يضايقوا مع اصحابهم الولاد هيجوا يفضفضوا عندك ويرجعوا بيوتهم تانى

البوكسر مكانه تحت البنطلون ...ولو الدنيا مأزمة معاك علق ورقة على رقبتك واكتب مواصفاته

خليك نفسك دايما ومش لازم تقلد حد عشان الناس تعجب بيك

ومش لازم تمشى جهارا نهارا تقول انت رأيك كذا ومع فلان الفلانى...محدش بيحب الناس اللتاتة

لما تخطب ...عود خطيبتك ان الحساب انجليزى...النص بالنص...والا بالمعدل ده مش هتلاقى فلوس تشترى شبكتك يا عسل

متأمنش لاى صنايعى ...الا لو كان اخوك الصغير وانت معذبه

فى الاخر مش اى نصيحة تمشى تعملها ...لانك لازم تتلسع من الزبادى الاول عشان يبقى عندك حق لما تنفخ فى عصير القصب

بخ كده

Ask Me...

http://www.formspring.me/Geny313

يكفينى صمتا

من بعد ما عملت الموديراشن الناس مكسوفة انها تحط كومنت ..:D

******************************************

الفترة اللى فاتت اثرت الصمت فى حاجات كتير اوى ...مشاكل ...ناس مسحتها ...مواقف

واكتشفت قد ايه الصمت ده حلو اوى كده

بس المشكلة الناس بتفهم الصمت انه هروب او انك عاجز معندكش كلام تقوله

لاء بيكون فيه كلام وكتير اوى اوى يعنى

بس مش كل مرة هيكون الحل انى اتلكم واشرح واقول عملت ليه كذا واخدت قرار ده ليه

السكوت فى المرحلة دى احسن حاجه ، عشان لو فيه خير فى اى حاجه اكيد ربنا هيقربنا منها

اللى ليه نصيب فى حاجه بياخدها ولو بعد حين

بس فيه ناس معينة لما بتسكت بيكون هروب من المواجهة نوعا ما

لانهم بيسكتوا فى وشك وفى وجودك

لكن من ورا لسانهم بيشتكى من كتر الكلام

ممكن الصمت هوا الحل عشان ارد عليهم دلوقتى

*-*-*-*-*-*-*-*-*-*-*-*-*-*-*-*-*-*

ومستحيل يا حزن راااح تسكن ...قدر الزمان يفهمنا

يمكن

:)

Sorry

There's No Shortcut For Happiness !

bey2ollak...

"bey2ollak" is Internet service 2 know if the roads is clear or not , that's much better than call one of your friends & ask him about the streets & about the ring road , bla bla bla

It's easy 2 use , if you have BB or "Black berry" , you can Download the application from it , & the other poor users like me , easily can enter the site from your Mobile phones internet , w 3ysh ya m3alem :D

http://www.bey2ollak.com/default.html

من وحى العيد واللحمة

قــولــونــى العزيز ....عــــذراً

العيب مش فيها

اى حد بيضايق او زعلان او او او

بيقول اصل الدنيا دى مش صح او ظالمة او مش حلوة حتى

بس فين وفين لما بنكتشف ان دنيتنا دى احنا بنشكلها ...بغض النظر ان لكل واحد مكتوبله حياته من قبل ما يتولد لحد ما يموت

بس احنا واحنا ماشيين ...بنشكل حياتنا فعلا

احنا اللى بايدنا نخليها حلوة او حتى وحشة

باللى بنعمله بتصرفاتنا مع نفسنا قبل ما نتصرف مع غيرنا حتى

سووووو اذن يعنى العيب مش فيها اطلاقا

العيب فى نظرتنا احنا وطريقة تعاملنا مع الحياة اصلا

لذا

نحاول نغير نظرتنا للدنيا شوية

مهما كان حالنا وحش

مكتئبين عيانيين فرحانين

اكيد لسه فيها اكتر

الحلو طبعا

;)

تكبيرات العيد

هابى خروف

عشان بس محدش يتخض..ايوة عارف ان ده مش خروف :D

لما تمشى فى الشارع وتشم ريحة مقرفة وتلاقى الشعب كله بيشترى فى علف وبرسيم ...وتلاقى حاجه بتنطحك وانت ماشى

ولما تبص تلاقى كافة جموع الشعب كبار وصغيرين فقرا واغنيا بيجروا ورا عجل هايج الشارع كله

تعرف بس ان العيد الكبير قرب
واكيد الفرحة جاية

كل سنة وانتم طيبين

عيد اضحى سعيد عليكم وعلى اسرتكم

:)

اهداء خاص

انا بهدى الاغنية دى ليا انا

Y

مش لازم نبكى وننعزل عن الناس عشان نأكد حقيقة ان الواحد زعلان

انا بحب ازعل من جوا اكتر من ابين زعلى للناس

!

Mr. Spy

FUCK YOU !

YOU

!!!

هوا ليه لازم ابرر لكل واحد انا ليه بعمل كده ...وليه وجهة نظرى من الموضوع وعلى اساسها بتصرف كده

وفى الاخر محدش بيقتنع لاننا مسلمين بان اللى فى راسنا هوا الصح ...وانا منهم فى بعض الامور مش كلها

بس فعلا لو فضلت امشى ورا كل واحد اقوله ليه بعمل كده او انا هعمل كده ليه فعلا مش هعمل حاجه

!!

