Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Wednesday, May 12, 2010

نفق الظلام



جربت مرة تنزل وتمشى فى الشارع لوحدك؟؟

تبص للناس حواليك ...تفكر ..تتأمل

جربت تمشى وسط الضلمة لوحدك؟؟

من غير ما تمسك شمعة واحده فى ايدك

جربت تمشى على الحبل من غير ما تمسك عصاية تظبط اتزانك؟؟

ولا حتى تمرجح ايدك عشان متقعش

جربت تعيش لوحدك بمعنى الكلمة ؟؟

ولا حتى تبات مع حد بتحبه

جربت تجرى غصب عنك؟؟

او حتى تهرب من حاجه

اعتقد اننا كلنا بنعمل كده

بنهرب من الدنيا جوا النفق الضلمة ده

بنجرى منها ساعات

ونجرى وراها بردوا ساعات

وساعات بنجرى معاها

يا اما لوحدنا

يا اما معانا ناس

ناس بنكرههم وبنحبهم

ومهما عملنا مش هنعرف ننقى الدنيا ونخلى فيها اللى بنحبهم بس

ومهما عملنا بردوا النفق ده مش هينور لوحده واحنا واقفين فيه

جربت تخاف ؟؟

تخاف من اى حاجه ...مستقبل ...ماضى...او حاضر عايشه

جربت مرة واحده متهربش وتقف وتواجه ؟؟

وتقول لاء ...انا اقدر ...وانت متقدرشى

النفق هيفضل ضلمة

واحنا هنفضل نجرى

وهنفضل نخاف

وهنفضل نستنى

ومش هنبادر اننا نواجه الخوف

ونخليه يجرى مننا

واحنا ماسكين شمعه كبيرة عشان تنور النفق ده كله

كل انسان فينا مهما كان شخصيته ازاى ...فيه جانب مظلم محدش بيقرب منه ...الجانب ده محتاج حبة نور ..محتاج النفق يرجع تانى لطبيعته

بس كل واحد وسيلته مختلفة عن غيره

وفيه ناس بترضى بالواقع وتسيبه زى ماهو

منطقة ممنوع الاقتراب او التصوير

7 comments:

well said...

لا تلعن الظلام ولكن اشعل شمعة ..

انا مجربتش امشى فى الظلام ..بس جربت اغمض عيونى وامشى فى اوضتى
..الخوف..الا بذكر الله تطمئن القلوب

تحياتى لافكارك اللى هتوقعك فى حفرة وانت ماشى فى الضلمة

عصر الجنون said...

:(

عصر الجنون said...

انا جربت كل ده وعانيت كتير جدا ولسه بعانى
وبعدت عن صحابى (اللى على النت)
وخاصمت وصالحت
وبعدت
وقعدت جوه النفق لحد اما كنت بخرج فى الشارع كنت بتعمى من نور الشمس
بس فى حاجات كتير اتغيرت او بمعنى اصح غيرتها انا رغم انفى
ماهو لافضل فى الضلمه واموت لاحاول اعيش تانى
يمكن عشان مريت فى حياتى حاجات كتير
الكبير منها مش بأيدى
والصغير منها بأيدى بس نتيجه للكبير برده
معظمها ابتلاءات بس رحيمه جدا
على الاقل عرفتنى من اللى بيحبنى قوى ومين اللى بتاع مصلحته
المهم انا بكره الشعور بالحزن دا
مع انه كتير بيتفرض عليا
بس بحاول اضحك حتى فى احلك المواقف
واقول المركب لسه سايره ومش هيوقفها الا موتى

Omar Samir Abd El Ghaffar said...

فعلا اللي انا محتاجه جدا هوه المواجهة وعدم الهروب والإنسحاب

safa7_karmooz said...

Well:

انا مش بلعنه ...هى بس نظرية فلسفية مدونية :D

طبعا ربنا موجود معانا دايما ..:)

متقلقش..:D

انا عملت زيك كذا مرة ومتعود امشى وانا مغمض ..ربنا يستر -_-

safa7_karmooz said...

Mona:

:(


فكك من الناس اللى عالنت...اغلبنا بيلجألهم كمجرد ترويح عن النفس ...كنت اعرف واحده زمان كده وانا كنت عبيط الصراحة وكنت فاكرها حد بجد يعتمد عليه...بس كانت دايما بتيجى وتفتكرنى لما ميكونش حد جمبها او محدش يروحلها ..

صح..مهما حصل احنا اقويا...اينعم بتيجى اوقات لازم ننخ ونضعف شوية بس بعدها بنقوى تانى

:)

متيأسيش بس

safa7_karmooz said...

My whole life for allah:

اتمنى بس انك تبتدى تعمل كده ..:)
نورت الطرطشة