Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, October 08, 2007

هالووز عليكوا


بقالى فترة عندى حالة قرف كتابى

يمعنى الابداع كل ما ااجى اطرطشه يطلع خازوووووووووق فى النص يخلى حبل الافكار يتقطع

وموانع الطرطشة الفكرية كتييييييييييييييير

اولهم الحجه الوالدة....لما تنادى عليا اجيبلها حاجه من تحت محتاجها الاسبوع الجاى

او السيد الوالد...لما يحتاج يكلمنى ...مش عارف يبقى بوزى فى بوزه ليل نهار ومرة واحده يفتكر موضوع ما

يعنى اهوة دلوقتى افتكر حاجه وقطع ام حبل الافكار اللى كنت بنشره

او ممكن تلفون غتت ...او مسنجر

سبحان الله الناس مش بتفهم لما تعمل مشغول وتكتب متنيل على عين اهلى مشغول...وتلاقيهم بيكلموك برضه...

ولا اكنك كاتب حاجه...ماهم المصريين كده ....واحد هيقولى ما تعمله اوف لاين...لاء بيتكلموا برضه...

لذا بولع فيه وبقفله خالص

ااااااااااااااايييييييييييييه تانى بيقطع الافكار....

لما النور بيقطع...ما هى السنة 365 يوم مش بتحبك الا فى الوقت اللى بكتب فيه ...

بصوا تعددت الاسباب والنتيجة واحده

قطع واعتراض سبيل الطرطشة الفكرية بتاعتى

لذا ادعولى ان ربنا يفرجها ومحدش يقاطعنى ...عشان ارجع من تانى احسن...ومش ااصورلكم قتيل على باب المدونة

يوووووووووووووووووووووووووووووووووووووووووة

انتوا كمان بتقاطعونى؟؟؟؟؟؟؟؟؟؟؟؟؟؟؟؟؟؟؟؟؟؟؟؟

9 comments:

اسكندراني اوي said...

حبيبي الغالي سفاح كرموز
مع جم احترامي ليك ولاسلوبك الساخر المحبب الى قلبي
لا يصح ان تتكلم عن والدك ووالدتك بهذا الشكل
دول نعمه والله صدقني

اطال الله بقائهما في حياتك

لك كل التحيه

§a§a said...

ياعم طرطش وبعدين لما ترجع هيرجع معاك حبل افكارك من تانى


ان شاء الله نشوف حبال افكارك هنا كتير وتنشر عليها احلى غسييل

اقصد بوست

منتظرين يا جميل البوست القادم بأفكارك الجميله

safa7_karmooz said...

اسكندرانى اوى:

تصدق دول اكتر من نعمه يا جميل .....بس بتيجى اوقات الواحد غصب عنه مش بيعرف يقول ايه ...وحبل افكارى مهم جدا...

هات ربع جند ااشترى بيه حبل جديد..
نورت..:)

-------------------

صاصا:

هات فلوس يا عم...انت جاى تتكلم عالواقف ولا ايه :p

عمرو فكرى said...

:D

لا جديدة :D

شقاوة شعب said...

لاول مرة بالاسكندرية : دعوة لكل مواطن ولكل مدون حر: لحضور
ملتقي الدفاع عن سجناء الراي وحقوق الانسان
بالإشتراك مع
تجمع المدونين الطامحين في وطن عربي بدون سجين رأي واحد و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر

موعدنا : الخميس 18 / 10

الساعه 5 بنادي المحامين بجليم كورنيش البحر الاسكندرية


فضلا ارسلها لكل المدونين عندك

Anonymous said...

كل سنه وانت طيب وبتطرطش علينا ابداعات يا رئيس انا معاك فيما يقطع حبل الافكار وتزيد عليهم اولاد اخواتك ان كان عندك منهم وربنا يخليهم ليك كل سنه وانت طيب

catroz said...

دا كلواااا
لاليك حق حبل افكارك يتقطع فعلا
:D
بس ملناش دعوه برضوا
عايزينك تتصرف و تكتب بقى
و بعدين يا عم مشمش دا انت على طوووووووول بيزىىى :D

ماما كمان على طووول .. ميحلالهاش الكلام معاى انا و انا بكتب حاجه
عشان كده مبكتبش الا و البيت كله هوووووووووس
:D

ربنا يكون فو عونك .. بس اتصرف سرررررررررررريعااا .. عايزه حاجه جامده عما قرررررريب يا مشمووش :D

safa7_karmooz said...

عمرو فكرى:
انت داخل مقر الحزب المصرى ولا ايه :p

------------------

شقاوة شعب:

هحاول..:)

منور

safa7_karmooz said...

رئيس جمهورية نفسى:

ربنا يخلهوملك يا باشا ويزودهم كمان وكمان...

ادعى ان ربنا يفتحها عليا واشترى لاب توب ...وقتهات هاخده واقفل باب الاوضة واعيييييييييييييييييش

منور

-----------------------

كاتروز:

انا مش عالطوول مشغول...

عارفه بقى المسئوليات بقى

الحاجات اتلجامده راحت خلاص..:)