التاريخ يعيد نفسه

شعور القرطسة ده مش حلو خالص

خصوصا لما تركز فى اللى كان بيحصل قدام عينك وانت مش واخد بالك منه

بيبقى شعور اوحش اكتر وقتها

:S :S :S

والبلوج ده مش بتاعى

بقالى فترة مستمتع بالاغانى الشعبية

هى فترة طويلة يعنى ...من كام سنة كده...وبحكم المنطقة اللى انا عايش فيها فبقيت بسمع الاغانى قبل ما تتسجل او بعد ما تتسجل مش فارقة المهم المصدر الغنائى موجود هنا من زمان

ناس كتير بتسمعهم بتقول يععععععععععع ايه القرف ...وفى الغالب بيعلقوا على صوت المطرب

وهوا الراجل مش غلطان ان الزمن حكم عليه انه يحشش لحد ما صوته غشلق وبقى الصوت حاجه والمنظر حاجه تانية

بس حاولوا تعصروا على نفسكم لمونة كده واسمعوا شوية اغانى ...كلماتها روعة بجد...لو مغنى ليه صوت حلو غناها ...هتكسر الدنيا :D

يعنى مثلا عبد الباسط حمودة ...الراجل بيغنى من زمان ومشهور اوى فى الشارع ...ليه اغنية اسمها ضحكة سلف...الراجل من كتر الزعل والحزن بيدور على ضحكة يستلفها يستمتع بيها شوية

وبردوا اغنية البانجو ده مش بتاعى ...اللى انا كاتب عنوان البوست عليه...فيها معنى انك يوم لو خارج مع اصحابك ولقيتهم معاهم اشولة بانجو...روح واقعد فى بيتكم

وبردوا سلسلة العبد والشيطان...دى اللى بجد من غير هزار ولا تريقة دوروا على كلماتها وشوفوا الحوار اللى الراجل عمله بين الشيطان والعبد...وده بيحصل كتير

يعنى بصوا كده

شيطان وقال للعبد
وريتك الدنيا والوانها وبعت الاخرة علشاني
وبقيت تخاف تخرج منها
ونسيت كمان الصلاة والفرض

مش بتحصل بردوا ...لما بنكسل اننا نصلى ؟؟؟

العبد قال للشيطان
من بعد ما طاوعتك مبقتش عارف اعيش
وديتني لحد النار وهناك معرفتنيش

ودى بردوا !!!

ناصر صقر لما غنى اغنية المحكمة بردوا...جاب كل المواقف اللى بنقراها فى جرنال الحوادث الصبح من عند الراجل بتاع الجرايد اللى قدام هارديز فى التحرير

وطبعا منقدرش ننسى شعبولا مبحبش اسرائيل :D

اينعم بردوا فى اغانى هلس هلس يعنى...بس النسبة الكبيرة منهم بيقولوا حكمة فى الاغنية...اوبيغنوا افلام عربى ...زى محمد رجب لما غنى عن الست المتجوزة واللى كانت بتلف عالشباب وكده

موضوع كبير اوى...بس مشعشع فى راسى بقالى فترة

المهم بس قبل ما انسى

شريط فيروز حلو :D

:(

لا ضير من التوقف قليلا ...لكى نستطيع الوقوف بعدها اقوياء

Excuses Ministry !!

يا سلام لو الوزارة دى موجودة

بجد كل مشاكلنا هتتحل فى ثوانى يا جدعان

وزارة هدفها الاوحد والوحيد انها تطلع اعذار للناس عشان اى حاجه

يعنى مثلا الزوج ياخد عذر يديه لمراته او مديره فى الشغل

مسئول حكومى عاوز يدى عذر عن ارتفاع اسعار وكده

طب ما حد يقولى ما هم بيدوا اعذار اصلا ...لاء بس انا هدفى اسمى من كده اننا نوحد جهودنا وبلاش التشتييييييييييييييييت اللى احنا فيه

بس واللى عاوزله عذر يقدم طلب للوزارة والمسئولين يبدأوا يبحثوا ويبتوا فى الطلب ويوافقوا عليه

وعاوز عذر مشكل وسلاطات بقى وعيش وطحينة ولا سلطة خضرا بس وعلى عينك يا تاجر

ومش بعيد نلاقى اعذار فى السوق السودا زى الشهادات الصحية المضروبة اللى بنجبها وكله بتمنه يا باشا طبعا

على الاقل اول مستفيد من الوزارة هيبقى المنتخب والحكومة والاهلى ...بما انهم اكتر ناس بيدوا اعذار استجنزبيل العنب

ومش مشكلة لما يبقى عدد وزارتنا 34 واهو كله فى سبيل التقدم ولا ايه؟؟

عامة انا هسيبكم الحق ااقدم على عذر عشان مش عارف اهتم بالمدونة او ارد عالناس زى زمان

سلامووز

شوية حاجات فوق بعض

فاضل يومين وبكده يكون عدى 10 شهور

والمضحك المبكى ان فيه شهر او اتنين اوت ...خارج نطاق الخدمة

ربنا يوفقك

************

عقاب النذل اجتنابه

انا عرفت دلوقتى ليه ناس كتير منفضلى والموبايل بقى صامت على غير العادة :D

*************

المرة دى مختلفة ...واللى مبيستحملنيش وقت الشدة ...يتفلق

************

البوست ده هرجع اكمل عليه تانى اكيد

BRB

سؤال يطرح نفسه

هوا لما حد ينافقك

بمعنى ورا ضهرك يشتمك وفى وشك يمدحك ويضحك ضحكة من الودن للودن

ده تعمل معاه او تتصرف معاه ازاى؟؟

انت وبس

هى صعبة بس مش مستحيلة

October

الشهر ده اكيد هيبقى مليان حاجات حلوة اوى

خلاص نرمى الوحش ورا ضهرنا

ونبص لقدام شوية

وعلى فكرة انا مش مخنووق

انا بس كنت تايه ومازلت اعامل الناس ازاى

اللى بنافقنى او اللى بيضحك فى وشى ومن ورا ضهرى يشتمنى اعامله ازاى

طب اللى بيكرهنى بس لسه معايا

او اللى بيعاملنى حلو ومرة اتغير عشان ظروف انا مش عارفها

حاجات كتير بتشتت الواحد طول ماهو ماشى

الحمد الله بس ان ربنا بيكشف كل واحد على حقيقته فى وقت المناسب

المهم

شهر اكتوبر ده اكيد هيبقى حلو باذن الله

عاوزين نعمل ايه الشهر ده بقى ؟؟

:D

معرفش

بتضايق من كلمة معرفش دى ، بحس انها هروب اكتر من عدم معرفة الحل، وكلنا بنستسهل ونقولها

