Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Sunday, July 19, 2009

يلا يا مجتمع ماشى بضهره

اتقلبت الموازين

والقوالب نامت والانصاص قامت بجد

لما الحرامى بعد ما يسرق نسقفله واللى يمسكه والامين نتجاهله ونشتمه

ولما نشوف الدم والقتل فى الشارع ...نكمل مشيتنا فى طريقنا ولا اكننا شفنا حاجه...لكن لو حد انقذ روح نطلع تلاته تربنتين اهله عشان اتجرأ وعمل كده

لما يبقى الصفة السائدة الندالة وعدم الامانة والشر والقرف وكل العك ....ونقول هوا ده المجتمع

لكن لما نلاقى واحد طيب وابن ناس وكويس...نستغرب ونقول الكائن ده عايش ازاى معانا؟؟؟

وبقينا فعلا مجتمع ماشى بضهره

الحاجات اللى كانت غلط وعيب وحرام زمان دلوقتى بقت المستباحه ونتصرف اكننا مش شايفين حاجه يبقى فعلا بنشوف بقفانا

ولو صادفنا فى يوم حاجه حلوة ...نستغرب ونقول ياااااه ...هوا لسه فيه خير فى الزمن ده؟؟؟




13 comments:

Anonymous said...

:((((((((((((((

مش عارفه اقول ايه دلوقتي .. هبقي ارد بعدين ...................

MaNoOoSh said...

طب مهي دي الحقيقة احنا فعلا بقينا مجتمع بنشوف بقفانا وماشيين بضهرنا

وقافلين ودننا وعيوننا وصوتنا عن الحق

Sweet Violet said...

معاك حق مش بس ماشين بالضهر لا و كمان عاكسين الادوار
الظلم بيكون حق و الصح بيكون غلط
و ياريت لما نشوف حد نقول هو فى لسه كده
لا ده بيطلع هو اللى غلط
v_v

انا حره said...

ممممممممم

مش عارفه اقولك ايه لما قريت ملقتش تعليق غير انها بقت كدا وجت فدماغى شويه حاجات مدايقانى وبردو محسسانى ان الدنيا ماشيه بضهرها او واقفه فوق راسها ورجليها فوق

بس فالاخر قلت والنبى ياسفاح ماتقلب عليا ماصدقت انسى واعيش

بس سيبك انت انا عارفه انى مقصره مع الجميع وقافله التعليقات عندى ومش بكتب حاجه اصلا اصل مبقاش فى جديد كله بيتكرر والمود مش تمام

وردة said...

مش عارفة اقولك ايه
اكيد اللي انت بتقوله صح ومظبوط
بس خايفة يكتر ويتعمم
ويبقي قاعدة
ربنا يستر
سلام

وردة said...

انسي الهم شوية
وكل سنة وانت طيب
انهاردة ليلة الاسراء والمعراج
ادعي ربنا يصلحلنا الحال
يارب
سلام

Sarah .. said...

بداية ..بحييك ع البوست دا
كلامك بجد للاسف بقى صح جدا
المشكلة ان كل واحد شايف كل دا وساكت وماشى مع الباقى
وبندور ع المدينة الفاضلة ف زمن زى دا ومقتنعين اننا ممكن ف يوم نلاقيه ع الارض!!

تحياتى مرة تانية
وكل سنة وانت طيب

أميرة علي كوكب مهجور said...

كل حاجة حلوة بنضياعها و مش بنستريح غير لما نضيعها عليه العوض ومنه العوض

محمد حويحي said...

وعجبي

Anonymous said...

انت عارف
البوست بتاعك ده جه في وقت كان فعلا كل الكلام اللي بتقوله ده جوايا .. عشان كده ساعتها معرفتش ارد خالص ..


لكن لما نلاقى واحد طيب وابن ناس وكويس...نستغرب ونقول الكائن ده عايش ازاى معانا؟؟؟

تصدق هو دا اللي بقينا نقوله فعلا..!!
بقينا لما نلاقي الحاجه الصح نستغرب اوي .. عشان الغلط هو اللي بقي سايد.. هو اللي بقي بيحصل .. هو اللي بقي مألوف ، للأسف !!

:(((((((

بس برضو
مش هنفضل علي طول كده
هيجي يوم ونلاقي بني آدمين بجد
وساعتها الموازين هتتغير .. بس ساعتها هتروح لمكانها الصح ..:)

أحمد الشاطر said...

الخير لسه موجود بس المصيبة إن ناس كتير بتخاف أو تنكسف تخرج الخير اللى جواها

مشكلتنا إن احنا -كمصريين- أخدنا السئ من الشرق والغرب وضربناهم ف الخلاط بطريقة مقززة

مجتمعات تانية بتحاول إنها تعمل العكس تاخد أحلى ما في الكل

بس سلبيتنا أكيد هتخلينا نمشي بضهرنا لغاية مانقع ف المستنقعات

عابرة السبيل said...

سلام عليكم

عندك حق والله
الصح بقى شىء نادر الوجود
لدرجة ان ممكن الواحد يخاف يعمله للناس تضحك عليه

لا وكمان الصح بقى عبء على الواحد
ليه اعمل الصح فى وسط كل الناس دى اللى ماشية غلط

خدنا خلاص على الغلط وبقى يعدى ادام عنينا وكانه حاجة طبيعية



ولسه ياما هنشوف

safa7_karmooz said...

هرد عليكم قريب

بس مش عارف

البوست ده جاى عالجرح فعلا ..:(