Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Thursday, July 16, 2009

مجرد سفاح

يجلس امام حاسوبه النقال ..بيده اليمنى يرتشف تلك القهوة اللعينة ...وباليد الاخرى يمسك سيجارته غير مبالى بأنها ليست مشتعلة من الاساس...تركيزه كله على صفحة محادثة مفتوحة ...والاسم "حبيبتى"

حبيبتى:

انت متكلمتش ليه النهاردة، مش قولتلك طمنى عليك لما توصل ؟؟

هو:

انتى عارفة بقى ظروف العيشة والموبايل وبعدين سيبك مش مهم

حبيبتى :

مش مهم !!!!! ما انت اكيد اتجننت ...تكون قاعد برا مع اصحابك وبتهلس وتعمل اللى عاوزه...وانا فى البيت يتحرق دمى من كتر القلق وتقولى مش مهم

يووووووووووووووووووووووووه ...هكذا قالها من داخل قلبه وهو يلعن سنسفيل اليوم الذى قد دخل على الانترنت ليحادثها او حتى تعرف عليها ...ثم عاد ليكتب وبكل حنية وانكسار ...واعتذر لها ...وقام بتغليفها بكلمتين او ثلاث من كلمات الحب المعروفة والمحفوظة داخل اى كتاب يسمى "بترهات او هراءات الحب"

حبيبتى :

انت هتيجى تقابل بابا امتى؟؟؟

لينزل عليه السؤال كالصاعقة ...ولكن بطل تلك القصة لا يبالى حتى لو احترقت امه امام عينيه ...وقال من داخله "هعملك حاضر، مش عيب" ثم ليرد عليها بكل الحنية ايضا و"التغليف" ان النقود مازالت متراكمة داخل البورصة ووالده لم يعود من فنلندا القمح ووالدته مازلت تحضر طابع البريد منذ 5 سنوات ولم تعد حتى الان ولا يصح ان يأتى فارغ الايدى ويقابل والدها ، كى لا يقول عنه اهلها انه "مقطوع من شجرة"

ثم يرن هاتفه الجوال...وتظهر صورة شابة شقراء...من تلك الشابات التى يحلم الشباب بالسير بجوارها...فما بالكم من انها تهاتفه الان ...وبالطبع لن تقوى يديه على ان "يكنسلها" ...

فبكل سرعة وخفة انهى المحادثة الالكترونية ...مودعاً اياها بكلمات الحب والغرام وقبلة الكترونية الهبت مشاعرها ...واستعد ليتلقى الهاتف الجميل ذو الشعر الاشقر والعيون الزرقاء .


يتبع ...

16 comments:

كيكى عوووووو said...

واقعيه جداااا

Sweet Violet said...

واقعية و منتشرة جداااااا

منتظرة الباقية
^_^

أحمد سعيد بسيوني said...

متابعين

انا حره said...

السفاحين كترو الايامدى

واهو كله بيتسلى بكله

مش بعيد هيا كمان تكون سفاحه زيه ماهى الطيور على اشكالها تقع

Silver Eyes said...

good .. i,ll wait the rest

Bent Men ElZaman Da !! said...

ده اللى بيحصل فعلا

مستنيه الباقى :)

لاسع افندى said...

قصدك مجرد نصااااااب
فى انتظار البقيه


تحياتى

hager za3bal said...

hmmmm,

7elwa .. f nas kteer kda ..
bs lazm y3rf eno mdam by3ml kda, akeed 7abibto hya kman bt3ml kda 3shan radna msh bydy3 7a2 7ad :)

mstnya el ba2y .. bs leah el-r5ama dii :@ kont ktbtaha mra wa7daaaaaaaaaaaaaaaaaaa

أميرة علي كوكب مهجور said...

منتظرة الباقية و واقعية جدا بس هو مش هيكسب اي حاجة في الاخر و كما تدين تدان. وياريت تنور وتزور مدونتي

شقاوة مراهقة said...

مش عايزة احكم قبل ما الحدوتة تكمل ..

بس هكتفي واقول انه .. عيل دلوقتي

كفايه عليه كده لحد اما اشوف اخرتها ..


منتظرة الباقي ..

safa7_karmooz said...

كيكى عووووو:

ايه الرعب ده :D

مش اوى يعنى بس اينعم بتحصل سعادتك

ونورتى الطرطشة

***********************************

sweet violet:

ميرسى كتييير (F)

ادعى بس يبقى فيه باقى ...هههههههههه

safa7_karmooz said...

احمد سعيد بسيونى:

بسيونى بسيونى :D

ماشى ونورت الطرطشة ^_^

***************************

انا حرة:

يااااه عاش من شافك والله

الصبر يا حج حسين ^_^

safa7_karmooz said...

Silver eyes:

okzzz...mnwarany dymn keda ^_^


**********************

Bent mn el zaman da:

نورتى طرطشتى المتواضعه وادعى ان شاء الله الاقى الباقى بتاعها :D

safa7_karmooz said...

لاسع افندى:

يا سيدى اختلفت المسميات والمعنى واحد

نورت مصر ^_^


************************

اميرة على كوكب مهجور:

ممممم المشكلة فى الزمان ده دلوقتى ان الموازين بقت مقلوبة للاسف ...:(

نورتيى الطرطشة والزيارة وصلت :D

safa7_karmooz said...

hager za3bal:

بصى هى اكيد هتترددله فى وقت تانى قريب ...متقلقيش بس انتى :D

بالنسبة ليه منزلتهاش على مرة واحده عشان السسبنس يا حجه...ههههههههههههههههه

*****************************

شقاوة مراهقة:

ههههههههههههههههههههههههههههههههههه

عيل ههههههههههههههههههههههههههههه

ماشى استنى الجزء التانى بقى :D

وردة said...

بتحصل كتيير
وللاسف لسه في بريد الجمعة امبارح قريت حاجة شبه كده
يارب البنات تتعظ
وتعرف انها ليس الا كلمات بالنسبة لاي شاب يريد التسلية من خلال النت
فاضي وبيضيع وقته مع البنات
ربنا يستر علينا جميعا
سلام