*************

فعلا الحمد الله على نعمة اننا منعرفش الغيب ومنعرفش الناس بتقول ايه من ورا ضهرنا
بجد الحمد الله ، لاننا لو عرفنا الناس بتتكلم علينا ازاى كنا ولعنا فى بعض والبلد دى كانت ولعت اكتر ومحدش كان هيعرف حد تانى اصلا

الحمد الله

************

مش لازم حد من الاتنين يكون غلطان ...بلاش النهاية الخزعبلية بتاعت السينما المصرية دى

اى طراطيش وخلاص

هى دى الصورة اللى كنت عاوز انزلها فى البوست الفاضى ..بس الموبايل بقى مرضيش تقريبا :D

**************

خبر حلو عرفته امبارح ..الحمد الله وربنا يبارك ان شاء الله ...حد من الناس المقربين ليا بقى اب ولله الحمد...فرحة بتبقى كبيرة والله

عقبال كل المتزوجين واى حد مخطبش يخطب ويتجوز ان شاء الله

************

القائمة السوداء بتطول عندى كل يوم ...كل يوم حد بيدخل فيها ...مش عارف هتطول هتروح فين تانى

**********

بكرة هيبقى احسن ان شاء الله

:)

اقوال مفكر مسطول

من جد وجد واللى اتزرع اتسرق

لا تؤجل عمل بكرة لامبارح

وعلى راى المثل

اللى نعرفه ارخص من اللى منعرفوش حتى لو مبنحبوش وهيطلع فشووش

من هنا ورايح

اللى مش عاجبه

يتفلق...ومش بغصب حد انه يعرفنى

والمعاملة بالمثل بعد كده

والباب يفوت فيل تايلاندى كمان

Happy Feast

ده بس عشان لو مدخلتش بكرة اعيد عليكم :D

يارب يكون عيد سعيد عليكم

ليلة القدر

من الصبح وانا كنت حاسس انها ممكن تطلع النهاردة

يارب استجب دعواتنا يااارب

No One deserve

Never depend on people to help create your happiness because you might be depressed forever. If you rely on yourself then you know you always have someone to count on

Who care ?!!

العشر الاواخر من رمضان

كان النبي صلى الله عليه وسلم يخص العشر الأواخر من رمضان بأعمال لا يعلمها في بقية الشهر:

فمنها: إحياء الليل؛ فيحتمل أن المراد إحياء الليل كله، ففي حديث عائشة قالت: «كان النبي صلى الله عليه وسلم يخلط العشرين بصلاة ونوم، فإذا كان العشر - يعني الأخير - شمّر وشدّ المئزر» [رواه أحمد]. ويحتمل أن يريد بإحياء الليل إحياء غالبه، ويؤيده ما في صحيح مسلم عن عائشة، قالت: «ما أعلمه قام ليلة حتى الصباح» .

ومنها: أن النبي صلى الله عليه وسلم كان يوقظ أهله للصلاة في ليالي العشر دون غيره من الليالي، قال سفيان الثوري: " أحب إليّ إذا دخل العشر الأواخر أن يتهجد بالليل، ويجتهد فيه، ويُنهض أهله وولده إلى الصلاة إن أطاقوا ذلك. وقد صح عن النبي صلى الله عليه وسلم أنه كان يطرق فاطمة وعلياً ليلاً فيقول لهما: «ألا تقومان فُتصليان» [رواه البخاري ومسلم].

ومنها: اغتساله بين العشاءين، وقد تقدم من حديث عائشة رضي الله عنها: «واغتسل بين الأذانين» والمراد: أذان المغرب والعشاء، قال ابن جرير: " كانوا يستحبون أن يغتسلوا كل ليلة من ليالي العشر الأواخر ". وكان النخعي يغتسل في العشر كل ليلة، ومنهم من كان يغتسل ويتطيب في الليالي التي تكون أرجى لليلة القدر. وكان أيوب السختياني يغتسل ليلة ثلاث وعشرين وأربع وعشرين، ويلبس ثوبين جديدين، ويستجمر ويقول: " ليلة ثلاث وعشرين هي ليلة أهل المدينة، والتي تليها ليلتنا، يعني البصريين ".

فتبين بهذا أنه يستحب في الليالي التي ترجى فيها ليلة القدر التنظف والتزين، والتطيب بالغسل والطيب واللباس الحسن، كما يشرع ذلك في الجُمع والأعياد. وكذلك يُشرع أخذ الزينة بالثياب في سائر الصلوات، ولا يكمل التزين الظاهر إلا بتزين الباطن بالتوبة والإنابة إلى الله تعالى، وتطهيره من أدناس الذنوب؛ فإن زينة الظاهر مع خراب الباطن لا تغني شيئاً.

ومنها: الاعتكاف، ففي الصحيحين عن عائشة رضي الله عنها أن النبي صلى الله عليه وسلم كان يعتكف العشر الأواخر من رمضان حتى توفاه الله تعالى. وفي صحيح البخاري عن أبي هريرة رضي الله عنه، «كان رسول الله يعتكف في كل رمضان عشرة أيام، فلما كان العام الذي قُبض فيه اعتكف عشرين». وإنما كان يعتكف النبي صلى الله عليه وسلم في هذه العشر التي يُطلب فيها ليلة القدر، قطعاً لأشغاله، وتفريغاً لباله، وتخلياً لمناجاة ربه وذكره ودعائه.

