Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, June 01, 2009

يا ليت العام كله اوباما


يوم الخميس القادم ان شاء الله هيشرف جامعة القاهرة ومنطقة بين السرايات قبل مصر ..ههههههههههههه زيارة الرئيس الامريكى اوباما للمنطقة يعنى عشان يلقى خطابه المرتقب للعالم الاسلامى

طبعا الجواب بان من عنوانه

يعنى عشان هيقول خطاب مدته ساعه وهيقعد فى الجامعه ساعه وربع مثلا ....فيه ميزانية مفتوجة لمحافظة الجيزة لتطوير الجامعه من اسفلت ودهان وتلميع القبة اللى متلمعتش فى المئوية حتى وورد بيتزرع بقاله يومين وبيتسقى بمياه معدنية كمان وحاجه اخر فوللى يعنى

وشاللوا الزبالة ودهنوا الرصيف ومانعين العربيات تدخل الجامعه بقالهم اسبوع يا سلااااااااااااام بجد يا حلاوة يا ولاد

تفتكروا لو كان السنة كلها لاوباما فى مصر

لو قرر يزور الاهرامات مثلا ...بكده هيقعدوا معانا فى بيت كل مواطن فى شارع الهرم فرقة مباحث

ولو طلبت معاه زى القذافى يعدى على عم بخ ياكله شندوشتين كبدة وسدق او يعدى على شيخ العرب ياخد فطيرتين قشطة يحلى بقه بيهم

او عامل كريدت جديد فهينزل مترو يتبضع او ابو ذكرى كمان...مافيش حاجه بعيدة عليه يعنى :D

بس رغم اننا هنتحبس فى بيوتنا اجبارى

بس البلد هتبقى نضيفة...الزبالة هتتشال ...والشوارع اللى جوا هتتسفلت بعد ما تتحفر للمرة المليون عشان بيدوروا عالبترول عندنا

فعلاً

ياريت العام كله اوباما

او يارتنى كنت الانتيخ بتاعك يا اوباما

تحديييييييييييييييييييييييث

مصر يا جدعان بجد هتبقى اجازة يوم الخميس

محدش يخرج بقى ...لغوا امتحانات جامعة عين شمس وفيه شائعات عن الغائها فى حلوان

ومصر الجديدةو ومدينة نصر هتكون مقفولة

يعنى مش هنعرف نتفسح فى الويك اند كمان

:(

21 comments:

hager za3bal said...

هييييييييييه اول تعليق

هروح اقرا واجي

:))

hager za3bal said...

تاني تعليق بقي

:))

لاااازم اعمللك دوشه

hager za3bal said...

لو بس تشيل تأكيد الكلمه ده

عااااااااااااا

hager za3bal said...

علي رأيك والله
ياليت العالم كله اوباما

حتي الدنيا تنضف
والشوارع تتسفلت
والزباله تتشال
وكل حاجه من الحاجات الغير آدميه في مصر تتظبط
هههههههههههههه

دانت قلت حتي هيدهنوا القبه اللي مدهنوهاش يوم المئؤيه

طبعا احنا اللي هنستفيد من ده بعد كده

بس ليه ميعملوش كل ده من غير اوباما؟؟

safa7_karmooz said...

هغيظك تأكيد الكلمة مش بيطلعلى :p :p :p

عبد من عباد الله said...

على فكرة الناس ماسكه اوي في اللي الحكومه بتعمله ده و انها اهتمت اوي بالجامعه و اللي حوالين الجامعه على غير المعتاد يعني و بقول ايه ده يعني علشان واحد حيزونا نبقى زي الفل و طول السنه نبقى زباله يا خدي حاجه عجيبه ..... هههههههههههههههه

و لما بسمع الكلام ده بحس اننا مش من مصر ، يعني فعلاً و الله الحاجه دي غريبه علينا ازاي الواحد يقعد طول السنه في قرف و لما واحد زي ده يجي يزوره يهتم اوي بقى و يعمل ميزانيه للموضوع ده اما حاجه عجيبه يا ولاد !!!! ، كاننا مثلاً احنا مش الشعب المصري اللي كل بيت فيه بيبقى مقلوب رأساً على عقب و الدنيا مكركبه و متربه و عايشينا والحمد لله بس تخيل بقى المنظر كده لو عرفت ان رئيسك في الشركه جي يزورك ؟ بلاش رئيسك خليه عريس لبنتك مثلاً ؟ خليه اي حد مهم او انت مهتم بيه و قولي ايه اللي حيحصل و انا حصدق يا عم ....

