طب كفاية فرح واقلبها كئابة
الاول بوجه شكر كبيييييييييييييييييييير
للمدونة كاتروز...والمدون عمرو فكرى عاللى كتبوه عندهم فى المدونات بجد
وبشكر كل واحد عزانى ودعا لجدى رحمه الله ...ورفعوا حبتين من روحى المعنوية...
ايه بقى ...ااه عدى اسبوع ونص
انا فاكر كويس اكنه اتوفى امبارح...
بكل التفاصيل الصغيرة والكبيرة ...
اليوم اللى اتوفى فيه...والدتى صحتنى الصبح الساعه 9.30 كده...كنت نازل هعمل مشاوير لبابا بعدها اطلع الجامعه كان عندى تدريب
حتى اختى الكبيرة هى اللى كانت هتحاضر يومها
بس ولقيت ماما بطريقة هادية تقولى جدك توفاه الله الساعه 8 الصبح
انا طبعا اتنرفزت انها سيبانى نايم وعارفه...واضايقت جدا
كتبت الخبر عالبلوج ...واخدت كوباية الشاى ونزلت روحت لوالدى المستشفى
لقيتهم بيغسلوا جدى
بعدها دخلت انا وعمى ووالدى واتنين تانيين مش فاكر مين
شلناه وهوا ملفوف فى الكفن وحطيناه فى اللحد وشلنا اللحد وحطيناه فى العربية
لغاية الحتة دى وانا حاسس انى بحلم وده كابوس هفوق منه اول ما اصحى من النووم...بس تقريبا كان واقع
شايف عمى بيعيط جاامد...عشان هوا الصغير...وبابا ساكت بس حاسس انه من جواه زعلان جدا ...
رحنا المهم جامع الكواكبى اللى فى الدقى عشان نصلى عليه بعد صلاة الضهر...
طبعا كانت الساعه لسه 11 يعنى هنستنى ساعتين تقريبا
فى الساعتين دوول سبحان الله ختمت المصحف وانا قاعد جمب اللحد ...مش عارف ختمته ازاى لغاية دلوقتى فى الوقت ده
صلينا عليه....ابتدينا نتحرك عشان نروح المدافن وكده عشان ندفنه
اخته كانت بتعيط جدااااااااااااااااااااااااااا
ابن عمى مستحملش منظرها وساب دموعه
لغاية دلوقتى ولا دمعه نزلت من عينى ...عشان لسه مستغرب الحكاية
واحنا فى الطريق للمدافن كان معايا ابن عمى وبنت عمى وخطيبها
هى حبة تعيط...وحبة نفتكر حاجات جدو كان بيعملها معانا ...ولما كنا بنروحله البلد...
ونضحك...ونرجع نسكت...وتعيط تانى
وصلنا المدافن...والدى واخواته وناس تانيه شالوا جدى من اللحد ونزلوا تحت ...
معجبتنيش الوقفه برا انا وابن عمى
رحنا قلعنا الكوتشيات ونزلنا تحت معاهم...
حوار تانى خاااالص تحت يا جماعه...شفته وهوا بيدفن...ووالدى قاعد يقرا ادعية ...وانا واقف لا اراديا بردد الشهادتين
طلعنا من تحت...التربجى قفل البتاعه خلاص وبيحط الرمل
الشيخ جه وابتدى يدعى واحنا وراه نأمن
فى اللحظة دى بس حسيت انى فقدت حد غالى عليا
فى اللحظة دى بس عينيا ابتدت تفتكر ان من وظيفتها انها تعيط
فى اللحظة دى بس مقدرتش اابقى قوى عالطوول
دموعى موقفتش خاالص ...مقدرتش ااقف
وكنا فى عز الشمس
ومن جوايا بدعى ادعية فوق الادعية بتاعت الشيخ
الناس كلها بتعيط...حتىواحد صاحبى كان معايا ...عييط...الموقف محدش ومعتقدش حد ممكن يستحمله
خلصنا ...وجه وقت اننا نروح...مش مصدق برضه انه مات
ببص فى الساعه كانت 4.30 العصر
يااااااااااااااااه...الوقت جرى جدا جدا
مش حسيت بيه
عايز ااقولكم انى ابتديت ااحس باللى كنت مفروض احسه يومها
بس بعدها بيومين تلاته
ابتديت ازعل..