وأما آخر الشهر فُيعتق فيه من النار من أوبقته الأوزار، واستوجب النار بالذنوب الكبار، فإذا كان يوم الفطر من رمضان أعتق الله فيه أهل الكبائر من الصائمين من النار، فيلتحق فيه المذنبون بالأبرار.

ولما كانت المغفرة والعتق من النار كل منهما مرتباً على صيام رمضان وقيامه، أمر الله سبحانه وتعالى عند إكمال العدة بتكبيره وشكره، فقال: {وَلتُكمِلُوا العِدةَ وَلِتُكَبِرُوا اللّه عَلَى مَا هَدَاكُم وَلَعَلَكُم تَشكُرُونَ} [البقرة:185]. فشُكرُ من أنعم على عباده بتوفيقهم للصيام وإعانتهم عليه، ومغفرته لهم به، وعتقهم من النار، أن يذكروه ويشكروه ويتقوه حق تقاته.

مش عيب

مش عيب خالص اننا كل فترة نقف ونراجع ونرتب اولوياتنا من اول وجديد

مش بتبقى خيانة ولا حتى اخلاف وعد

بس بيجى علينا وقت بيبقى لازم نعدى من الحتة اللى واقفين فيها دى

وبيتطلب اننا نعمل تضحيات مؤقتة نوعا ما لحد لما نعدى ونطلع من الحفرة دى

بس فعلا بيبان مين اللى بيصبر ومين اللى بيفكر فى مصلحة الجماعه قبل مصلحة الفرد فى الوقت ده

مش عيب

السادس عشر من رمضان

بسم الله الرحمن الرحيم

﴿ تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ ﴾

صدق الله العظيم

واوسطه مغفرة

اللهم يا حنان يا منان

تقبل صيامى

اللهم تقبل قيامى

اللهم تقبل دعائى ومناجاتى لك

يا غافر الذنوب اغفر لى ذنبى

يا رحمن يا رحيم ارحمنى يوم العرض عليك

يارب استرنى فوق الارض وتحت الارض ويوم العرض عليك

اللهم تقبل صيامنا وبارك لنا فى شهرنا هذا يالله

*********

عندى مشكلة فى التعليقات مش عارف ارد عليكم...كل سنة وانتم طيبين ومنورنى دايما :)

عاشر يوم من رمضان

جاء في حديث الترمذي عن أبي هريرة أن النبي صلى الله عليه وسلم قال :" إذا كان أول ليلة من رمضان صفدت الشياطين ومردة الجن ، وغلقت أبواب النار ، فلم يفتح منها باب ، وفتحت أبواب الجنة فلم يغلق منها باب ، وينادي مناد كل ليلة يا باغي الخير أقبل ، ويا باغي الشر أقصر ، ولله عتقاء من النار وذلك كل ليلة

صدق رسول الله صلى الله عليه وسلم

طفح الكيل

A** Ya 7koooooma

سادس يوم رمضان

الخمس ايام اللى فاتوا مرو بسلام

بس حاسس ان الجو غريب...مش جو رمضان اوى

ااه فيه زينة وناس بتصلى وبتصوم ولمة عيلة

بس فيه حاجه او اتنين ناقصين

*****

على جمب كده فيه ناس بشمئز منهم قابلتهم اليومين دول ورا بعض ...كذا صنف الواحد كان هيخسر صيامه بسببهم ربنا يهديهم

اول يوم رمضان

كل سنة وانتم بخير وطيبين

رمضان كريم

حد بقى عمل كنافة وقطايف وقال يا سفاح خد حتة؟؟

:D

grrrr

I love this feeling, Really awesome One

Blank sheet

just be your self !

all of that crap

Lost

انا تايه توهان السنين

أصلها بتفرق ...2

أصلها بتفرق فى حياتك واحده من اول ما تعيش وياها تلقاها معاك ملهاش بديل

يوم لما قدرك يجيلك ...وتحب واحدة...مينفعش تبدلها بأى واحدة

لما تحبها وتتجوزها

وتعيش معاها العمر كله

عارف يعنى ايه العمر كله ؟؟

تشوفها وبتغسل سنانها 50 سنة ...ووقت ما تيجى تسرح شعرها ...ولا يوم لما تبقى لسه صاحية طازة من النوم ولسه بتتاوب وبتشوف الدنيا فيها ايه

اصلها بتفرق فعلا لما تحب واحدة

بجد مش بيبقالها اى بديل

:)

أصلها بتفرق

أصلها بتفرق من واحدة لواحدة

فى واحدة بتنساها بواحدة

و واحدة مبتتنسيش

وزير الكهربة والتوفير

وزير الكهربا طالعنا بطلعته البهية من كام شهر وقالك بص ياعم الشعب كل عية عندها سبعتلاف تكييف مش تشغله وتلبس فلوسه ولا مؤاخذه ويقعدوا لازقين فى بعض تحت تكييف واحد عشان نوفر كهربا ونبطل نشغل النور والغسالات والكمبيوتر وخلافه ...ولا اكننا بناخد وصلة كهربا من حد

طبعا احنا اجدعها شعب يحب التنفيض والممنوع مرغوب دايما ...فتفتق ذهن الوزير بتاع التوفير تانى عن فكرة جهنمية...وفعلا بتودى جهنم
انه قرر انه يطفى عواميد النور بتاعت الشوارع بالليل ...كل يوم منطقة معينة...طب حلو يعنى مش ازمة...لاء ماهو الفكرة انه بيطفى الشوارع الرئيسية والبس بقى يا مواطن

وطبعا بردوا اغلب شعبنا بيوفر عشان بيحسبها صح عشان ميطلعش تربنتين اهله صح اخر الشهر، ففى ناس حسبى الله ونعم الوكيل فيها بتمشى بالليل بالعربية من غير نور امامى او خلفى او حتى فلاشر جانبى ..والبس تانى يا مواطن

