Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Friday, June 12, 2009

اغسل ايدك يا اوستاذ


غسل اليدين لا يحظي بتقدير المصريين‏!‏ هذا ما أكدته احصائية أجريت تحت اشراف هيئة التأمين الصحي وأجريت علي عينة مختارة شملت‏1200‏ شخص من سكان القاهرة الكبري من مختلف الفئات الاجتماعية‏.‏

وأشارت الإحصائيات التي تم رصدها خلال الأسبوعين الماضيين إلي أن‏16%‏ لا يغسلون أيديهم بعد استخدام الحمام و‏59%‏ لا يهتمون بغسل الأيدي عند دخول البيت وهناك‏32%‏ لا يحرصون علي غسل أيديهم قبل الأكل‏.‏ وتقول د‏.‏ عزيزة السيد‏,‏ مدير عام الخدمات الطبية بهيئة التأمين الصحي‏:‏ إن النسب السابقة مقلقة جدا وتعكس عدم معرفة حقيقية بخطورة ما يمكن أن تسببه عادة اهمال غسل الأيدي بصورة منتظمة‏.‏

وأوضحت أن النسبة المخيفة في الإحصائيات هي التي تشير إلي أن هناك‏59%‏ من المواطنين لا يهتمون بغسل أيديهم عند عودتهم للمنزل بالرغم من بقائهم خارج البيت لساعات طويلة ويتحركون في وسائل المواصلات المختلفة ويتعرضون لمختلف أنواع الأتربة والميكروبات والفيروسات‏.‏

كما علقت د‏.‏ نيفين لبيب‏,‏ مسئول الطب الوقائي بهيئة التأمين الصحي‏,‏ علي أن الاستبيان يظهر عدم الاهتمام بغسل الأيدي بصورة منتظمة بعد العطس والكحة حيث أشارت الأرقام إلي أن هناك‏49%‏ من العينة التي تم اجراء البحث عليها لا تهتم بغسيل الأيدي بانتظام بعد العطس أو الكحة وهو ما يسبب انتقال العديد من الفيروسات والميكروبات بسهولة جدا من شخص لآخر‏,‏ وربما يفسر ذلك سبب انتشار الانفلونزا في محيط الاسرة‏.


بالشفا ...يعنى داخلين على خنازير وطيور وممكن يبقى فيه سمك وخضار ونحبس بشاى عالخمسينة...هههههههههههههههههههه

امبارح الخميس تم اعلان انفلونزا الخنازير وباء وحتى الان الـ12 حالة جايين من برا يا جماعه ...بس وانتوا فى المترو حاولوا تلبسوا كمامة والحاجات دى ...انا بقالى بتاع كام شهر لما بركب منديل على بقى ومناخيرى من الروائح اللى مش ظريفة جوا وتانى حاجه لو واقف ولازم امسك الحديد بمسكه بمنديل برضه ...محدش ضامن اهوة زى مانا قايل فوق الايد اللى مسكت قبلك كانت ماسكه ايه ولا فين

بس الشعب بقى مرعوب والناس بتوع الزمالك مبقتش تنزل من بيوتها ...ووزارة الصحة قالك متقلقوش يعنى ومش لازم تلبسوا كمامة بس خلى بالكم ...

المهم بتغسلوا ايدكم ولا لاء؟؟؟

15 comments:

MǿиY El-Shreef said...

اه الحمدلله بغسل ايدي

انا بجيب المفيد ع طول :D

سلااامز

hager za3bal said...

59% من الشعب المصري مبيهتموش بغسل ايديهم!!
بعد الاحصائيه دي بجد خايفه ان الوباء ده ينتشر :((

انا اخر حاجه قريتها انهم كانو 10 حالات في مصر معرفش انهم وصلوا لـ 12

وعلي رأيك
انفلونزا طيور
وخنازير
وكمانجنون بقر
بكره يبقي هبل السمك
وتخلف الخضروات :)))

بس اللي سمعته ان انفلونزا الخنازير اسهل من انفلونزا الطيور واكتشافها المبكر علاجه سهل جدا .. والحالات اللي اكتشفوها معظمها تم علاجها..

وكمان لازم الواحد يغسل ايده كل ساعتين
ويلبس الكمامه او حتي منديل زي ما بتقول..

وربنا يستر بقي ..

يلا انا هقوم اغسل ايدي :))

وومن said...

ايد دة بجد للدرجة دي بنهمل في غسيل الإيدين

مع انها حاجة مهمة غريبة فعلا

يلا اهي فرصة نتعلم كشعب عادة مفيدة

Mohamed Hamdy said...

المشكله ان حتى لو مجالناش انفلونزا خنازير فيه الف وباء تانى ممكن ييجى لو تجاهلنا عادات بسيطه جدا كغسل الايد

ربنا يستر

3araby said...

