فى يوم من الايام الغابرة ...استيقظ سكان مدينة نعكشها ولا تنكشها على كارثة كبيرة...وهى احتلال الفضائيون لمدينتهم ...واخذ كل ماهو ثمين بالمدينة...وبدأت قصتنا...طن طن طششششششششششش
استيقظ بطل القصة...بس هوا ميعرفش لسه انه هيبقى بطل ....صحى من نومه...ضرب الشاور التمام...بعدها عمل كوباية نسكافيه...رن للبنت بتاعته...عشان معهووش رصيد يكفى...اخد مفتاحه...واخد عجلته ...وعالشغل عدل ....
وهوا قاعد فى شغله شاف فى الاخبار ان الدولة الصديقة نعكشها ولا تنكشها احتلها الفضائيون...وان بلده ممكن تتعرض للخطر نفسه لو ما اخدوش احتياطاتهم ....وبكل لا مبالاة قال..طيب (",)
بس فى ناحية تانية من البلد اللى منعرفش اسمها ايه...كان موجود القيادات الكبيرة والكوبارات بتوع البلد بيناقشوا هيعملوا ايه فى النصيبة الكبيرة اللى انحطت على راسهم والبلد اللى جمبهم ...ورغم انهم ماشين دايما بمبدأ جارك لما يتزنق...سيبه يولع ...بس المرة دى لو ولع ...هيبهدل الشقه ويحرق السفرة....احم احم ...ما علينا
المهم قالوا لازم نلاقى بطل مغوار بيخاف من الميه والنار...عشان يروح ويقضى عالفضائيون اللى ممكن يختلوا بلدنا...وهى بالفساد عامرة...وفى الفلوس غارقة :D
بس يارترى مواصفات البطل ده ايه ؟؟؟
مش لازم يعنى هوا هيتجوز ولا رايح يلعب كورة...دول فضائيون يعنى رشة راجون وحبة سيجنال تو هتقضى عليهم ....
وفى الوقت ده بطلنا دخل الاوضة يدخلهم الشاى وحجرين قص عشان لزوم عدل الطاسة ويعرفوا يختاروا....وفى قعدة عرب كده...كلهم بصوا لبطلنا وهوا بيظبطلهم الحجر...وقالوا هوا ده اللى هينعكشها ومش هينكشها...
وبكل بلاهة بصلهم بطلنا اللى منعرفلوش اسم...وقالهم مش فاهم...
مش مهم تفهم...ولا مهم تعرف هتروح فين...المهم تعرف انك مش هتعمل ايه...
طن طن طشششششششششششششش
خلصت اول حلقة
waeeet us in za saknd ebocide :D
استيقظ بطل القصة...بس هوا ميعرفش لسه انه هيبقى بطل ....صحى من نومه...ضرب الشاور التمام...بعدها عمل كوباية نسكافيه...رن للبنت بتاعته...عشان معهووش رصيد يكفى...اخد مفتاحه...واخد عجلته ...وعالشغل عدل ....
وهوا قاعد فى شغله شاف فى الاخبار ان الدولة الصديقة نعكشها ولا تنكشها احتلها الفضائيون...وان بلده ممكن تتعرض للخطر نفسه لو ما اخدوش احتياطاتهم ....وبكل لا مبالاة قال..طيب (",)
بس فى ناحية تانية من البلد اللى منعرفش اسمها ايه...كان موجود القيادات الكبيرة والكوبارات بتوع البلد بيناقشوا هيعملوا ايه فى النصيبة الكبيرة اللى انحطت على راسهم والبلد اللى جمبهم ...ورغم انهم ماشين دايما بمبدأ جارك لما يتزنق...سيبه يولع ...بس المرة دى لو ولع ...هيبهدل الشقه ويحرق السفرة....احم احم ...ما علينا
المهم قالوا لازم نلاقى بطل مغوار بيخاف من الميه والنار...عشان يروح ويقضى عالفضائيون اللى ممكن يختلوا بلدنا...وهى بالفساد عامرة...وفى الفلوس غارقة :D
بس يارترى مواصفات البطل ده ايه ؟؟؟
مش لازم يعنى هوا هيتجوز ولا رايح يلعب كورة...دول فضائيون يعنى رشة راجون وحبة سيجنال تو هتقضى عليهم ....
وفى الوقت ده بطلنا دخل الاوضة يدخلهم الشاى وحجرين قص عشان لزوم عدل الطاسة ويعرفوا يختاروا....وفى قعدة عرب كده...كلهم بصوا لبطلنا وهوا بيظبطلهم الحجر...وقالوا هوا ده اللى هينعكشها ومش هينكشها...
وبكل بلاهة بصلهم بطلنا اللى منعرفلوش اسم...وقالهم مش فاهم...
مش مهم تفهم...ولا مهم تعرف هتروح فين...المهم تعرف انك مش هتعمل ايه...
طن طن طشششششششششششششش
خلصت اول حلقة
waeeet us in za saknd ebocide :D
11 comments:
طيب انا ححاول امسك نفسى وحنعكشها ومش حنكشها واستنى للحلقات القادمة
ايه
حفضل مستنية كتير؟
الله
كل ده مستنية؟؟
مش فاضيلكوا بقا التوك توك بنزينه حيخلص
:D
هييه
وبعدييين
خلينا نشوف اخرة الطرطشه ايه
ادينا اهه مستنين اللي هينعكشها من غير ما ينكشها
علي الله بس يكون قد المهمة
ههههههههههههه
نفسى افهم بتجيب الروقااان ده منين
و الله فلا مجنون:D
"مش مهم تفهم...ولا مهم تعرف هتروح فين...المهم تعرف انك مش هتعمل ايه..."
:D
ياااااااااااااه
أخيراً لقيت قصة واقعيه وبطل حقيقي مش من بتوع الأفلام ..
كمل يابني كلنا واقفين جمب البطل بتاعك بس لو حصل قلق قولنا عشان نطلع نجري
انسانه:
وحشتنى كومنتاتك بجد :D
ههههههههههههههههههه
مافيش صبر عندك...ولا ايوب حتى :D
واحده مفروسة:
وادى قاعده
هههههههههههههههههههههه
اوعى تتفرسى
سفروتة:
عيب عليكى
ده قدها وقدود
يفوق بس من الدماغ اللى عملها :D
كاتروز:
ربنا يسامحك
:p
قال مجنون قال
روقان؟؟؟ ولا روقان ولا بتنجان
محمد:
هييييييييييييييييه
محمد يا مظبطنا
الراجل ده ولا اى اى ولا زىزى
عيب عليك كلمة السر بطوط :D
جميلة أوي
بس فين السكند أبوسيد
حقيقي انتا مبدع
first time ^_^
Post a Comment