Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, April 14, 2009

اصابع فنان





فى احد الازمنة ...عاش احد المحبين ... امثال قيس وليلى وروميو وجولييت ...واحمد ومنى

ما اسمه ؟؟ لا يهم ....كم يبلغ من العمر ...لا اظن ان احدا سيهتم

كان يعيش مثل اى كائن حى اخر ...يتعايش مع من حوله الا شيئا واحدا فقط وهو الحب...كان يضع قلبه فى صندوق زجاجى ملىء ببعض ماء الحب داخل منزله لا يود ان يخرجه من مكانه ابدا حتى لا يتلوث النقاء الذى يتحلى به دونا عن باقى المخلوقات حوله ...

وفى يوم كان بطريق العودة لمنزله ...وجد احدى الفتيات تدور وتدور وهى حاملة صندوق زجاجى اخر ...يبدو ان بها قلبها ولكن كانت مياه عكرة تحمل بعضا من اللون الاسود وقليلا من اللون الابيض الصافى ...فاشفق عليها واخذها معها ...فى محاولة ان يعيد لقلبها صفاءه مرة اخرى

عاشوا سويا ...وكان كل يوم يعلمها شيئا جديدا ...فتارة يعلمها الصدق ...وتارة يعلمها الصدق ...حتى طلبت منه يوما ان يعلمها الحب ...ولكنه ابى ...ورفض رفضا كثيرا ...معللا بأن الحب نعمة ينعم بها الرب علينا ولا يمكننى ان اعلمك اياها ...

حزنت قليلا...ولكنها سرعان ما تناست الامر ...حتى اكتشفت فى يوم من الايام موهبته فى الرسم...وكان كلما يرسم شيئا ...كان معبرا عن حالته ...فعندما يكون حزيناً فتخرج الوانه سوداء غامقة بلا اى حياة ، وعندما يكون سعيداً فتخرج الوانه فرحة سعيدة واحيانا تطير منها العصافير بكافة الانواع والالوان ...فأحبته تلك الفتاة

وصرحت له بحبها ولكنه توجس هل بالفعل تحبنى ام هو مجرد كلمات من انسانه صاحبة قلب بلا نقاء ...وقالت له نفسه انه بمرور الايام سيكتشف هذا ...وحدث انه فى يوم طلبت منه ان يرسمها ولكنه رفض رفضا خفيفا معللا بأن الرسم ليس بالطلب ولكنه بالمشاعر الصادقة ...فان كان يحبها حقا ...فسيرسم اجمل لوحة عرفتها الكواكب يوما وسيمشى فى كل مكان يرسم ويضع افضل اللمسات واضعا اجمل الصفات لكى تكون لوحة ابدعها فنان ...فنان محب بلا اى ضغائن

ولكنها عللت رفضه بأنه تكبرا وكرهاً منه ...فسألها هل بالفعل تحبيننى...فرددت بالطبع انا اكون ...وحبك اصبح لدى هوائى ومائى ولا اتخيل نفسى بدونه يا حياتى ...

ولكنه نظر الى صندوق قلبها فوجده قد تعكر ماؤه اكثر واكثر ....

لذا فتوقف عن الرسم وقام بقطع اصابعه وقدمها اليها وقال هذا ما انتى تعشقين هذه ما انتى تحبين ...ولكن ليس هذا - مشيرا الى قلبه فى صندوقه - فأنت احببتى المادة ...وهى زائلة بأى حال من الاحوال ...ولكن رفضتى ان تحبى الشىء الذى انتى بعيدة عنه بعد الدجاج عن السماء ....

نظرت اليه غير مصدقة ما يفعله ....ونظرت الى اصابعه التى قطعها بدون تردد ...واخذت صندوقها الزجاجى ورحلت ...

وعاد هذا الانسان يعيش وحيدا مجددا ...بلا اصابع ...
ولكنه مازال انسان ...مازال قلبه نقى

لان لم يستسلم لشهوة الحب ...بل فضل ان يكون وحيدا ...على ان يحب

واحتضن صندوقه الزجاجى ...وذهب فى سبات عميق


وتوتة توتة فرغت الحدوتة واكيييد ملتوتة happy.gif

13 comments:

Maha said...

قريت الطرطشة وحبيت أطرطش سلام :)

perlina said...

:(:(
بس هى متستاهلش حتى انه يقطع صباعه
علشانها

آية مش هنا said...

