فاضل 8 ايام بس يا جماعه
ثمانية ايام ورمضان هيفارقنا
البركة هتقل شويتين
والجو الروحانى ده هيقل اكتر
وترجع المساجد فاضية الفجر اكتر ونعمل صف واحد بالعافية
الخير هيقل شوية
بس انا عندى امل ان الناس هتتغير رمضان ده
ويفضل الخير مستمر
والادب والذوق مكمل مع الناس
عشان نرضى ربنا بردوا
ادعوا على قد ما تقدروا
ادعوا بكل حاجه حلوة ...ليكم او لاحد تانى
ادعوا ربنا يتقبل صيامنا وصلاتنا وقيامنا وسجودنا ودعائنا
محدش بس يبقى ضامن حاجه فى جيبه
الرسول عليه الصلاة والسلام ربنا مبشره بالجنة يعنى ضامن وكان بيقف يدعى ربنا لحد ما يتعب
واحنا بنكسل لسه
ادعوا ربنا يعتقنا من النار
ادعوا ان قرائتنا للقرآن بالليل تشفع لينا عند سؤال الملكين وعند الصراط وعند باب الجنة
ننوى انه من النهاردة نتغير للأحسن فى كل حاجه
علاقتنا بربنا اول حاجه وعلاقتنا بأهلنا واصحابنا وقرايبنا وحتى الناس اللى مش نعرفهم
ادعوا ان ربنا يبلغنا ليلة القدر
وربنا يستجيب دعواتنا يااااارب
2 comments:
يارب ربنا يسمع منك يارب
والناس تتغير بقى يبقوا فى نفس الروح بتاعت رمضان
ماهو رب رمضان رب الشهور كلها والخير بش بيخلص بأنتهاء شهر رمضان
احنا بش ضمنين رمضان يجى علينا تانى
يارب نتغير بقى ونبقى احسن شعب فكل حاجه واهم حاجه الذوق والاخلاق والاحترام
يااااااااااارب
ربنا يفرح قلبك ويسعدلك ايامك يارب :)
ان شاء الله نحاول كل حد ياخد بايد اهله واصحابه ...نفكرهم بالروحانيات دي دايما
نشد همة بعض وان شاء الله هنقدر :)
Post a Comment