حـــالــة احباط وعدم اتزان بمر بيها بقالى اكتر من اسبوعين
عاوز حبة لوحدى ...وهرجعلكم تانى احسن من الاول ان شاء الله
بس فى الفترة دى اللى هغيبها عاوز اسمع ارائكم ومقترحاتكم عن الطرطشة عامله ايه لغاية دلوقتى
العيوب والمميزات
..:)
هتوحشووونى فى اليومين اللى هغيبهم
عاوز حبة لوحدى ...وهرجعلكم تانى احسن من الاول ان شاء الله
بس فى الفترة دى اللى هغيبها عاوز اسمع ارائكم ومقترحاتكم عن الطرطشة عامله ايه لغاية دلوقتى
العيوب والمميزات
..:)
هتوحشووونى فى اليومين اللى هغيبهم
17 comments:
عزيزي السفاح الطيب
اتمنى ترجع من الغيبة المؤقتة لينا وانت عال وزي الفل ان شاء الله
انا بزور مدونتك كتير بس اول مرة اعلق عندك وكنت بحب اقرا كلامك واسمع الاغاني الحلوة اللي كنت حاطتتها على الجنب اليمين مكنوش كتير بس كانوا بيدلوا على حسك المرهف : ))
فييين الاغاني يا مشمش ؟
ده مجرد اقتراح
وابتسم يا صديقي للحياة عشان هي تبتسملك
وربنا يريح قلبك من الهموم
تحياتي
عزيزتى رانيا
الاول مبسوووط ان اخيرا عملتى كومنت على طرطشة من الطراطيش...وحظك انها جت فى واحده الموود مش مظبووط...:)
الاغانى...ايونز...عم حسين شال وصلة الراديو من عندى فى الشقة...بس قريب هرجعهم ان شاء الله
ومن ناحية الابتسام مبتسم من الودن اليمين للشمال...بس هى اللى مش عاوزة تبتسم..:)
منورة بجد..:)
أنا متابع دائما ولكن ساعات باحس انك اتسرعت تكتب وبعد ما اتسرعت تكتب اتسرعت تنزل البوست ولذلك لا أعلق انت طالما طلبت النصيحة وجبت
يمكن فترة الراحة دي تخليك تعيد النظر بهدوء
ربنا يعينك ويبارك فيك
مالك يا مشمش ؟!
ايه الحاجة اللى مخلياك متضايق اوى كدة وتخليك تغيب عننا فترة الله اعلم بطولها ؟
هاقول جملتى المعهودة واللى دايما بقولها حتى لنفسى
"مافيش حاجة تستاهل ..الدنيا أوالحياة قصيرة اوى..مش مستاهلة زعلنا "
اتمنى انك فى الفترة اللى هاتكون فيها لوحدك وعايش بينك وبين نفسك.. تقدر انك تتصالح على نفسك وتعرف تحل ظروفك ...
وانا هادعيلك بإذن الله ان ربنا يفك عنك ضيقتك وترجعلنا مشمش بتاع زمان اللى الكل بيحبه مهما كان موده..
...
تحياتى ليك
:)
تروح و تيجى بالسلامة
هوا انا كدة دايما اطفشك؟!
هي شوطة ولا ايه
وفيها ايه لما تقول عن اللي بيحبطك
واللي مضايقك واللي خانقك
فيها ايه يعني لما تقول عن كل اللي جواك
هقولك زي ما قلتلي انت تسرعت
ودة نتيجة غضب او ياس او احباط
وانا مش بقت احب دة بقي
صدقني مش حلو ابدا انك تبعد وتبقي لوحدك
انا جربت دة وكنت محتاجة اني اتكلم
بس كفاية انك تهرب
تعالي واجهنا
وهنقولك تعمل ايه
ولو مش قدرنا علي الاقل ممكن حد مننا يقدر يزرع ابتسامة جواك
ولو مش قدرنا هتلاقي مننا اللي بيبكي معاك
وهتلاقي اللي بيمد ايده يطبطب عليك
كفاية بقي نهرب من اللي مزعلنا
مش هنستفاد حاجة غير ان في حاجات هتفوتنا
زي عيد ميلادي كدة اللي بكرة
هترجع ولا لا
انا مش فاهمة لما انت عامل مدونة ليك مخصوص
ايه لازمتها اذا كنت كل ما هتضايق هتهرب منها
يابنى المدونة دى وسيله لاجبار الناس على انهم يسمعونا من غير مايتكلموا عن نفسهم
يسمعونا و بس من غير ما يطلبوا مقابل
فلو انت مش هتكتب لما تبقى متضايق و برضه خايف نطلب مقابل لو سمعنا مشاكلك يبقى المدونة جاية بخسارة
اما عن المميزات و الكلام ده فانا بعشق طراطيشك مع انها بتيجى على فترات بعيدة نسبيا
اما عن العيوب فانا بعيب على بوست واحد كان ممكن تقول وجهة نظرك فيه باسلوب احسن بس انت قلت نمسح الطرطشة دى فالحيطة وانا مسحتها
اطلع من تحت السرير و ارجع تانى بسرعة بطل نظام الاطفال ده
اوعى تعملها وتغيب كتير زيي
هتوحشنا يا سفاح
عصفور المدينة:
جايز يبقى عندك حق فى رأيك ...:)
انا كل يوم بعييد النظر ..
متشكر جدااااااااااا لنصيحتك الغالية..:)
عيون المحيط:
هى مش حاجه واحده...دى حاجات كتييييييييير ...بس الايام دى بتزيد اكتر
وممكن فعلا فيش حاجه تستاهل ان الواحد يزعل منها
بلس فيه حاجات تستاهل...
مش تقلقى هرجع تانى ..:)
بريك:
تؤ...انتى كنتى بتدعى عليا :p
سمراء النيل:
مش مصدق انتى قريتى الكومنت بتاعى وقتها؟؟؟
اوبسسسسسسسسسسسسسسسسسسسسسس
مش عارف ارد على كلامك اللى عامل زىالدش السخن فى عز البرد...:)
كل سنة وانتى طيبة...جت متأخره مووت..
sa7'so7'ote:
"انا مش فاهمة لما انت عامل مدونة ليك مخصوص
ايه لازمتها اذا كنت كل ما هتضايق هتهرب منها"
مش بيبقى ليها لازمة لما حد يقولى شيل البوست ده عشان مش جاى على مزاجى..:)
ومافيش سرير بيكفينى عشان طوولى
قولى اطلع من جوا الدولاب اوك انا موافق :D
شادى فايد:
تؤ مش تقلق المهم انك رجعت وعملتلى صدمة غريبة :D
الفراشة الصغيرة:
انتوا اكتر....بس مش هغيب خلاص
جييت..:)
...rolleyes
Post a Comment