هوا الحب ايه بالنسبالك
انك تقول لحبيبك بحبك ،تبعت مسج فيه كلام حب وغرام
تعاكسه او تعاكسها ...وتروح توصلها اى مكان وتخرج وتنبسط ؟؟
لاء لو فكرتك كده عن الحب ..ممكن تروح تتسلى فى اى مكان تانى
الحب انك تخاف
تخاف على شريك حياتك انه يضيع منك ...تخاف علي مشاعره ايه اللى ممكن يجرحه ويتعبه وتبعده عنه
انك تخاف انه فى يوم مش هيكون معاك ،فتخلى كل يوم اكنه اخر يوم ليكوا مع بعض
الحب انك تهتم ،مش مطلوب منك تتصل بيه 90 مرة فى اليوم واو تبعت مليون مسج
الاهتمام انك تفتكره وعالطول على بالك
عيد ميلاده عيد جوازكم يوم كتب الكتاب او ذكرى خطوبتكم
اول مرة خرجتوا سوا حتى اتقابلتوا صدفة فين
اشياءه المفضلة ايه
لو حد من اهله متوفى تهتم انك تحاول على الاقل تملى شوية الفراغ ده
الحب انك تتحمل مسئولية
والمسئولية هنا مش بس انك تنزل تشتغل وتجيب فلوس وتدفع مصاريف
لاء كمان انك تكون عارف انك مش لوحدك فى المركب
معاك حد تانى...هتغرقوا سوا وهتنجوا سوا
فلازم تكون اد المسئولية
انك تحافظ على شريكك
انك تخلى العلاقة متجددة ومحدش يزهق من التانى
الحب انك تتعب
تتعب فى الشغل عشان تجيب فلوس تبنى بيه مستقبل
تتعب فى تنفيذ افكار
تتعب فى انك تدور
كل التعب ده طعمه حلو طالما فى النهاية رايح لحاجه حلوة اوى
وهتيجى يوم تفكر فى مدى روعة التعب ده
ومدى انك تكون مطبق يومين بس اللى مصحيك هى او هو على بالك دايما
فى الاخر الحب مش بس كلام وشعارات
الحب اللى بجد
افعال
=)
6 comments:
هو فعلا فعل وليس قول
استمتعت بالقراءة
تقبل خالص تحياتي
هو ده الكلام
ميه ميه واكتر حاجه حط تحتها عشروميت خط
الاهتماااااااام
بجد تسلك ايدك على الكلام الجميل دا
فعلا كتير ناس بتفتكر الحب بالطريقة دي كلوا اقوال وبس
جميل
الحب احساس عميق كتير بالقلب
اجمل احساس بالكون انك تعشق بجنون
الحب .. ان تجدك من يكملك ويجملك ...
هذا هو الحب فى رأى
Post a Comment