Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Thursday, March 26, 2009

قلم رصاص واستيكة

دخلت فى تحدى مع احدى الصديقات الجداد فى الجامعه

انى أألف قصة واحنا بنتمشى من سياسة لغاية الباب الرئيسى...والصراحة التهييس كان عالى اوى عندى وقتها

فألفتها فى بتاع خمس دقايق وهى كملت اخرها

المهم هحاول افتكرها كده

كان فى زمن من الازمنة ...قلم من الرصاص يقف على ورقة بيضاء ...كان محتار ماذا يفعل فى هذه الورقة البيضاء الخالية من اى مشاعر ...فحاول يوما ما ان يبدأ ويرسم ما يأتى او يجول فى خاطره الرصاصى ...فكان يرسم انهار ومروج خضرا وشباب وفتيات يتراقصون تحت الامطار...سعيدين بما هم فيه...ولكن دائما تأتى الرياح بما لا تشتهى السفن ...فالممحاة الشريرة قد أتت وكان كل همها محو كل ما يرسمه هذا القلم الرصاصى ...حتى قرر انه يجب ان يتخلص من تلك الممحاة الشريرة ونجح بالفعل ...وعاد مجددا يخطو ويرسم الوانا مبهجة تسعد من ينظر اليها ...فهكذا هو ...قلم رصاصا ومن جديد ورقة بيضاء يملؤها فرح وسعادة


طبعا ده تقريبا الكلام الاصلى وزودت عليه حبة دلوقتى

بس الفكرة مجنونة ان الواحد يألف اى حاجه كده من الهوا

حد جرب يعملها قبل كده؟؟؟

قولولى

او جربوا كده لما تقروا البوست

تتخيلوا اى حاجه او حاجتين واعملوا عنها بوست نونو

على فكرة ده واجب احبارى

وشوفوا هتحسوا بايه وقتها ^_^


14 comments:

MaNoOoSh said...

اول تعلييييييييييييييق

حلو ان الواحد يألف قصة فى ثانية كدة
حصلتلى مرة
علشان اسكت شوية أطفال قعدت احكيلهم حدوتة لمدة ساعتين متواصلين وانا قاعدة األف كلام عن الحيوانات
بس طبعا لا يونكن افتكر منه حاجة الوقتى
هههههههههه

simply me said...

االف قصه بتحصل كل مره اكون رايحه اعمل حاجه جديده

االف قصه ونهايه سعيده وطبعا بيحصل حاجات تانيه خالص

عصر الجنون said...

ههههههههههههههه

فكرتنى

كلما فكرت فى قصه بنهايه سعيده طبعا

اتنكد والله قبل ماتتنقل على الورق

المهم

البوست بيفكرنى باغنيه للبلبه
سمعتها زمااااااااااااان


good post

Selfmeaning said...

عملت الواجب
بس ناقص حاجة نونو برده
هكملها و اقولك وصلت لايه

catroz said...

ايوة عارفه الاحساس ده عامل ازاى
مرة كنت ماشيه فى الشارع و فجاه لقيتنى قعدت على كرسى بتاع جنينه كده و فتحت كشكول و ابتديت اكتب ..
و كانت من احلى الحاجات اللى كتبتها فى حيااتى
هبقى اعمل بيها بوست ..

سفروتة said...

الاسبوع اللي فات
كنت في محاضرة باثولوجي خنيقة ودكتورة مملة لابعد درجة
قمت انا وصاحبتي عملنا ايه؟؟؟
كل واحدة فينا كانت بترتجل بيت من الشعر
والتانية ترد عليها
يعني كنا قاعدين في المحاضرة بنألف شعر
ههههههههههههههههههههههههههههههههههههههههه
وبهذا قضينا علي الملل
واحلي حاجة ان الدكتورة مشفتناش
عشان احنا سفارييييييييييييييييييت
:)
احساس جميل جدا انك تألف حاجة في لحظتها من غير ترتيب ليها مسبقا

تحياتي
عمو السفاح

ريهام العربي said...

ههههههههههههه قصتك حلوه

انا جربت في اخر بوست ليا كان عن عيد الام وواحد من اللي علقو عندي قال

------------------بصراحة عيد الام
نادرا ما أحتفلت بيه لإني مش بأفتكر ويوم ما أفتكر مش بيكون معايا ولا مليم اجيب بيه اي هديه ... انا عارف اني بكده بأكون قليل الادب بس اعمل ايه بقى :(
-----------------------------

وانا مش مقتنعه ان الحكايه حكايه فلوس الجنس اللطيف بيتضحك عليه بسهوله ابسط الكلام ممكن يطلع الواحد السما وابتكرت وانا بكتب الرد ليه قصه يقولها لمامتو انا حسيتها هبله قوي
بس هو لو انا كنت فكرت فيها خمسه كمان كان هيبقي مضمونها احلي
بكتير
المهم اليك القصه

__________________________________
مثلا احكيلها انك سمعت عن قصه القمرين العشاق دي قصه من تاليفي

اول حاجه وريها نجمه في السما وقلها ان دي القمر ولو مش اقتنعت احكيلها القصه دي قلها انك سمعت في قديم الاساطير الحكايه دي


في قديم الزمان كان في قمرين للارض بنت وولد الولد اختار الفضاء لانو كان نفسه يعرف اكتر واكتر .. والبنت في الارض لانها كانت
بتحب الاماس وكل حاجه غاليه وثمينه وسكنت مغاره الماس في بلد صغيره وكانت ليها جمال فظيع محدش شافو غير وقضي حياته يبصلها لحد ما يموت وبس

وفي يوم عرفت بمولد بنت جميله جدا وسمعت انها احلي منها ولما راحت اتاكدت من الاشاعات فزعلت وهاجرت من الارض ولانها سافرت لبعيد قوي مش بنشوف منها غير نور صغير

قلها ان انت اكتشفت ان الطفله اللي اتولدت كانت هيا واشكرها انها سابت مغاره الاماس وجت عاشت معاكو انتو
________________________________


بس

تحياتي

مها العباسي said...

لا بجد هى فكرة حلوة
بس عارف فى بعض الاوقات الكلام اللى بيطلع بطريقه عفويه بيكون هو الحقيقه الوحيدة وممكن لو جربت تكتبه تانى مايتكتبش

lost * steps said...

فكرة مجنونة وهجربها :)

safa7_karmooz said...

طبعا الجنان يسرى فى دمى

انا بس كنت عاوزكم تحسوا باللحظة دى وانتوا بتكتبوا حاجه لاول مرة

micheal said...

هههههههه..أحب الناس المهيسة
:)
الحمد لله أنا ملك التهييس..ابقي تعالي مدونتي وشوف الالبونات التلاتة..تهييس أصلي
:)
واديني حرزع الرابع بكره
:)
تحياتي

تخاريف خاصه! said...

فكره قويه...


هجربها كل يووم...

اكيد هتفرق!!


والقصه حلوة...

Ahmed Alaa El-din said...

تصدق فكرة يا مشمش... شكلي هأجرب و الله

perlina said...

فكرة مجنونه اووى .. و عملتها كتييييير
ف اى محاضرة مخنوقه من الدكتور و طبعا مش هعرف ايب السكشن و أخرج اقعد أكتب و ألف أى حاجه
و كتييير أووى بتنفع

------
تقريبا ده أول تعليق أكتبه ف المدونه هنا بس مش أول زياره
:D

تحياتى :لؤلؤة