بجد بجد بجد قمة فى سوء الادارة والتخطيط ...مش عارف دول اتخرجوا من جامعات ازاى ؟؟؟انا بفكر اصورلكم الشوارع بالليل من الضلمة بتبقى عاملة ازاى وكمية الحوادث اللى بتحصل وسرقة ونشل عينى عينك فى الضلمة دى

دى معلش اخوانا الخلايجة بيعيشوا ازاى وهما فى الصيف عندهم الحرارة اعلى مننا والتكييف عندهم زى شاى عندنا ...بيستعملوه 24 ساعه...بيجيبوا كهربا منين معلش؟؟ ولا عندهم سد عالى ولا سد واطى ولا احنا مسلفينلهم سلك كهربا ارضى من السد العالى ؟؟

قمة فى الاستفزاز اليومى اللى الواحد بيشوفه ...ياعم دى اثيوبيا عندها كهربا احسن مننا ...فين بقى مصادر توليد الكهربا اللى طلعونا ميتين اهالينا واحنا فى المدرسة من حضانة لثانوى بندرس فيها ، ولا كلام كتب وخلاص ...واللى بيحصل دلوقتى اجهاض مش توليد

اهم شىء التوفير

توفيرا فى الكهرباء = اهدار لروح المواطن

والعزا فى عمر مكرم باذن الله

!!!!!!!!!!!!!!!!!!!!!!!

خذوا الحكمة من

افواه سائقى الاتوبيس

******************

بقالى فترة بفتح البلوج هنا وببقى عاوز اكتب اى بوست والبوست يبقى فى راسى بس بلاقى نفسى اوتوماتيك بقفل الصفحة ومش بكتب

بقالى فترة معنديش الرغبة اعمل اى حاجه حتى فى حياتى ، كسل ...ولا حالة ومش هتعدى مش عارف مش متعود على كده ابداااا

*****************

كلنا بنعك وكلنا بنغلط ...بس الفرق من اللى شايف وعارف انه غلط غير التانى اللى بيبقى شايفك انت بس الغلطان ...وده شىء فى حد ذاته مستفززز

****************

عاوز اعمل حاجه جديدة...مش عارف ايه هى ...حاجه حلوة يا حاجه وحشة مش فارقة...كله عند العرب صابون زيست

***************

العمر بيجرى يا ولدى ...بيجرى بيجرى يعنى ...ومينفعش نفضل واقفين ..

**************

وبس يا سيدى راحت معيطة

وطبطبت عليها

واخدتها فى حضنى وقالتلى بحبك يا غضنفر

وظل يفكر

لحد اما لزق فى مكانه

متفرجين الى الابد

جربت يوم تروح استاد وتقعد تتفرج على ماتش؟؟

بلاش دى ...شعورك ايه وانت قاعد بتتفرج عالتلفزيون بتشجع اى حاجه او اى حد

مبتحسش من جواك انك عاوز تعمل حاجه فى يوم وتبطل تبقى مشجع ؟؟؟

مش كل الناس للاسف ...فيه ناس بتستمتع بالتشجيع ...واللى بيشجع اغلبهم فى حياتهم بيشجعوا بردوا...مبيحبوش يطلعوا فى الصورة ولا حتى ابطال مساعدين

انا بس امبارح لما ركزت اوى اكتشفت اننا كعرب عالطول بنشجع

ااه مشجعين فى المدرجات عالطول ...ولما تجيلنا فرصة ننزل تحت فى الملعب مش بنرضى

فى المدرجات بقى تلاقى الهلس على اصله ...والضحك والهزار

لكن اللى فى الملعب بيتكلموا جد...انت اتجننت يابنى...جد ايه اللى عاوز تعمله

حتى فى الافلام احنا مشجعين ودرجة تالتة كمان

شوف اى فيلم اجنبى

هاتلى بس كام فيلم كنا فيه قوة

مافيش الا كام فيلم يتعدوا عالصوابع

والباقى بنقعد ندعى ربنا قدام الجامع او الكنيسة

ومستنين الخطر يمشى

دى فكرة الغرب عننا ...والصراحة عداهم العيب وازح

اننا متفرجين...وهنفضل متفرجين

نشجع ونهيص

لكن وقت لما تجيلنا فرصة ويفتحولنا باب الملعب هنرفض

ليه ؟؟؟

عشان احنا وهمنا نفسنا اننا اتخلقنا عشان نشجع وبس

مع اننا الملعب الرئيسى اصلا

يا خسارة بجد

!

The Simpsons

We need something like that in Egypt :D

حداد على خالد سعيد

مشكلة العصر

القضية دلوقتى اننا نرفع قضية على عماد متعب عشان شبهة تطبيع او نكفر خالد النبوى عشان الفيلم كان فيه يهود او اى بتنجان

بالظبط عاملين زى واحد بيشترى بطيخة ولقى نملتين واقفين عالبطيخة راح مقروف منها ورماها...مقصدش ابدا انى اشبه الاتنين دول بحاجه

بس احنا فعلا كده بنمسك فى الصغيرة ونسيب الكبيرة

وبقت مصر مش بتطبع مع اسرائيل ...وجم الاتنين اللى خرجوا برا النص ولازم يتشنقوا فى ميدان عام...ااه ميدان عام ما احنا بقينا المدينة الفاضلة وكل حاجه حلوة ومش بنصدر غاز ولا اتفاقية كويز ولا سينا بيبرطعوا فيها ولا اى حاجه

يلا اما الحق اعمل جروب عالفيس اجمع مليون مصرى عشان نشنقهم فى الميدان العام

وقرفى !!

عذراً

البلوج فى التلييييين

شعب كلامنجى

ويوم بعد يوم

بيثبتلى الشعب بتاعنا بدءا من اللى قاعدين فوق لحد اللى ادفنوا تحت

اننا شعب كلامنجى بجد

!

??

