Mohamed El-Durra

احدى عشر  عاما مروا 

ولكنك مازالت فى الذاكرة 

مازالت مشهد الفيديو الذى يبين اطلاق النار عليك وعلى والدك دون اى شفقة او رحمة 

وكان كل ذنبك 

انك فلسطينى الجنسية 

عربى الهوية 

!!!

الخميس السرى 30

عدت ثمانية اشهر 

من وقت اول بوست فى سلسلة الخميس السرى 

اول لما تعدى سنة هيبقى فيه مقاجأة ان شاء الله وقتها

بس يااه الوقت بيجرى بسرعه كده ؟! الاوقات الحلوة بس على فكرة 

=) 

any way 

القواعد زى ماهى 

عندك سر عاوز تشاركنا بيه 

اكتبه بالاكاونت بتاعك او تحب يكون مجهول زى ما تحب

عجبتك الفكرة ممكن تنقلها عندك 

=)

نقبل اقتراحاتكم

I'm Like This Depressed Woman Right Now ..

So Any Suggestion about what to do 2 be Happy even for a while ?!

My Life !

My Life Always Complicated So Much , I don't Know Why !!

Fuck !!

I did The Most Stupid, Silly & F***** Thing Now !! 


I hate My self so Much !!



But something in My mind saying You did the right One , But the Other side 7 my Heart saying   F *** You !!!!!!! 


I hate that !

Dear Winter !

Come Back , I need you Badly =( !!

طرطشة عالفاضى

عندى احساس بالفقع ...بس ليه اسم تانى عشان الرقابة مش هقوله 

خليه مفقووع  اظرف مع انها مش معبرة زى الاسم التانى بس اشطة بردوا يعنى 

******

Desperately Need House Party In Cairo Or Giza, If any One Know any thing about that , just give me da Details please , Thx =) 

*****

لما بكون مضايق بنزل اخرج 

بس لما الخروج ذات نفسه هيضايقنى اكتر ...بقعد فى بيتنا ارازى فى نفسى ...او العب لعبة 

بس اللعبة اللى بلعبها هتحرق دمى اوى دلوقتى لو لعبتها عشان هتجيبلى جيم اوفر 

فالحل بقى اطرشق فى حد ...بس مفيش متطوعين لحد دلوقتى 

=( 

سفاح يبحث عن ضحايا ...يرجى الاتصال على الرقم المدون اسفل الاعلان ..نعدكم بتوفير احدث الوسائل الطبية لاراحتكم 

^^

*****

من كام يوم حسيت بجد يعنى ايه كلمة احنا بندعمك ...حسيت بجد لاول مرة يعنى ايه مساعدة...ومن غير مصلحة 

اول مرة حد ميلومش ويقول عملت ليه ومش عارف ايه 

ويقعد ندور على حلول زى مخاليق ربنا 

ولينا حلول وابتدنا نشتغل عليها اخيرا الحمد الله

احساس ان الواحد مطمن ان حد فى ضهره ده كنت مفتقده

ربنا يخليكم ليا =) 

الخميس السرى 29

الميعاد الاسبوعى 

كل خميس بنيجى هنا

اللى عاوز يفضفض يحكى حدوتة قبل النوم حتى 

عنده سر مخبيه ومحدش يعرفه

يجى ويكتبه هنا 

بالاكاونت بتاعه او يحب يكون مجهول 

Like Your own Room 

Enjoy It 

=)

Life Tips 4

Don't let it break you. No matter how hard things get, life goes on. Stay strong and never give up

هما واحنا

من كام يوم ركبت ميكروباص التحرير اللذيذ وكده من عندنا...عندنا فين مش فارقة 

المهم طلع ركب ولد وبنت معانا وست كده بتاع حاجه واربعين سنة ...وراجل عجوز قاعد جمب السواق 

وانا مأنتخ فى مكانى ورا والسماعات على ودانى بسمع ديفيد جيتا وعايش حياتى 

المهم بدأت خناقة نقاشية ما بينهم معرفش ايه اللى بدأها المهم كانوا بيرغوا فى قانون الطوارىء 

بغض النظر عن موضوع النقاش والطريقة...بس الست من الاول تقولوهم انتوا يوم ما عملتوا الثورة وقفنا جمبكم وانتوا كسرتوا وانتوا عملتوا ...وبعدين تقول بس احنا واحنا وهما 

ثوانى مش فاهم دلوقتى ...انتى جنسيتك ايه يا حجه معلش ؟؟ تقولك مصرية ..طب ليه دلوقتى بنفرق ما بين الجنسيات بكلمة احنا وهما ؟؟

اصل كلنا فى نفس المركب محدش يعنى راكب لنش لوحده وهيروح مكان ماهو عاوز 

يجى بقى عمو اللى قدام يقولك السيئة تعم ...فأنا اضايقت مبدأ السيئة تعم بتاع المدارس لما الفصل ينضرب عشان حتة عيل ولا مؤاخذة لبس الفصل كله ومعملش واجب فنتعاقب معاه !!

