وصيتى

وصيتى سهلة وبسيطة خالص 

اول حاجه مش عاوز حد يزعل ولا يعيط عليا ويكتئب 

الحياة بتستمر ناس بتيجى وناس بتروح 

وبدل ما نعيط ونكتئب - ده لو حد زعل يعنى - ممكن فى الوقت بتاع الحزن ده نستغله فى حاجه افيد 

تانى حاجه انا جه عليا وقت كنت بساعد ناس كتير ومش بستنى منهم اى مقابل ومازالت 

ياريت بعد ما اموت حد يكمل اللى كنت بعمله ده 

مش شرط نفس العمل بس ان الواحد يساعد الناس المحتاجة

متتخيلوش ابتسامتهم ودعوة طالعة من القلب بجد منهم 

تالت حاجه الناس تدعيلى 

بلاش الدعاء اللى فى حالة كل واحد على الفيسبوك ولا تويتر ولا بلوجر

اللى يدخل يعزى فيا عالنت لو حصل يعنى واتنشر خبر وفاتى عاوزه يقول البقاء لله ويقوم يصلى ويدعى ربنا انه يخفف عنى

انا معرفش انا عند ربنا ايه بس انا بظن فى ربنا ظن حلو الحمد الله 

اخر حاجه اى حد زعلته فى يوم ضايقته جيت عليه من غير ما اقصد يسامحنى 

معلش كلنا بنغلط وبنضايق وبنقرف فى بعض 

بس كده 

=)