Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Sunday, December 12, 2010

علمتنى الايام

فى ظل الايام التى تلطمنا كل يوم لطمة تلو الاخرى على وجوهنا ، وفى بعض الاحيان على اماكن اخرى حسب المواقف وحسب الاشخاص...فهاهى خلاصة ما تعلمته الايام الماضية

لو كنت ماشى فى الشارع ولقيت فلوس عالارض ...بص يمين وشمال وحط النعمة فى جيبك وابقى اهريها بوس بعدين

لو حبيت تنزل تعدى الشارع خليك بااااااااااااااااارد ...بس النصيحة دى متنفعش للى شكلهم مدى على رجالة !!

فى اول الشهر بلاش تعيش دور الغنى وتصرف ربع المرتب احتفالا بقدومه ...وفى اخر الشهر بردوا متعزمش اصحابك وحبيبتك كتير...صدقنى هتتنش عين هتجيبك انت والمرتب والشغلانة الارض

عيش ندل ...هتفضل طول عمرك مستور

فترة العشرينات من العمر استغلها احسن استغلال ...لان لو غلطت واتجوزت ...هتعيش طول عمرك عندك عقدة نقص ما

لو تعرف بنات كتير ...بلاش تعيش دور الشهم معاهم لانك فى الاخر هتبقى زى سنيد...وقت ما يضايقوا مع اصحابهم الولاد هيجوا يفضفضوا عندك ويرجعوا بيوتهم تانى

البوكسر مكانه تحت البنطلون ...ولو الدنيا مأزمة معاك علق ورقة على رقبتك واكتب مواصفاته

خليك نفسك دايما ومش لازم تقلد حد عشان الناس تعجب بيك

ومش لازم تمشى جهارا نهارا تقول انت رأيك كذا ومع فلان الفلانى...محدش بيحب الناس اللتاتة

لما تخطب ...عود خطيبتك ان الحساب انجليزى...النص بالنص...والا بالمعدل ده مش هتلاقى فلوس تشترى شبكتك يا عسل

متأمنش لاى صنايعى ...الا لو كان اخوك الصغير وانت معذبه

فى الاخر مش اى نصيحة تمشى تعملها ...لانك لازم تتلسع من الزبادى الاول عشان يبقى عندك حق لما تنفخ فى عصير القصب

بخ كده


5 comments:

بسمة امل said...

لا ما حدش واخد منها حاجة

عجبتني هي طرطش

ما عنا اياها بسوريا

Anonymous said...

لدي بعض الحكمة الرائعة.

Tamer Nabil Moussa said...

كلام يحتاج الى تجربة

تسلم الايادى

مع خالص تحياتى

Mona space said...

تلطمنا الايام
لتعلمنا اكثر حتى من تعليم الاهل
.....
الدنيا تجارب وكل ماواحد يطلعله نتيجه بيبقى ليها سبب مقسوم اتنين
هو هيستفاد بيها وغيره من بعده
دا اذا كان ممن يعتبرون :))
شكرا :)

Zainab said...

اجسن حاجه انك سايب تحذير فى الاخر ... عشان اللى يتلسع الزبادى ميقولش بسببك :)
بس جميله وفيها وجهه نظر بردو