فأنا قولتله دلوقتى انا حرامى وقتال قتلة ...يبقى كده كل اللى معايا فى الميكروباص قتالين وحرامية ولاد تيييت ...طبعا قالك لاء وازاى انا راجل محترم...فقللتله ده نفس مبدأ حضرتك بتاع السيئة تعم...ماهو دلوقتى السيئة عمت الميكروباص كله ينفع ولا لاء...قالى لاء طبعا...قولتله يبقى مينفعش نعمم على ضابط الشرطة...عالثوار عالشعب ذات نفسه 

الناس مضايقة من البلطجة والسرقة والقتل والنهب  هوا ايه الفرق بين زمان ودلوقتى ؟؟؟

زمان كان سرقة مقننة وبمساعدة ناس من الاقسام ودلوقتى مبقوش يحموهم وممكن يقبضوا عليهم ...رغم ان اغلب الشرطة بتكسل نوعا ما عشان هيحتاجوهم قدام 

بس هى هى نفس الظروف...بس عشان احنا مسلطين عليها الضوء وبقينا نركز معاها اكتر من الاول ...فحسينا انها كترت 

بعدين اللى بيسرق ده من الناس المحتاجة ...وصل لمرحلة لازم يسرق عشان يعيش..انا مش بحلل السرقة ولا الغلط بس انا بشرح ليه ناس كتيرة محتاجه قامت تسرق وتنهب وشايفة ناس سرقانا بأم القانون 30 سنة واكتر ومحدش بيحاسبهم ...يبقى من حق الناس تضايق وتتنرفز 

بعدين واحد قالها حكمة فى مرة 

الشعب المصرى اشترى حريته جديد ...بس مش معاه الكتالوج فعشان كده بيقلب فى الزراير كلها :) 

عاوز اوصل بس فى الاخر مفيش فرق بين احنا وهما 

كلنا نفس الشخص ...وكلنا فى نفس المركب ونفس البلد 

اخترت انك تهاجر وتسيبها ...مترجعش تانى تشكيلها وتضايق من اللى فيها 

عشان انت فى يوم ما كان فى ايدك انك تصلحها ...قررت تسيبها 

!

ياريت

اى حد يدخل هنا ويشوف البوست ده يدعى ربنا انه يفرج كربى 

اسمى محمد عشان لو حد عاوز يدعى 

شكرا 

:)

اللهم عليك بمن ظلمنى

الخميس السرى 28

ميعادنا الاسبوعى 

كل خميس ...خميس الفضفضة 

تعال واكتب بالاكاونت بتاعك اللى انت عاوزه

سر مخبيه وعاوز تشيلنا حمل معاك شوية 

بالاكاونت بتاعك او تحب تبقى مجهول 

براحتك يعنى ...هتنورنا اكيد 

لو عاوز تنقل الفكرة اتفضل زى مانت عاوز بس ابقى قولنا نيجى نكتب عندك اسرارنا بردوا 

=)

To My Future Kids

انا مش هلغى شخصيتكم بحجة انى اكبر منكم وعارف مصلحتكم 

هسيبكم تجربوا وتتعلموا من اخطائكم 

مش هقفل عليكم القمقم ولا هحطكم جوا فقاعه من وانتوا صغيرين 

مش هفضل حاططكم جنبى ليل ونهار ولما تكبروا اطلب منكم مرة واحدة تعتمدوا على نفسكم فى حين لغيت شخصيتكم 

هصاحبكم من وانتوا صغيرين وهفضل دايما معاكم خطوة بخطوة

مش هتحجج بأن الشغل واخدنى عشان اجبلكم اكل وشرب وهدوم ...الحاجات دى يا اولادى لما بنكبر بنكتشف انها مقارنة بتفويت رؤيتكم وانتوا بتكبروا ملهاش اى عازة يعنى 