فعلا يا سفاح لازم نغسل ايدينا كويس وبالمية والصابون " يفضل الصابون أبو ريحة " وكده نكون اطمنا من نفسنا ... لكن بالنسبة للكمامات وغيرها لا داعى ليها الان ..
من وجهة نظرى أنا اتفق مع وزير الصحة وقلما ما اتفق مع وزير ما ولكن فعلا المرض ده بسيط ومش محتاج لكل الرعب ده وأخف بكتير من الانفلونزا العادية .. هى مشكلته فى الدوا انه يتاخد فى الوقت المناسب .

لكن اهم حاجة تغسل ايديك قبل وبعد الأكل . :D

MaNoOoSh said...

ربنا يستر..


دة احنا هنشوف ايام فللي فى البلد دي

عمرو وجيه said...

ربنا يستر علينا

بجد تحس انها غضب من ربنا

بس للاسف ان الثقافة العامة

مش بتخلي الناس خايفة اوي

يعني فين وفين لما حد يلبس كمامة

يالا خير
بس إحصائية بجد تدل عن عدم اهتمام الناس بصحتهم



انا عن نفس بغلس ايدي قبلالاكل ده لازم

خصوصا لما بكون راجع من الكلية او من بره

بس 16 في المية مبيغسلوش ايديهم بعد الحمام

بجد دول مقرفين اوي

إزاي أصلا


ربنا يحفظنا
و يحمينا ان شاء الله من هذا الوباء

perlina said...

عمو انا بغسل ايدى على طوول الحمد لله .. هاخد كده ستارز كتييير
^_^

و الله بجد ربنا يستر .. انا بقيت أخاف و انا رايحه الجامعه .. و بقيت امسح ايدى لما امسك الديسك و ورقه الاجابه حتى

" والناس بتوع الزمالك مبقتش تنزل من بيوتها" طيب و الناس اللى كورساتها ف الزمالك تعمل ايه
:'
هو مش لو كان اسمها أهلى مكانش وصلتلها الامراض دى
:D:D:D

سارة نجاتى said...

أنا اتصور أن النسب اعلى كمان من كده

مفيش ثقافة صحية لا فى المدارس أو البيوت
ده اليومين دول الواحد المفروض يشيل ديتول فى شنطته
بس لو لبسنا كمامة الناس بقى تقعد تتريقأ و مزاولة فى الشارع ههههههههه
أنا قطعت البريك خلاص

safa7_karmooz said...

هرد عليكم واحد واحد بعد الماتش ان شاء الله ^_^

safa7_karmooz said...

Mony:

طيب ورينى كده ..:p

--------------

Hager za3bal :

طبعا احنا انضف شعب...هههههههههههههه

بصى طالما بتحافظى على مستوى نضافة معين وعادات المفروض تتعمل يعنى لما تكحى تعطسى فى منديل وتغسلى ايدك ...الخ...مش محتاجه اى دوا ...وكله على الله ^_^

safa7_karmooz said...

وومن:

شفتى بقى ازاى احنا فى خطر...

الا قوليلى غسلتى ايدك النهاردة؟؟ :p

--------------

Mohamed Hamdy :

شوف بقى فشل كبدى وكلى وسرطان وبلاوى زرقا ..

ربنا يستر بقى

safa7_karmooz said...

عربى :

الكبير كبير يا اوستاذ...

بص انا زمان كنت بلبسها بس لظروف مرضية ...دلوقتى انا محتاجها اكتر من زمان عشان عوادم العربيات والسجاير والتراب والقرف اللى بقينا فيه ...

المهم بس الناس تحافظ عالنضااااااااافة...اللى من غيرها بيبقى سهل اى عدوى تنتقل

-------------------

Man0o0osh:

ههههههههههههههههههههههه

احنا بنشوف

قالك وما مصر الا سينما بتعرض فيلم مالوش نهاية :D

safa7_karmooz said...

عمرو وجيه:

تخيل بقى ان حد من ال16% دول من الناس اللى بتعمل اكل فى مطاعم برا

النضافة مش بس بالشكل ولا انت ساكن فين...ياما ناس ساكنين فى قصور واعفن من العفانة

نورت الطرطشة يا باشا ^_^

--------------------------

Perlina:

شطووورة ...فكرينى اديلك 5 ستارز ^_^

ايوة بقى انتى اصلا اعترفتى انك مكنتيش بتمسحى الديسكات ..هههههههههههههه

اللى الكورس بتاعه فى الزمالك...يحول لفرع الجزيرة فى الاهلى ^_^

safa7_karmooz said...

سارة نجاتى:

بصى ديتيول ده ااقل حاجه نشيلها ...يكفى محدش عارف ايد اللى جمبك كانت فين :S

بالنسبة للكمامة خليكى واثقة فى نفسك...اللى بيتريق بيبقى غبى وحمار ومش بيفهم ..:)

وحمد الله بسا ^_^