هوا حد ليه نفس يكتب ولا يسمع؟

يوم الخمييييييس

كل واحد يدخل يختار اغنية ...كليب عاليوتيوب حتى

صورة فيلم

ويحطلى اللنك بتاعها هنا

يعنى كل واحد على حسب الموود بتاعه ايه ...او بيحب ايه اكتر

بالنسبالى دى الاغنية اللى فى بالى الاسبوع ده











يلا مستنى ابداعاتكم

اريدوووو حلاً

طبعا اللى هيشوف العنوان هيقولك بس صباح التعليم المجانى وكده...بس اللى فيا مكفينى ...خلانى اكتبه كده :D

المهم انا مش جاى اتكلم عن فيلم فاتن حمامة لما رشدى اباظة شعلقها ولا طلقها ولا قعد معاها ...بس هى حاجه متعلقة بالسينما عموما ...تقريبا بقالى كتير قوى مشفتش فيلم بيجيب حلول،،كل الافلام ان لم تكن معظمها عشان مظلمش ناس كتير فى النص جايبة المشكلة..زى افلام خالد يوسف مثلا كمثال ...سواء حين ميسرة او حاجه تانية ...انا بتكلم عن الافلام اللى بتعرض مشاكل كله بيتكلم عن المشكلة لكن معتقدش ان حد فكر يجيب حل

حاجه بتضحكنى اوى بردوا فى فيلم عندليب الدقى لما هنيدى قعد مع ممثلى العرب فى الاخر وقالهم كلمتين فوقوهم وبس كله فى الاخر حط ايده فى ايد التانى ...الاطفال لما يتفرجوا عالحاجات دى ويكبروا بيفتكروا ان العملية سهلة وبتخلص فى بقين بس ..بردوا فين الحل يا جماعه...مش كفاية انك تتكلم عن المشكلة ...ما كلنا شايفين المشكلة...محاولش حد يوجع راسه ويفكر...ولو حصل فيلمه بيقع او مبيطلعش للنور كمان

حاجه تالته ...امريكا دخلت فيتنام...عملت كم افلام مهولة عنها...افغانستان كذلك العراق لحد يومنا هذا وبيتعمل افلام ومسلسلات وكل حاجه ممكن تتصوروها

واحنا اخر فيلم عملناه عن اكتوبر كان بعد الحرب بفترة...ليه محدش يصرف من اللى بيتصرف ويعمل فيلم كبير عنها...او عن اى بتنجان مخابراتى...بدل المسلسل العبيط بتاع حرب الجواسيس اللى كان ساذج اوى فى ادائه...بيتهيقلى محدش هيعمل حاجه زى رأفت الهجان او جمعه الشوان كده تانى ...او حتى السقوط فى بئر السبع ...احنا لو بنفكر صح ممكن نكسب دهب من اللى عندنا ...بس عشان احنا بقينا نكبر مخنا ونقول انا مالى ...فبينكتفى بالكرسى فى البلكون وناكل فيشار ونتفرج

اوبس...الفيشار اتحرق

:D

TagzzzzzzzzZzzzzzzzzzzzzzz

Special Tagz i received Recently , & I'm already missing these lovely tags by the way :D

O.K the first one from My Lovely friends blog..Spare Time


انت مين بقى ؟

سفاح كرموز..حلو كده

عندك كام سنة

23 وحبة

هل انت متزوج ؟

لع...محصليش الشرف :p

دراستك ايه

حقوق القاهرة..اسانس يعنى

كم طولك وما لون بشرتك

انا اقدر ااقول انى ولا قصير اوى ولا طويل اوى
رحم الله امرىء عرف قدر نفسه

هل تمارس عملا بشهادتك او عمل حر وما هو

ومين بس بيشتغل بالشهادة...صلى عالنبى بس...اغلبها حاجات وقتية

ماذا تفعل بوقت فراغك

بنام...بخرج..بقرا

هل لديك هوايات وهل تمارسها

الكتابة...وكرة اليد...والتأمل..ومش لاقى لوقت الا التأمل فى مخاليق ربنا

هل تشعر برضا ربنا عنك

بص...على حسب اليوم ماشى ازاى

عندما تكون فى موقف اتخاذ القرار..تخالف الجماعه.. ام تشرك معك الاخرين

على حسب الموقف او المكان...لو انا قائد وشايف بحكم الخبرة ان القرار ده صح همشى فيه اكيد

ماهو الشىء الذى فعلته وندمت عليه طول عمرك

حاجه عملتها من كذا سنة وكان نفسى معملهاش بس اتعملت وغيرت حاجات دلوقتى وتاثيرها لسه شغال

هل تصارح غيرك بالحقيقة ام تقول له ما يحب سماعه

بصارحه بس بطريقة كويسة مش تجرحه...وساعات بديها زى ماهى

متى يقسو قلبك

لما اقفل من الشخص اللى قدامى او وقت الانتقام...معنديش غالى فى الحتة دى

من هو اول من قلت له احبك

اكيد ابويا وامى :D

هل يمكن ان تحب احد من المدونين

كل شىء جايز..ممكن اقابل سفاحه فى مهمة اخرى ووقتها الفاس يقع فى راس الضحية ويحصل حاجه :p

ماذا تعنى لك المرأة والرجل

المرأة الحنية...الاهتمام...القلب الكبير يعنى...الراجل ..الحيطة اللى بتتسند عليه فى كل حاجه عامة

فى زمن البحث عن المادة ماذا تبحث انت

الستر والرضا

متى تعرف انك تحب

لما اعرف قبلها انى معجب ولهان..ههههههههههههههههههههه

الشخصية التى اثرت بحياتك

مممم..مش حد معين عامة...ناس كتير...سواء اهلى او اصدقائى...كل حد بيعدى بيسيب بصمة وناس معندهمش صوابع يسيبوا بصمات حلوة ..:)

