Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Saturday, December 29, 2007

فى اكياس ولا سايب ..؟؟؟؟

ممممممممممممممممممممممممم

مسحت اول سطرين اكتر من 10 مرات عشان اعرف الاقى مقدمة مش عارف ...فقلت اخليها كده عريانة....

فى الاول بعتذر جدا جدا جدا لاى حد بيعمل كومنت ومش برد عليه....

لان المذاكرة مطلعه عينى ...وبرضه الموود مش متظبط...وعندى فقر ابداعى حبتيين...:)

بس نيجى للموضوع ....

ياترى ايه اللى فى اكياس ولا سايب....

حاجات كتير ....

بس اولهم الذوق اللى اعتقد انه ولا بيتباع سايب ولا حتى فى اكياس...

دى حقن اهالينا بيدهولنا زى الفيتامين من واحنا صغيرين واحنا بعد كده بنتأقلم مع المجتمع...

وحسب طلع عندنا ذوق او ميطلعش...

بس تبقى ناس كبيرة وعدت سن الرشد...وتلاقى "قلة الذوق " بتنقط من بقهم وبتتكلم على ناس فى غيابهم بقلة "ذوق " برضه ....

ده اللى ما ينفعش ....ولازم نفتح محل الاخلاق ونبيعلهم نص كيلو ذوق...اينعم مش هيكفى معاهم....بس عالله يطمر فى اشكالهم ....

وممكن بعد كده نسفرهم برا على نفقة اى واحد "ذوق" يعالجهم فى اى مستشفى بتاعت اخلاق ...:)

لغاية لما نلملهم من السوق ذوق معبى ومغلف عشان يناسب حالتهم ....

ايه تانى ممكن يكون متكييس او سيب....

ااه الاحساس اللى بقى غايب عند معظم الناس ....

او بقى مختفى ومش بقينا نشوفه....

يلا مصلحة كمان ...

يبقى كده عندنا ذوق...وعندنا الاحساس ....

ايه...مين...

سامع صوت حد بيقولى الضمير....

لا يا بابا ...سعادتك الصنف ده انقرض ايام بنى البشر....

ودلوقتى بقوا ماشيين بضمير "بلتى اوت " مش زى الـ"بلتى ان " بتاع زماان ....

اللى بيبوظ منه مالوش قطع غيار ولا اكياس ولا حتى سايب ....

اييييييييييه ...يلا ماهى بقتش تفرق سينا من سونيا ....

اخر حاجه ممكن الفهالكم فى اكياس....

اكوام الرمل الاسود اللى بقالها شهر بتنزلنا من الحنفيات بدل الميه....

على الاقل اللى عاوز يبنى ده رمل بيلبد ومش بيتزق بسهولة وبيمسك نفسه اجمد من اى رمل مبلول....

حسبى الله ونعم الوكيل فى كل ظالم...

وحسبى الله ونعم الوكيل فى كل واحد فاكر انه عنده ذوق....

لكن الحقيقة المفجعة ...ان الذوق اتبرى منه

والكلام ليكوا يا جيراااااااااااااااااااان ;)

4 comments:

موجة said...

أول تعليق .. الحمد لله
طبعا موضوع جميل
دا حتى اللي بيجامل دلوقتي بيبصوله على انه جاي من كوكب تاني
الناس الماديات طغت عليها
عندك واحد ذوق و صلحوووووووه
حتاكل هنا يا استاذ
لا لفهولي في ورقة
ههههههههههه
خالص تحياتي

safa7_karmooz said...

موجة:

تقريبا الوحيد اللى لقى الموضوع مهم

وبشكرك على ردك جداااااااااااا

حلوة اوى اخر حتة ...لفهولى فى ورقة

تعرف انا مش بحب اجامل لانى بحس انى هنافق...
ولو فلت الحقيقة ناس تدخل تسقف للتانى وتتهمنى بان ردودى وحشة

ربنا يشفى..:)

catroz said...

ههههههههه
هموت و اعرف الكلام على مييييين
و بعدين بتتكلم على زوق مين بس
داحنا فى مصر
و ضميير ايه كمان ده
مش هتلاقى منه لا اكيااس ولا ساايب
لسه فى ناس عندها ضمير و ضميرها بيوجعها
بس قليلين اووى
لدرجه اانا حسينا انهم خلاص اختفوا
يلا خير خيير
متاخدش فى بالك انت بس
كلوا بيطلع فى الغسييل:D

ريهام العربي said...

هههههههههههههههههههههههههههههههه

جمده جمده جمده مش فاضل
غير يتحط في ظرف
وطابع بصطي مرسوم عليه علم مصر و مكتوب عليه (الي المدينه المعدومه اخلاقا وليس مالا)


هههههه لا بجد جميله وجمده بس ياريت الي تقصده يكون شفها يمكن يتكسف ولا يحس