عارفة انا الاحساس ده اوووي

لو كنت مكانه .. لفعلت مثله .. دائما ما أفعل .. أما الأصابع فهي لك .. و أما قلبي .. فلا

بس تفتكر هو ده الصح يعني ؟؟؟؟
لا على فكرة .. مش معانا حق
اللي مسيتاهلش .. ليه نقطعله صوابعنا عشان نثبتله انه مش هاممنا و ان اللي محتاجه منا ميسواش عندنا حاجة ..؟
اللي ميتاهلش .. منبصلوش اصلا ..و صوابعنا احنا اولى بيها ..

:)

Ana keda said...

عاجبنى الفكرة اوى

جديدة وعاجبنى جنونه اكتر واللسعان الى هو فيه انا بحب الشخصيات دى لما بتحب بجد بتعمل كل حاجة ولو مبتحسش بحب حد برضه بتجنن

مسيره يلاقى الى هو محتاجه اكيد فى قلوب لسه كويسة

بس انا لو مكانه مكنتشهقطع صوابعى كنت هامشى واقول متستاهلش اى حاجة لانى كده اديتها حتة منى


هههههههههههههه


شريرة

mohamed said...

مش عارف ليه حسيت ان دي النهاية الصح أو النهاية الواقيعة

دهاء سياسي said...

بالرغم من اى حاجه فى الدنيا .. حيفضل طول عمره صاحب قلب صافى و برضه فنان حتى لو قطع صوابعه :)


دمت بكل خير :)

Dr Dead said...

جميله يا مشمش بس هي متستاهلش انه يعمل كده عشانها لو فعلا محبتوش

safa7_karmooz said...

Maha :

ياااه زيارتك اسعدتنى بجد

:)

-------------------

perlina:

مممم ااه مش تستاهل ...بس لو بصيتى من ناحية تانية هتلاقى فعلا تستاهل

safa7_karmooz said...

ايه مش هنا:

نفسى اعرف ايه راحت فين...ما علينا

لاء الصح شوية ...هما حبوا الصوابع ...خلاص خلى الصوابع تنفعكم بالبلدى

والصباع اللى بينقطع بيطلع بداله خمسة ...يعنى كده عنده 30 صباع :D

-------------------------

Ana Keda:

ههههههههههههههههههههه

طيب كويس انها عجبتك ...ده فى حد ذاته نجاح للسفاح ^_^

يا ستى ...سيبيه كده نايم مع قلبه ومأنتخ

safa7_karmooz said...

محمد :انا بحييك يا استاذ

^_^

----------------------------

دهاء سياسى :

بحييكى برضه سعادتك لانك وصلتى بنسبة كبيرة من اللى ااقصده

تحياتى :D

safa7_karmooz said...

Dr dead:

الدكتور الميت..ههههههههههههه

المغزى مش تستاهل ولا لاء المغزى انها حبت حاجه وهوا ادالها الحاجه...ايه فايدة البنزين من غير العربية اصلا ؟؟؟

مش هتعمل بالصوابع حاجه ولا هتستفيد منهم ولا حتى اسمها اخدت حتة منه

لكن هوا الكسبان بكتييييييييييييير

:)

hager za3bal said...

ياااااااااااااااه
حلوه اوي بجد
انت جبت الكلام ده منين

عجبتني اوي بجد

هي محبتوش هي عقت فنه
وهو محبهاش ومكنش عايز ينجرف ورا نشوة الحب زي ما كتير بيعملوا
ورغم ده ضحي عشانها واداها الحاجه اللي هي بتحبها رغم انها برضه مش هتعرف تعمل حاجه بيها !
وهو كسب قلبه وحافظ عليه وعلي نقاؤه

لا بجد بجد فلسفه عميقه اوي

انا حاسه ان التعليق ملغبط!
اول مره اكتب كومنت واحس انني مش عارفه ارتبه صح
بس عارف
ساعات الواحد بيعجز عن الكلام قدام حاجه تبهره اوي فـ بيبقي مش عارف يوصفها كويس من كتر ما هي عجباه !

مجنونه انا :D

safa7_karmooz said...

hager za3bal:

:$ :$:$:$

ايون مجنونة انتى ..

هوا المهم انها تكون عجبتك...

بس بالنسبالى انا شايف انه طالما رامالها الحاجه اللى حبتها وحافظ على قلبه انه كده كسبان ومش خسران حاجه..

اى انسان موهوب لما حاجه بتضيع منه بيعرف يرجعهها تانى وهيطلع له بدل الصباع الف ^_^

نورتينى بجد

وكمنتك بجد بسطنى..:)