Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, July 19, 2011

نفسسسسسسسسسسسسسسسسسى

نفسى كده كل بنت 

ليها واحده صاحبتها مخطوبة او متجوزة 

تبطل تنخور فى راسها عند اى مشكلة 

لانها لو مكانها مش هترضى حد ينخور فى راسها بالمنظر ده

بجانب انها فى اكتر الاحوال بتكون منفسنة منها ..من شكل الشبكة ولا دفع كام وهيجيب ايه وراح فين ومين عمل ايه !

اشمعنى احنا لما حد من اصحابنا تحصل مشكلة مبنخورش فى راسه مثلا ونقول ياعم دى بنت كذا فى كذا سيبك منها ؟؟؟

محدش عارف ظروف حد ...ومحدش مكان التانى 

ومع ان عارف ان الامنية دى مش هتتحقق خالص 

بس اهو قلت اتكلم 

!!!!


8 comments:

Shrouk said...

طيب بغض النظر عن النوعية دي يعني لانها موجودة للاسف

بس الفكرة اننا بنفكر بطريقةمختلفة
يعني اللي انت ممكن تشوف انه "نخورة في الدماغ" يكون حاجة تانية
و طبعا طبعا من الاساس تاويل المواقف بيختلف يعني اللي ممكن انت تشوفه موقف عادي وتافه ويعدي ميكونش كده عند البنت وبالتالي كلامها عنه مع صاحبتها هايكون من المنطلق ده

وبعيدا بقي عن كل ده وسر يعني اوعي تقوله لحد(ولو اني اعتقد انه طبيعة انسانية ملهاش دعوة بالنوع )ا
احنا ساعات بنبقي عايزين اللي قدامنا يتفق معانا وخلاص ده بيريح ساعات...فكرة انك مش لوحدك يعني...
فبما انها زعلانه من خطيبها والموقف مضايقها يبقي صاحبتها كمان تشوف انه "ازاي يعمل كده" و صاحبتها القريبة تفهم ده و تعرف امتي صاحبتها تكون محتاجة ده و تبقي عارفه انها لما تعمل ده صاحبتها هاترتاح وتبدا تفكر من منطلق انها بتحبه و تستحمل عيوبه بقي
فكرة الاتفاق علي انه غلطان مش انها لوحدها اللي شايفة كده يعني
ممكن بعد كده بقي تبدا تلتمس العذر(يمكن مكانش يقصد او كان قصده كذا وانتي فهمتي غلط)ا
طبعا في اوقات بتكون عايزة صاحبتها تكلمها بصراحة و تديها علي دماغها وتقول لها انها هي اللي غلطانة بس ده مش موضوعنا وده طبعا انتوا مبتشوفهوش )

سبايدرمان said...

و الله عندك حق
و اسهل حاجه عندهم الكلام
و مكن الى حصل ميتعداش 3 كلمات
تلاقيهم زودوهم الى 3000 كلمه

نيللى said...

المشكله ان كل البنات بتحب تتكلم لكن تسمع لا..وفى فرق بين النصيحه وبين مبدا شعلها شعللها ...
والبوست رائع

Ramy said...

(:

حمد الله ع السلامة

.........

لسه قايل كلام شبيه كده لوالدتى ليه البنات بيغيروا من بعض قوى و احنا لأ
يعنى مفيش مرة زميلى يجى يشكيلى من خطبته غير لما اشرحله وجهة نظرها علشان مسخنهوش عليها و خلاص

بس عندى وجهة نظر ف المزضزع ده

تقريباً هى الثقة فى النفس
كتيييير من البنات مفتقدنها حتى لو بيبانوا اقويا

و بيحربوا ده
بالنخورا (:

.....

riri said...

هههههههههههههههههه لاء بجد حلو البوست جدااا بس اقولك على حاجه دول بيبقوا بش اسمهم اصحاب دول بيقوا اصحاب فشنك لكن الاصحاب معتقدتش او انا عمتا ماشوفتش كده انهم بينخورا فى دماغ بعض وعلى فكره عجبتنى اوووى كلمه دى لذيذه المهم يعنى
ممكن يكون فى حاجه واحده بس هيا ان تقول عن موقف مينفعش انك تقعد ساكت او تقول معلش عشان ساعتها برضو هنبقى اصحاب فشنك
لكن انا والله وبنت اهو عمرى ماعرفت اولع الدنيا بين صحبتى وخطبها مثلا بالعكس انا ساعات كتير ممكن اجى على صحبتى لما تيجى تشكيلى من حاجه عشان ببقى عارفه انها شايله منوا وبش ناقصه حتى شايلها منوا اكتر
لكن زى ماقوتلك فى مواقف لازم تخليك تكلم بحق الصحوبيه
ده على فكره ظلم باين على البنات لن نسكت عن هذا انا هقوم محامي يدافع عننا مينفعش كده هههههههههههههههه
كلمه فى سرك فى بنات كده فعلا بس دول بش اصحاب زى ماقوتلك وعلى فكره بقى فى شباب كده يمكن هما بيسوسوا فى حاجات تانيه واكبر :p

كريمة سندي said...

نفسنا في حاجات كتير بس مين يسمع

بوست جميل سعدت به

Bent Men ElZaman Da !! said...

فى بنات كده شخصياتهم غريبه
والنفسنه بقت طبع اساسى موجود عند بنات كتيييير جدا
موضوع النخوره فى الدماغ ده
فى بنات بتشوف انها بتنصح صاحبتها
واوقات بيبقى صح على فكره
لان اللى بتبقى فى مشكله غالبا مش بتعرف تفكر صح
فا بتحتاج لأى رأى تانى فبتروح تلجأ لصاحبتها
وبتديها النصيحه وهى وضميرها بقى

safa7_karmooz said...

الصبح ارد عليكم ان شاء الله :)