هحاول على قد ما اقدر انى اثبت انى مش جايبكم الدنيا دى عشان تتعذبوا 

*******

مش عارف ليه حاسس ان طريقة الاهالى دلوقتى وزمان هى اللى مبوظه العيال 

يلزقوهم جمبهم من وهما صغيرين لحد وقت معين يقولولهم انطلقوا بقى وطبقوا اللى علمناه ليكم 

وهما ممكن يكون ماتعلموش اى حاجه غير الضعف وقولة كلمة حاضر وهما مش واعيين بيقولوها على ايه 

الناس بس اللى داخله على جواز ولا عندهم عيال 

فكروا ياريت بس الف مرة قبل ما تجربوا اى حاجه على عيالكم

حطوا نفسكم مكانهم ولو للحظة وحاولوا تشوفوا الدنيا من عينيهم مش من عينيكم انتوا 

اما الناس اللى خلفوا وعيالهم كبروا ...لسه الوقت مفاتش يعنى 

الناس بقى اللى عدت ربنا يهدى عيالكم وميبقوش زيكم 

=) 

Why You Keeping approach place You don't Belong to it !! 

KEEP AWAY !!

اسألينى يا حبيبتى

Without You

My Life Useless !! 

*****

مش معنى انك مشيت من حياتى من غير اى سبب ولا قلت حتى انك ماشى 

يبقى انى هوافق بكل سهولة انك ترجع تانى مكانك 

هترجع ااه بمرور الوقت ...بس محتاج تعمل مجهود يحسسنى انك راجع فعلا للابد مش حبة لحد ما تلاقى ناس تانية وتمشى تانى 

عمر ما كلمة اسف بتحل اى حاجه 

مكنش حد غلب !!

*****

دلوقتى اى حد عاوز يلغى اى حد من حياته يعمله ريموف من على الفيس ...اكن كده خلاص الناس اختفت ومش هيشفوهم تانى 

ناس مضحكة بجد !! 

Be Sure ..

Always remember, no matter how useless you think you are, you'll always be someone's reason to smile ! 

*****

You can never understand someone's pain until you're the one who feels it ! 

***** 

It's your life, not theirs. Start living it, and stop worrying ! 

=)  

الخميس السرى 27

الميعاد الاسبوعى 

يوم الفضفضة 

مش حاسس انه الخميس حاسه الاربع ولا الاتنين حتى معرفشى ليه 

الاسبوع طار بسرعه اوى 

العمر بيجرى اصلا 

على اية حال 

كل خميس بعمل بوست اللى عاوز يقول سر مخبيه عنده بالاكاونت بتاعه او يحب انه يفضل مجهول يجى ويكتبه هنا براحته محدش هيقوله لاء يعنى

Have a nice week end =) 

يا غراب ومعشش

كان دايما فاشل .. في الثانويه .. يادوب جاب .. 50% .. بالرشوه خلاص الباشا اتعلم .. وخد شهاده ب100 كليه ..ياغراب ومعشش .. جوا بيتنا .. بتدمر ليه .. متعه حياتنا .. مش هنمشي علي مزاجك .. ارحما من طله جنابك .. لفق لفق .. في القضيه .. هي دي .. عاده الدخليه .. ممسوك مكتوبلي ارهابي دولي .. ماسك شمروخ وبغني اهلى

I will Not Let YOU Go !! 

******

فى الكورسات عامة مبحبش اعمل صداقة مع اى حد ...او لو لازم يعنى اوك فى حدود الكورس وبخ 

ليه بقى انا غتت فى كده ؟؟ عشان لما بنخلص الناس بتفرض نفسها وعاوزة تاخد مكان بالعافية ومافيش مكان ليهم اصلا 

على مدار الكورسات اللى اخدتها طلعت بتلاته ...اتنين مدرسين وحد عسل اوى كده بس ! 

Note 2 Myself: Don't Make Friendship with any One in this Damin Course ! 

******

انا على حافة الجنون ...ان مكنتش ادلقت  من على ام الحافة 

******

حتى الان مفيش اى حد اقنعنى انه يقدر يشيل البلد دى ومش هيفرط فيها ...البرادعى ينفع يبقى وزير رئيس وزراء...بس مش حاسه فى منصب الرئيس واللى هيحط صوباعه فى عين اتخن تخين ...باقى الناس طالعه للشهرة ليس الا 

******* 

لو افتكرت كنت هكتب ايه تانى هاجى واكتبه ان شاء الله 

خوف

Afraid From ..... !!

Happy ....

First Of All ....