هل يوجد من تراه سعيدا فى الدنيا ولماذا

اى حد ربنا بيكرمه وهوا بيطيع ربنا كويس ومراعى حق ربنا فى كل حاجه...ده اسعد الناس

ماهى درجة صراحتك

depend

ماهى المواقف التى يمكن ان تكذب فيها

depend also

بس ساعات عشان اطلع من مأزق ما وبتقلب على دماغى بعدين...بس الحمد الله بطلت

هل يتغير الحب بعد الزواج

مسألة نسبية..يا بيعلى اوى واكتر...يا بيقل على حسب اللى اتجوزوا دول بيطيقوا بعض ولا لاء

فيما تفكر الان

بفكر افطر ايه ولا اقعد فى البيت بدل ما انزل فى الحر..ههههههههههههههههههه

لو لم تعش بمدينتك ..فأى مدينة تفضل ان تعيش بها

اسكندرية او روما

من اول من يأتى ببالك لتحكى له اسرارك

ناس كتير بس المهم يكونوا فاضيين او فاتحين موبايلهم

من هو الد اعدائك

اى حد حقود عليا ..وكتير الحمد الله :D

من هو صديقك

وسام اولهم ^_^


ماذا تكره فى الحياة

القرف ودماغ الناس اللى مالهاش لازمة وبيفكروا ازاى يعقدوا الواحد فى حياته

ماذا تحب

بحب اتنين سوا ..هههههههههههههههههه

كيف تواجه ما يضايقك وكيف تتصرف فى المفاجأت

لما بضايق بنزل اتمشى فى الهوا كده وبحاول اركز ...عشان متهورش واعمل تصرفات بندم عليها بعدين

بالنسبة للمفاجأت ...ممم بتفاجىء زى زى غيرى بس مش بيغمن عليا :p

بصوا هوا التاج طويل بافترا :D

انا تعبت الصراحة..فكفاية دول مؤقتا وباقى الاسئلة هعملهم فى تاج تانى ^_^

التاج ده هديه لـ:

Silver eyes

Self meaning

عمرو فكرى

عصر الجنون

Fact

Waiting sucks ..

الخير فى بلدنا

اليوم المفتوح

اولا اللون الاسود بقى يعميى عينى وانا اصلا بقعد بالليل مطفى نور الشقة فمش بشوف انا بكتب ايه..فده مؤقتا لحد لما الاقى شكل يعجبنى

المهم النهاردة اوبن داى...اللى عاوز يقول حاجه يقولها..يسال يحكى..يغنى يرقص..براحتكم يعنى

وهفتح التعليقات المجهولة عشان لو حد كركر يشاركنا

كركر الحناوى

:D

Smile

"lel" Life "t" Smile "Leek"

حبة طراطيش

اخر بوست عجبنى انا شخصيا لانى كنت داخل اكتب حاجه...وكان فيه حد بيقاطعنى زى الست اللى فى البوست فطلع كده..هههههههههههههه

*************

ساعات عشان الناس تحس بوجودك لازم تختفى حبة او حبتين

هيعدى يوم او اتنين اربعة ممكن وتلاقى الناس بتكلمك وتشوفك انت فين

عدى اسبوعين وتلاتة ومحدش اتكلم...ههههههههههه

مش فارقين معايا الناس دول عامة

مرة واحد اعرفه قرر يعمل نفس الفكرة بالظبط ...بس الفرق ان الناس لما افتكرته كان توفاه الله قبلها باسبوعين

يعنى عدى بتاع شهر تقريبا

!!

*************

واحد صاحبى زى اخويا ..هاشم.. اعرفه من 2004 تقريبا...والده كان مريض بقاله فترة

وكنت لسه بكلمه اول امبارح وبحاول اعمل اى حاجه اساعده بيها ...مبحبش احساس العجز ده خالص...وجربته كتير فى ناس اعرفها وبحبها وفى ناس معرفهاش

والده اتوفى امبارح العصر ...ربنا يرحمه ويغفر له ذنوبه ويصبر اهله

*********

كل واحد بيشوف المشكلة من منظاره الخاص بس!!ومش بيهتم بالباقى

********

الانسان كائن غير صبور بالمرة

********

اى اتنين لما بيتجوزوا ويخلفوا ويجيبوا عيل صغير ...بيكونوا لسه اول مرة اب وام...فالتجارب بتشتغل وكل واحد منهم رامى ودنه لحد تانى بيسمع التجارب السابقة وكل واحد بيبقاله فكرة عاوز يطبقها فى العيل الغلبان ده

فالنتيجة يا بتنجح يا بتفشل وبيطلع عيل معقد..المهم بيبجى التانى بيتعذب بردوا

والتالت بيكون اتقنوا تربية العيال فبيطلع كويس سليم مش معقد

نوصل لايه بقىىىىىىىىىىىى

معرفش
!
*********

الانسان كائن غير مش عارف بالمرة

*********

محدش بيصبر على حد ...كل واحد عاوز يحب او يتجوز حد جاهز فى المشاعر وفى كل حاجه...محدش بيحب يبنى من الاول...مهما قال على فكرة واولهم انا...بس بيبقى صعب اننا نكتئف ان احنا كده فنقعد نقول فكك انا مش كده خالص ..انت بيتهيقلك

********

واخر حاجه

Proud being MYSELF

الرجل...والسيدة

تزوجت وكانت اسعد الفتيات فى حييها...كانت قصة حب ملتهبة توجها الزواج..فى البداية وليس النهاية..لان كل قصة حب هى مجرد كلمات على سطور رواية لم تبدأ بعد...فما هى الا تلك المقدمة فقط والزواج جزء من البداية الحقيقية ...وباقى الفصول هى سنوات عمرهم والنهاية تكون بالموت ...اختلف البعضعلى هذا الموت..هل هو موت الحب ام موت الاحباء..او هو موت القلوب والضمائر..ممممم لا يهمنى البتة ما هو ..فاننى اتكلم عن البداية بحقكم

