Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, July 06, 2009

قتل موظفة المانية بالقاهرة

الموظفة كانت ماشية فى امان الله فى احد الشوارع المصرية الامنة الساعه الثانية صباحاً منذ اسبوع تقريبا

مواطن شرير سولت له نفسه بأن ينظر الى قطعة الدوناتس وكانز البيبسى التى كانت تحملها فى يدها وطلب منها ان تعطيه قطعه ...ولكنها رفضت وردت علي طلبه باقذع السباب والاتهامات ...فما كان من المواطن الشرير الا ان كان غزها بمطواة قرن غزال كان يحملها بين طيات ملابسه

ليتركها فى دمائها ويفر هارباً ويترك مسرح الجريمة بلا اى شهود سوى الله عز وجل

فى اليوم الثانى تعلن السلطات عن القبض على هذا السفاح قاتل النساء الالمانيات فى ارض المحروسة ، ليتم اعلان هذا فى احد المؤتمرات الصحفية وظهر فى نفس المؤتمر وزير الخارجية والداخلية والمشربية كمان بيعتذر للجالية الالمانية والشعب الالمانى والمنتخب الالمانى كمان على هذا الحادث

اليوم اللى بعده بعد محاكمة عاجلة...قاتل الموظفة حكم عليه بالاعدام شنقا مع الحكم والنفاذ والقرار غير قابل للطعن او النقض لان مافيش محامى راجل رضى يدافع عنه معللين انها قضية خاسرة من كل النواحى

اهل الضحية غير راضيين ورفعوا ضية تعويض على مصر والشعب بزبليون مليار بتنجان يورو واتحكم لصالحهم والمفروض ان مصر هتدفع بقى لعيلتهم اللى الـتييييييييت هديت وبردت عندهم بالتعويض والفلوس اللى هياخدوها

الخبر ده متفبرك ...ومحصلش...يمكن حصل بالعكس مع اختلاف الظروف والاحداث والاماكن

بس كنت بحاول اتخيل لو د/ مروة الشربينى مانت المانية واتقتلت فى مصر بنفس الظروف كان هيحصل ايه ...

مش كان جايز يحصل العن من اللى انا تخيلته

مش بعيد يدخلوا المصريين المانيا عراة فى المطار عشان يتأكدوا اذا كان معاهم سلاح ولا دول همج ولا دول ايه

حسبى الله ونعم الوكيل
لنا الله

ورحمك الله يا دكتورة


9 comments:

maioya said...

ربنا يرحمها ويصبر اهلها
ويشفيلها جوزها ويقومه بالسلامه
عشان ابنها
مفيش كلام يتقال
لان احنا اصلا دمنا رخيص
وكرامتنا رخيصه
مفيش جديد
ربنا يرحمها

Anonymous said...

:((

اللي اتخليته هو اللي كان هيحصل لو كان العكس للأسف :((

ربنا يرحمها يارب
.............

Eman Henaish said...

ربنا يرحمها شهيدة الحجاب
بجد يوجع أوي أنها تلقي مصرعا في أرض المحكمة ، وكمان الاعلان الالماني يفرض تعتيم علي الوقائع دي و تتجاهل وزارة العدل الألمانية الوقائع دي .. وأحنا واقفين نتفرج
للدرجة دي بقي دمنا رخيص ؟ عجبي !

Sarah .. said...

بجد بحييك ع البوست دا يا سفاح
ربنا يلهم اهلها الصبر ويرحمها باذن الله
بجد بجد بتمنى ان حقها مش يرح هدر
زى كتير قبلها
خبر قتلها _كان _ ولا زال موجع جداااااا

تحياتى ليك

safa7_karmooz said...

maioya:

ياااارب

الله يرحم السادات

بغض النظر عن سياسته بس كان بيدى بالجزمة اى كلب بيضايق اى مصرى برا

safa7_karmooz said...

hager za3bal :

:'(

ياارب يا هاجر

safa7_karmooz said...

Eman:

هوا جنس بارد ابن بارده الالمان دوول...وطالما الجنسية مش امريكية يبقى هيسكتوا عالموضوع

safa7_karmooz said...

silver eyes:

والله لسه فى بالى من حبة

عقبال ما نشوفلك بلوج كده ^_^

يارب بس فعلا ناخد حقها بجد ومش يروح زى غيرها كتير...:(

MǿиY El-Shreef said...

عندك حق والله

ربنا يرحمها ويصبر اهلها

ويااارب ارحمنا بقى من الي احنا فيه

نفسي نرجع عرب تاني