انا بعشق يوم التلات ده عشان اتولدت فيه 

وبقيت اعشقه السنة دى عشان عيد ميلاد احلى هاجر فيه 

كل سنة وانتى طيبة ...ويارب تكون سنة حلوة عليكى ونكون مع بعض دايما 

دى حاجه بسيطة عشان معرفتش اكون جمبك ومعاكى السنة دى 

ان شاء الله السنة الجاية نكون سوا مع بعض :) 

******************************

كل سنة بقى وانتم طيبين عيد سعيييييد عليكم كلكم 

هنوا بعض وباركوا واعزموا كحك عليا بليييز

واخر دعواى 

اللهم ارزقنى عيدية تفوق كل توقعاتى 

^_^ 

كل عيد وانتم بخير

من موبايلى بسرعة اوى اوى كده 

كل سنة وانتم طيبين 

بكرة اول ايام العيد 

الخميس السرى 26

ازيكم عاملين ايه ؟؟؟ 

الموضوع باختصار يوم للفضفضة ...ممكن تيجى تكتب سر  ليك او لغيرك 

بالاكاونت بتاعك او تحب تبقى مجهول 

اكتب اللى انت عاوزه مفيش رقابة :) 

يارب يكون يومكم حلو ولذيذ ان شاء الله 

=)

ياااارب استجب

8 Days left !!

فاضل 8 ايام بس يا جماعه 

ثمانية ايام ورمضان هيفارقنا 

البركة هتقل شويتين 

والجو الروحانى ده هيقل اكتر

وترجع المساجد فاضية الفجر اكتر ونعمل صف واحد بالعافية 

الخير هيقل شوية 

بس انا عندى امل ان الناس هتتغير رمضان ده 

ويفضل الخير مستمر 

والادب والذوق مكمل مع الناس 

عشان نرضى ربنا بردوا 

ادعوا على قد ما تقدروا 

ادعوا بكل حاجه حلوة ...ليكم او لاحد تانى

ادعوا ربنا يتقبل صيامنا وصلاتنا وقيامنا وسجودنا ودعائنا 

محدش بس يبقى ضامن حاجه فى جيبه 

الرسول عليه الصلاة والسلام ربنا مبشره بالجنة يعنى ضامن وكان بيقف يدعى ربنا لحد ما يتعب 

واحنا بنكسل لسه 

ادعوا ربنا يعتقنا من النار 

ادعوا ان قرائتنا للقرآن بالليل تشفع لينا عند سؤال الملكين وعند الصراط وعند باب الجنة 

ننوى انه من النهاردة نتغير للأحسن فى كل حاجه 

علاقتنا بربنا اول حاجه وعلاقتنا بأهلنا واصحابنا وقرايبنا وحتى الناس اللى مش نعرفهم

ادعوا ان ربنا يبلغنا ليلة القدر 

وربنا يستجيب دعواتنا يااااارب

To Israel

We Gonna **** You If you Just Think for while to Fight With Us !! 

هذا من شأننا على فكرة

اغلب الناس اللى علقوا على مقالة عمرو حمزاوى النهاردة او اللى كانت امبارح على اعتبار اننا الجمعه ...قالوا واحنا مالنا ياجدع بحياتك الشخصية ..بس بننسى اننا عايشين على حياة المشاهير من كل الانواع والتخصصات الشخصية 

بندخل عالنت عشان نشوف فلان طلق مين وفلانة اتجوزت مين ولا ازاى ...وهنروح بعيد ليه ...اللى خلاه يكتب المقالة الخصوصى لبسمة وعبر فيها عن حبه ليها...كان ان الناس كالعادة قعدوا يسألوا وانتوا بتخرجوا مع بعض ازاى...ممثلة ودكتور جامعة ...وكلام من شبه كده 

ونرجع نقول حياتكم الشخصية عاملينها مشاااع ليه !!!!!!!! عجبى بجد 

**************

العته اللى حصل من اسرائيل على حدودنا النهاردة...عته متواصل كالعادة بردوا

اظن اللى ما يتسمى لو كان فى الحكم...وابو الارض الزراعية اللى كان قالب الخارجية عزبة كانوا موجودين ...كان هيقولك ضبط النفس ومش عارف ايه ...مش بقول هوب يلا نحارب اسرائيل ...بس بتكلم رد فعلهم كان هيبقى معروف واكن البلد مش بلدهم...لانها فعلا مش بلدهم دى كانت عزبتهم 

وبردوا الناس مينفعش تنادى بحرب شاملة ونقصف ايلات باللى فيها بصواريخ سكود زى ابن المجنونة الليبى ...ونقوم ونعمل ونسوى عشان البلد فاتحه بقها زى ما بنقول ومش ناقصة خراب اكتر 

خير ان شاء الله 

الخميس السرى 26

ميعادنا الاسبوعى 

سورى عالاسبوع اللى فات بس مكنتش فى الموود انى انزل البوست ده 

القواعد بسيطة كالعادة 

عاوز تكتبت سر شايله 

عاوز تفضفض براحتك

بالاكاونت بتاعك او تحت بكون مجهول 

Have a good week end every One =)

Story of My Life !! 

