Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, November 18, 2008

Sorry

يااااااااااه

بقالى كتير ماليش نفس اكتب ولا اتكلم

لاول مرة او لتانى مرة اهرب كده فى حياتى

بحاول اتعامل مع اللى حصل او اللى بيحصل زى أى حاجه تانيه...عادى...بس هوا اصلا مش عادى ولا هيكون عادى

قلت هشغل نفسى بالشغل بس لقيت نفسى هدفن نفسى بالحيا...وانا مش بحب كده ومن زمان مقرر انى لو هشتغل شغلانة هتخلينى فى ساقية هسيبها ان شاء الله اقعد جعان ولا انام قرفان ...ربنا يسهل بكرة واسيبها

مفتقد ناس كتير قرروا انهم يمشوا من حياتى ووضوا الشنطة ومرة واحده غيروا رأيهم ورجعوا رغم انى انا اللى كنت بزن عليهم يرجعوا مش عارف عاوز انا ايه تانى؟؟؟

النهاردة كانت شبكة اعز اخ لقلبى او اخويا اللى والدتى مش ولدته .....بس بسبب الزفت الشغل معرفتش اروحله النهاردة وقاعد مضايق جدا جدا جدا عشان مش عارف اشوفه فى فرحته ..:"(

كنت هقابل الانسة اللى بحبها توداى...بطنى قلبت عليا واعلنت العصيان وبقيت قاعد فى مكانى زى البطة الحرانة ....كلمتها بقولها مش تيجى عشان تعبان ومش هقدر اشوفها قلت الحقها قبل ما تنزل عالفاضى...بعتت مسج عادية يمكن بس فى اخر بتجرح ...هوا يوم باين من اوله فعلا

فيه فلوس ناقصة من الشيفت اللى قبليا وانا اللى لبستها ...ورق ميتكتبش ويتحدفلى الصبح وانا اصلا كل حياتى الصبح كتابة ×كتابة وفى الاخر يرجع صاحب المحل يزعقلى انا عشان مكتبتش الورق ...بكرة هقابله وهقوله انى هسيب الشغل عشان كذا وكذا وكذا...هيحاول يقنعنى بالعكس بس انا جبت اخرى خلاص ولو قعدت هيبقى غصب عنى ومش هخاف عالمكان اللى انا فيه بأى حال من الاحوال

سافرت اسكندرية جمعه وسبت وربع الخميس ....كان الجو تلللللللللللللللللللللللللللللللللللللللللللللللللج....بس كنت محتاج التغيير ده فعلا كان سفرية مجاريح على رأى واحد كان معايا ههههههههههههههههههههههههههههههههههههههههههههههههههههههه

محتاج اسافر تانى او اعمل اى حاجه جديدة تانى عشان ارجع للمودتانى بس صعب بعد العيد

دوشتكم...معلش بس ده اللى جوايا دلوقتى نظرا لعدم رد اى من الاربعه المقربين على تليفوناتى من ساعه ونص كده ....وللاسف مش هعرف اطلع الكلام تانى...هوا هنا احسن

هحاول اكتب تانى...ادعولى بس

تحديث نونو

عاوز اضيف ان دمى اتحرق اكتر واكتر

ميرسى فى الاخر عالذوق يا ذوق

:)


15 comments:

Semsema28 said...

مش عارفه اقولك ايه
بس ربنا يكون ف عونك ع اللي انت فيه ده
معلشي هى لما بتقفل بتقفل من كله كده
بس ان شاء الله كل حاجه تتظبط قريب وترجع تانى كويس

Selfmeaning said...

معلش يا مشمش
كلنا اكيد بنعدى بالفترة ديه
بس اكيد كلنا هنقدر
و الامور هتعدى و ترجع مشمشى السفاح

دعـاء عـلى said...

ربنا معاك يا سفاح
عارف انت محتاج ايه ؟؟
هيكون ايه يعنى (:
شويه ضحايا جداد طازه كده تغير ريقك بيهم (:
بجد بجد يا رب ترجع أحسن من الأول كمان
خلى بس بالك من نفسك
و على رأيك ... الشغلانه اللى تقرفك سيبها و ان شاء الله مش هتجوع و لا حاجه
حتى لو جعت الواحد يبقى جعان و مبسوط أحسن من شبعان و قرفان (:
أشوفك على خير

انا حره said...

ياسيدى هانت

مهما داقت مسيرها بكره هتفرج

اصبر بس شويه وقول يارب

وحشتنا على فكره ومستنينك ترجعلنا تانى زى زمان

Unknown said...

ربنا معاك يارب

Dr Gad said...

بكره هتروق وتحلي يا مشمش بس اصبر انت بس

واستحمل وربنا هيكرمك في الاخر

safa7_karmooz said...

semsema 28:

ادعى انتى بس...ده الل تقدى تساعدينى بيه الفترة دى

:)

safa7_karmooz said...

selfmeaning:

ياستى..فترة وهتعدى على رأيك

مش تقلقى

safa7_karmooz said...

دعاء على:

ياااه فينك...ليكى وحشة والله...مش تقطعى كده تانى بلييز

والله حتى الضحايا بقوا يصعبوا عليا بقالى فترة معتزل المهنة

هحاول حاضر وهبدأ بيكى عشان طلبك ده :p

safa7_karmooz said...

انا حرة:

قوول يا باسط

والله انا نفسى ذاتها وحشتنى وعاوزة ترجع بسرعه

هحاول حاضر

ميرسى ليكى

safa7_karmooz said...

esraa:

ياااااااااااااااااااااااااااااااااارب

safa7_karmooz said...

Dead Man:

الراجل الميت لوحده بذاته هنا


مش مصدق

اهلا برفيق الكفاح

هى اينعم هتاخد وقت طوييل حبة وهى بتروق بس مش مشكلة

ميرسى ليك يا جميل

وشوشني said...

انت عارف انا كنت قاعده زهقانه كده وطبعا بقالي قرنين من دخلت على البلوج عندي قلت ادخل اشوف ايه

وشكرا على الكأبه ديه والله زودتها اكتر
ههههههههه

على العموم بما اني خلاص قفلت فاحب اقولك اني مش حاسه ان في حد تاني هيرجع زي ما كان
هههه معلش على التشاءم بس من حقي اعبر عن رايي بس خلاص بقا هو كده

safa7_karmooz said...

وشوشنى:

نمرة موبايلك بتقولى خارج الخدمة ..

بعدين حاولى تتفائلى الحياة اسود من كده ^_^

koukawy said...

و الله وحشتنا كنت بدخا كتير و ملاقيش جديد
متختفيش بقي