ابتديت انى اعيط
ابتديت احس انه وحشنى
هوا فى المستشفى من فترة طويلة
بس كنت كل يوم هناك مع بابا وعمى بنزوره
ماعدا اخر اسبوع انشغلت جدا ومعرفتش اروحله وكنت هروحله يوم ما اتوفى
حتى انا الصبح او الفجر مكنش جايلى نووم لاغم التعب على غير العاده وقلبى مقبووض جدا
رحمك الله يا جدو
يوم الجمعه اللى فات ده ...رحنا كلنا انا وبابا واخواته هناك نزوره
واخدنا معانا زرع نزرعه هناك
طريقة الزرع اللى بابا واخواته بيحطوها والمعاملة ولا اكنهم بيزينوا بيت ليهم
وقفت فوق وقريت الفاتحه وسورة يس كذا مرة
وطبعا الريحة بتاعت تحلل الجثمان كانت موجودة
بينى وبينكم لما شميتها خفت اكتر ....
دموعى نزلت جاامد قوى وانا واقف على اول السلم اللى مردوم بالرمل
وقاعد اقرا سورة يس
وصلت لدرجة لسانى وقف ومش قادر انطق حرف واحد...كملت بعينى قرايه
انا عارف انى طولت عليكم....بس بقالى فترة شايل كلام كتير جوايا ونفسى اطرطشه حبة
استفدت كتيير ولسه بستفيد من اللى بيحصل
بس خسرت حاجه غالية اوى فى حياتى
كنت فاكر نفسى بعيد عنه
بس طلع انى كنت قريب اوىىى
:)
الاول بوجه شكر كبيييييييييييييييييييير
للمدونة كاتروز...والمدون عمرو فكرى عاللى كتبوه عندهم فى المدونات بجد
وبشكر كل واحد عزانى ودعا لجدى رحمه الله ...ورفعوا حبتين من روحى المعنوية...
ايه بقى ...ااه عدى اسبوع ونص
انا فاكر كويس اكنه اتوفى امبارح...
بكل التفاصيل الصغيرة والكبيرة ...
اليوم اللى اتوفى فيه...والدتى صحتنى الصبح الساعه 9.30 كده...كنت نازل هعمل مشاوير لبابا بعدها اطلع الجامعه كان عندى تدريب
حتى اختى الكبيرة هى اللى كانت هتحاضر يومها
بس ولقيت ماما بطريقة هادية تقولى جدك توفاه الله الساعه 8 الصبح
انا طبعا اتنرفزت انها سيبانى نايم وعارفه...واضايقت جدا
كتبت الخبر عالبلوج ...واخدت كوباية الشاى ونزلت روحت لوالدى المستشفى
لقيتهم بيغسلوا جدى
بعدها دخلت انا وعمى ووالدى واتنين تانيين مش فاكر مين
شلناه وهوا ملفوف فى الكفن وحطيناه فى اللحد وشلنا اللحد وحطيناه فى العربية
لغاية الحتة دى وانا حاسس انى بحلم وده كابوس هفوق منه اول ما اصحى من النووم...بس تقريبا كان واقع
شايف عمى بيعيط جاامد...عشان هوا الصغير...وبابا ساكت بس حاسس انه من جواه زعلان جدا ...
رحنا المهم جامع الكواكبى اللى فى الدقى عشان نصلى عليه بعد صلاة الضهر...
طبعا كانت الساعه لسه 11 يعنى هنستنى ساعتين تقريبا
فى الساعتين دوول سبحان الله ختمت المصحف وانا قاعد جمب اللحد ...مش عارف ختمته ازاى لغاية دلوقتى فى الوقت ده
صلينا عليه....ابتدينا نتحرك عشان نروح المدافن وكده عشان ندفنه
اخته كانت بتعيط جدااااااااااااااااااااااااااا
ابن عمى مستحملش منظرها وساب دموعه
لغاية دلوقتى ولا دمعه نزلت من عينى ...عشان لسه مستغرب الحكاية
واحنا فى الطريق للمدافن كان معايا ابن عمى وبنت عمى وخطيبها
هى حبة تعيط...وحبة نفتكر حاجات جدو كان بيعملها معانا ...ولما كنا بنروحله البلد...
ونضحك...ونرجع نسكت...وتعيط تانى
وصلنا المدافن...والدى واخواته وناس تانيه شالوا جدى من اللحد ونزلوا تحت ...
معجبتنيش الوقفه برا انا وابن عمى
رحنا قلعنا الكوتشيات ونزلنا تحت معاهم...