شوية طراطيش

فيه ايام كده من الشهر بيجى عليا وقت بكون زعلان اوى اوى اوى 

ممكن اكون الصبح فرحان 

واجى بالليل اقلب عالوش التانى بسرعة، وساعات الفرحة دى اللى بتخلى الواحد يكتئب اكتر على فكرة ...صباح الجنان يعنى 

بس المرة دى انا عارف السبب ايه فى انى زعلان 

ربنا يكرمنى والسبب ده يروح ان شاء الله 

***********

ساعات ربنا بيرزقنا بناس يكونوا فى طريقنا عشان يوصلوا رسالة لينا 

رسالة بقى مفادها ان اختياراتنا غلط ...او صح 

معناها مثلا لاء ناس غيرك بتقع وتقوم تكمل وانت عاجبك اوى انك بتقع ومبتحبش تقوم 

بالظبط كده لما تلاقى حد أأقل منك فى المستوى وتلاقيه انجح منك ووصل لاعلى سلم النجاح زى ما بيقولوا ..أأقل واجب هتنكسف على دمك وتقوم 

نفسى ابطل ااقع بقى عشان تعبت 

تعبت انى أقع وافضل عالارض ولما الوقت يكون أزف ابتدى أقوم

عاوز العادة دى تمشى بقى عشان مبقتش احبها 

بالنسبة للناس اللى بتسندنى 

بقصد او غير قصد احب اقولهم كلمة شكرا دى قليلة عليكم اوى اوى اوى 

ربنا يخليكم ليا 

:) 

************

ربنا يسعدلك ايامك ويفرح قلبك 

ربنا يستجيب منك يارب 

احلى دعوة حد دعالى بيها لحد دلوقتى 

بعد الماما بتاعتى يعنى طبعا 

:D 

***********

بكرة هيكون عدى نص رمضان بالظبط 

زعلان اوى اوى 

خمستاشر يوم عدوا وفيه منهم سبعة ولا ستة وقعوا منى على ايام متفرقة فى الصلاة وده مش حلو خالص خالص خالص 

اللى بيوقعنا مش الشياطين ...ما كلهم مصفدين فوق 

بس النفس مش متعودة 

خدتنا الحماسة اول كام يوم بعدين الكسل بتاع النفس رجع تانى وبقت تتكاسل 

هزتنى رسالة فى بريد الجمعة امبارح اوى اوى 

ست عجوزة لوحدها مريضة لدرجة انها مش بتعرف تقوم تروح الحمام وممكن بعد ما تتوضى متعرفش تمسك نفسها وتعملها فى مكانها 

وبتقول انها تعبانة ومحدش جمبها يساعدها وبتبكى انها مش قادرة تسيب الصلاة خالص 

يا ربناااا بجد انا بقيت قاعد فى مكانى مضايق ومتكدر اوى من نفسى 

جدتى كانت عملت قلب مفتوح ودعامة وحاجات كتير والصوم بيتعبها اوى

بتغفلنا ساعات وبتصوم وتتعب وتقوم تفطر وتصوم تانى وتالت 

اى بجد يعنى 

واحنا مستكترين 15 ساعة بنصومهم...فى عز الحر ...مش هقولك غيرك بينام من غير اكل والكلام اللى الناس بتضايق منه ده ومش عارف ايه

بس عالاقل 15 ساعة ممكن ينفعونا يوم لا ظل الا ظل الله 

الـ15 ساعة دول فى 30 يوم ممكن يعملوا ثواب كبير اوى 

انا مش واعظ بس بقول اللى بحسه 

ياريت منكسلش تانى وانا اول واحد 

مش ضامن انا هصحى النهاردة تانى ولا لاء 

محدش مننا ضامن العمر امتى هنموت ولا هنعيش قد ايه

وهننزل تحت مش هينفعنا الا عملنا ودعاء اهالينا وعيالنا 

اغتنموا الايام دى ربنا يكرمنا ويجعلنا من عتقااااء شهر رمضان باذن الله 

:)

أوسطه مغفرة

ايام مباركة 

يجب علينا ان نغتنمها فى طلب المغفرة من الله 

وطلب الرحمة ايضا

وندعو الله ان يتقبل صيامنا وصلاتنا وقيامنا 

ويجعلنا من عتقاء شهر رمضان 

اللهم امين 

انا اتوجعت بجد 

بجد اوى 

!!