طبعاً كلاً بلا استثناء بنجيب الشقه من فوق لتحت و رتب يا عم و ظبط الدنيا و البس نضيف و رش مايه كمان لو طلبت و امسح و اكنس و لا يوم العيد يا معلم .... صح ؟؟

يبقى حكومتنا الحمد لله مننا مش من بلد تانيه .

safa7_karmooz said...

hager za3bal:

سؤالك المفروض تكونى عارفه الاجابة كويس قوى

لاننا شعب للاسف او حكومة كمان بتحب المظاهر...للاسف لازم حد عدل يجى يزورنا عشان ننضف...شايفين ان العفانة دى عادية والعادى ان الحاجه تكون بايظة...لكن الغير عادى ان تكون الحاجه كويسة

ده المنطق اللى مخلينا وصلنا للحالة دى للاسف :s

MǿиY El-Shreef said...

هههههههههههههه

معلش انت كويس انك باصص للجانب الايجابي

احنا كده بلد سيييييس

عشان كده مش هنتقدم ابدا الا كل مابين كل زياره وزياره هتحسان في طفره وبعدين الوضع هيرجع طبيعي

حاول تستغل الفرصه وخد دفعه معنويه من المناظر الجميله الي هتشوفها اليومين الجايين

بلد خواجات بصحيح :))

MaNoOoSh said...

هو احنا ليه مستغربين كانها اول مرة تحصل

دة العادي فى البلد دي ان لو رئيس مراجيح مولد النبي عدى هيخلوا الشوارع برووووووووووبروق

ربنا يرحمنا برحمته قبل ما نطق

Feelings said...

اهوانا بقي مش مأثر في نفسويتي من الموضوع ده غير حاجة واحدة

انه جاي بعد ما انا خلصت امتحانات ومش بقيت بروح الجامعة
لا شايفةولا مستمتعه باللي انت بتقول عليه

:(

وبالنوسبة لأمنيتك يا ليت ياليت ياليت

catroz said...

ايوة سوحابى اللى امتحاناتهم الخميس .. اتاجلت ..

المهم .. عاوزينك تبقى تغطيلنا يوم الحدث ده ..:blink:

Sweet Violet said...

الصراحة حاجة مش جديدة على مصر

ده لو المحافظ هيزور مكان بيعملوا كده

مع انه اصلا عارف الحقيقة لكن اهو تعود

سوزان مبارك لما افتتحت فى مساكن زينهم الهلال الاحمر

نضفوا المنطقة كلها و المساكن كلها بلا استثناء اتبيضت و بقت فل

و اى زياده على عمارة كانت بتتشال .. و طبعا لحد الان بيعملوا كده لانها من فترة للتانية بتروح هناك

يعنى اللى بيحصل بزيارة اوباما عادى جدااا

مع الفارق بقى .. ان لما اوباما يمشى كل حاجة هترجع زى ما كانت و احتمال أكتر

):

ربنا يهدى البلد دى بجد

Rooma Qandil said...

هههههههه
حلووة ونضيفة يا مصر اخيرا
مش كان يجي من بدري بدل الهنا الي احنا فيه
على فكرة اجلوا امتحانات الازهر كمان
بس الخطاب الموجه للعالم الاسلامي مقره جااامعة القاهرة؟؟؟ ولا الازهر؟؟؟
حفاظا على الامن القومي وحفاظا عليه من الخطر

يلا حبس اجباري مبقتش تفرق

:)
تحيااتي...:p

safa7_karmooz said...

Hager za3bal :

Merci kteeer 3la el dawsha dy :D

safa7_karmooz said...

عبد من عباد الله :

ههههههههههههههههههههههههههه

طمنتنى يا راجل طلعنا طبعيني يعنى بس لما الضيوف بيجوا بيتنا بابا مش بيبلط السيراميك تانى من اول وجديد ^_^

نورتنى

safa7_karmooz said...

Mony el shreif:

من ناحية نص الجركن المليان انا باصص بزيادة يعنى

اهم حاجه احنا نماس فول

ادعى معايا بس ^_^

safa7_karmooz said...

Manooooosh:

لاء يا منوشه ...اول مرة تحصل تكون اجازة قومية على مستوى محافظتين اهم من بعض ...بالمنظر ده :S

safa7_karmooz said...

Feelings:

ههههههههههههههه

الحقد ده اللى جايبنا ورا

بس هصبرك انا كلها بتاع 14 يوم واسيبها للأبددددددددددددددددددددددددد

سيبك انتى هفتكرك بطيارة وقت لما يجى اوباما والدعوة تتحقق ^_^

hager za3bal said...

كان معمول حظر تجول امبارح :))))

hager za3bal said...

يوووووووووه

هو انت مش ناوي تشيل تأكيد الكلمه ده؟؟؟

عاااااااااااااا

hager za3bal said...

انا قلت اجي اطرطشلك شويه :)))

ماهو محدش واخد منها حاجه :P :P