نعود لتك الفتاة السعيدة المسكينة..لماذا هى مسكينة وقد تزوجت لتوها ؟؟ الم تقل هذا..مم حسنا ولكن كانت هناك بعض المنغصات من ام حبيبها وزوجها وبعض الاشياء المعتادة الصغيرة الاخرى...فانت تعرفين حال كل الزيجات..ممم حسناً فلتكمل

اين توقفت؟ اها تذكرت ..كان يوم زفافها يوم اسطورى ...كان منذ الصباح حتى المساء...حضره كل الافراد فى قريتها الصغيرة...الكل يهنىء والكل يبارك لها ولزوجها ...الكل يدعو ان يتمم الله لهم السعادة والخير دائما...ولكن....لماذا قلت لكن ...لقد كنت تسير جيدا

سيدتى ان قمت بمقاطعتى دقيقة تلو الاخرى لن استطيع اكمال ما اود ان اكتبه ..لذا عليك بالتروى قليلا وتركى اكمل ما اود ان اكمله ...ممم حسنا سأحاول ...اللعنة اين توقفت تلك المرة...لقد كنت تقول لكن

:@

لقد نسيت ...لن اكمل هذه القصة ...وهاهى الورقة - صوت الورقة وهى تلقى على الارض بعدما قطعت الى الف ..ليس الف بالتحديد ولكن عدد كثير من الاجزاء المتناهية الصغر- ولن اكتب هذه القصة السعيدة كى ترتاحى

حسنا....فى يوم كان القمر بدرا...والسماء صافية والنجوم تتلألأ كما وانـ...لماذا تكتب عن الليل ويمكنك ان تكتب عن الشمس والعصافير المغردة والنساء المغنية السعيدة...هؤلاء النساء سأقتلهم امام عينيكى واحدة تلو الاخرى ان لم تصمتى وتتركينى انهى كلماتى

او تعرفى...سأكتب لك قصة ستقومى بمعرفة نهايتها فى عقلك المحدود هذا ..لنبدأ

فى يوم من الايام الغابرة ...كان هناك رجل وسيدة تعطل بهم المصعد داخل احدى البنايات الكبرى...وكعادة الرجل الذى هو كاتب مشهور ...ان يقضى على الخوف من الاماكن المغلقة وقلقه وهو معلق بين السماء والارض فى الطابق الخامس والثلاثون...فأخرج ورقة وقلم وحاول ان يقوم بتأليف اى شىء يساعده على التركيز...فهاهو صاعد الى الاعلى لكى يقدم كتابه الجديد لبعض النقاد ...وبالطبع نحن نعرف كيف هم

ولكن هيهات ان يستطيع المرء فى هذه البلاد تاليف شىء دون ان يقاطعه صوت غراب او حمار او حتى سيدة لا تفقه شيئا ولا تصمت لبرهة ولا حتى تريد ان تصبر وتعلم ماذا يحدث....وبدلا من التركيز ...جعلت اعصابه مثل الهلام الذى يتراقص يمينا ويسارا

حتى قرر انه سيضع حداً لهذا الامر...فالان هو يفكر كيف سيخرج مسدسه المحشو من داخل حقيبته السوداء الموضوعه بجواره..ومن ثم كيف سيصوب جيداً نحو تلك السيدة الحمقاء ويحاول اصابتها بسرعه قبل ان تقوم كالفأر وتتجول وتهرب وتزوم داخل علبة الكبريت التى نحن فيها...وكيف سأحاول الهروب من فتحة السقف وتسلق احبال المصعد كى اهرب من تلك الجريمة التى لو علم القاضى والمحلفين لما فعلتها لباركونى ولقاموا بتشييد تمثال لى وجعلوا لى ميدانا داخل هذا المبانى يزوره القاصى والدانى

احم...ما اسم هذه القصة ..الـ الـ الـمرعبة تلك؟! هل تتكلم جدياً ام انها مجرد قصة ؟؟؟

مجرد ابتسامة ارتسمت على شفتيه ونظر اليها...ثم نظر الى حقيبته السوداء...فنظرت اليه مرتعبة فهم بفتح الحقيبة...فصرخت السيدة صراخا يخيل لك ان ولدها قد مات امامها ...ولكنه لم يخرج الا مسدسه الصغير المعروف بالقلم الرصاص ...وقام باكمال اخر سطرين حيث كتب :

ولكننى لن افعل ذلك واجعلها تنول الراحة من تلك الدنيا...كلا سأتركها تتعذب معى ومن بعدى ...ومع غيرى...نعم لن اكون انا السبب فى انها سترتاح وتذهب الى مكان اخر ...وانا اتعب فى الذهاب الى ساحات القضاء والسجن وربما حجرة الغاز...كلا ايها السادة...هنا يأتى دور العقل ...والحكمة والتفكير الصحيح

وانتهت القصة

وسند راسه الى حائط المصعد منتظراً ان يقوموا باصلاحه...وصمتت السيدة وكأن هناك من ابتلع لسانها

وابتسم فى النهاية

:)

فى حياتك يا ولدى امراة عيناها سبحان المعبود

فمها مرسوم كالعنقود

ضحكتها انهارا وورود

والشعر المجرى المجنون يسااااافر فى كل الدنيا

طب تاخده؟؟

تاخده فين

طب تاخد امراة يا ولدى يهواها القلب هى الدنيا

طب تاخده؟؟

تاخده فين

يا ولدى قد مات شهيدا من مات فداءا للمحبوب

طب تاخده؟؟

تاخده فين

اصلح بوابير الجاز ...اصلح ومعايا كباس

طب تاخده؟؟

تاخده فين

جلست والخوف بعينيها تتأمل فنجان المقلوب

قالت يا ولدى لا تحزن فالحب عليك هو المكتوب