سابع يوم

نزلت صليت الفجر محستش اننا فى رمضان لان الجامع اتملى بالعافية ولسه فى سابع يوم 

والتراويح كذلك ...لاء وناس تصلى الـ8 ركعات وتسيب اخر 3 الشفع والوتر او تمشى ومتصليش الوتر...اللى قعدك كل ده هى ركعة والراجل بيدعى حلو اوى بسم الله ما شاء الله يخليك تندمج معاه واللى بيقوله 

طب نص الشهر هنعمل ايه بقى على كده ؟؟

******

تانى يوم اتوفى والد واحد صاحبى 

والصبح حسن الاسمر 

ربنا يرحمهم برحمته 

بجد اتوفوا فى ايام حلوة اوى اوى اوى 

**********

مش فاهم الناس اللى بترمى زبالة قدام الجامع مفيش 50 متر يعنى دى ديانتهم ايه بالظبط 

دور عبادة قدامه مقلب وانت بتصلى تشم ريحة الزبالة والقرف 

ربنا يهديهم او يهدهم 

عشان مكسلين يمشوا 200 متر يرموها فى البرميل عالشارع !!

*******

ناس مضايقة من ان حملة التبرعات للصومال زادت اليومين دول 

معلش محدش جرب انه يبات يوم من غير عشا 

ولا جربوا يوم من غير اكل خالص ولا ميه 

*********

اتكلمت جد اتاخدت بهزار 

انا من الاول مكنش ليا حق انى انصح حد اصلا 

خسارة فيها حق النصيحة :) 

********

انا عاوز فانوس 

محدش جابلى 

:(

6 رمضان

عن أبي هريرة - رضي الله عنه - قال : قال رسول الله - صلى الله عليه وسلم - : " إن الله لا ينظر إلى صوركم وأموالكم ، ولكن ينظر إلى قلوبكم وأعمالكم " . رواه مسلم .

الخامس من رمضان

النهاردة خامس يوم رمضان 

والنهاردة ان شاء الله يوم جمعة 

يعنى الفرحة فرحتين 

المهم متنسوش تقروا سورة الكهف 

وكمان احرصوا على الصلاة وخصوصا التراويح 

احنا 11 شهر بنخرج ونسافر ونشيش ونهييس ونهرتل ونعيط وبنعمل كل حاجه 

مجتش من 30 يوم تخلص فيهم كده وتنوى انك تكون لربنا بس 

تعبده ليل نهار وتدعيله 

ان يوم ما تتوفى وتيجى تنزل تحت فى القبر 

ربنا يهونها عليك وقت سؤال الملكين 

ولا حتى صلاتك او قراءة القرآن تشفع ليك عند ربنا 

وينوروا قبرك لحد يوم الدين 

اصل القعدة تحت دى وحشة اوى اوى 

ولو حد اتوفى ليه ونزل تحت وحس برهبة القبر ...طب هنعمل ايه لما نكون فى كفن ولا حول لنا ولا قوة 

والباب يتقفل علينا ويتحط الرمل ويبقى سكوت تااااااااام وانت لوحدك 

لوحدك بمعنى الكلمة 

وعملك بس هوا اللى هيبقى ويكون شاهد عليك 

اللهم استرنى فوق الارض وتحت الارض ويوم العرض عليك 

يااااارب

الخميس السرى 25

روتين خزعبلى ...بتاع 4 ساعات اللى بلاقى وقت اعمل فيهم الحاجات كلها عشان كده مش بنزل بوستات ...هحاول كده من بكرة ان شاء الله اجرب 

عموما كل سنة وانتم طيبين تانى ويارب يكون شهر مليان خير علينا كلنا 

نفس الشروط...قول السر زى ما انت عاوز 

باسمك او تحب تكون مجهول 

اعتبره يوم للفضفضة لحد غريب ولا تعرفنى ولا اعرفك

نعرف اسماء حركية ليس الا 

:)