حوار تانى خاااالص تحت يا جماعه...شفته وهوا بيدفن...ووالدى قاعد يقرا ادعية ...وانا واقف لا اراديا بردد الشهادتين
طلعنا من تحت...التربجى قفل البتاعه خلاص وبيحط الرمل
الشيخ جه وابتدى يدعى واحنا وراه نأمن
فى اللحظة دى بس حسيت انى فقدت حد غالى عليا
فى اللحظة دى بس عينيا ابتدت تفتكر ان من وظيفتها انها تعيط
فى اللحظة دى بس مقدرتش اابقى قوى عالطوول
دموعى موقفتش خاالص ...مقدرتش ااقف
وكنا فى عز الشمس
ومن جوايا بدعى ادعية فوق الادعية بتاعت الشيخ
الناس كلها بتعيط...حتىواحد صاحبى كان معايا ...عييط...الموقف محدش ومعتقدش حد ممكن يستحمله
خلصنا ...وجه وقت اننا نروح...مش مصدق برضه انه مات
ببص فى الساعه كانت 4.30 العصر
يااااااااااااااااه...الوقت جرى جدا جدا
مش حسيت بيه
عايز ااقولكم انى ابتديت ااحس باللى كنت مفروض احسه يومها
بس بعدها بيومين تلاته
ابتديت ازعل..
ابتديت انى اعيط
ابتديت احس انه وحشنى
هوا فى المستشفى من فترة طويلة
بس كنت كل يوم هناك مع بابا وعمى بنزوره
ماعدا اخر اسبوع انشغلت جدا ومعرفتش اروحله وكنت هروحله يوم ما اتوفى
حتى انا الصبح او الفجر مكنش جايلى نووم لاغم التعب على غير العاده وقلبى مقبووض جدا
رحمك الله يا جدو
يوم الجمعه اللى فات ده ...رحنا كلنا انا وبابا واخواته هناك نزوره
واخدنا معانا زرع نزرعه هناك
طريقة الزرع اللى بابا واخواته بيحطوها والمعاملة ولا اكنهم بيزينوا بيت ليهم
وقفت فوق وقريت الفاتحه وسورة يس كذا مرة
وطبعا الريحة بتاعت تحلل الجثمان كانت موجودة
بينى وبينكم لما شميتها خفت اكتر ....
دموعى نزلت جاامد قوى وانا واقف على اول السلم اللى مردوم بالرمل
وقاعد اقرا سورة يس
وصلت لدرجة لسانى وقف ومش قادر انطق حرف واحد...كملت بعينى قرايه
انا عارف انى طولت عليكم....بس بقالى فترة شايل كلام كتير جوايا ونفسى اطرطشه حبة
استفدت كتيير ولسه بستفيد من اللى بيحصل
بس خسرت حاجه غالية اوى فى حياتى
كنت فاكر نفسى بعيد عنه
بس طلع انى كنت قريب اوىىى
:)
9 comments:
صبركم الله ورحمه الله رحمة واسعة
ربنا يرحمه .. يارب تكون اخر الاحزان ... يوم الدفن ده بيبقى سبحان الله غريب جدا وبتحصل فيه شوية حاجات .... والواحد فعلا زى مابتقول مش بيبقى مستوعب ومش بيعيط وعادى جدا ... بس بيبدا يدرك بعد فترة ... فى يوم وفاة بابا فضلت طول اليوم عادى جدا ورحت عند قرايبى ومهيسة على الاخر وبهزر وعادى جدا ... لحد ماجيه الليل ... لقيت نفسى لوحدى فى السرير ...كان دايما هو بيقفل الانوار كلها ويتربس على قفل الشقة والرقم السرى ويجى ينام جمبى ... كانت أول مرة فى حياتى كلها محسش بلحظة امان مع ان كان معانا فى الاوضة ناس بعدد شعر راسى وأفتقد حضنه اوى ... ربنا يرحم أموات المسلمين
كفاية اكتئاب بقى وأكتب حاجة فرفشة أو تهييس ...قرف يقرف
يااااااه
جواك كلام كتيييييييييييييير اوى يا مشمش بجد
ربنا يصبركم
عارف .. بتبقى لحاظت صعبه اووووى لما تفتكر زكيرات ليك مع الشخص المتوفى ده
خصوصا لو كان حد قريب منك
اعتقد ساعه وفاه بابا انت فاكر كانت حالتى عامله ازاى
كنت عادى اعتقد
تقريبا برضه فى الاول كنت بقول ده حلم و هفوق منه
بس لحد دلوقتى مفقتش م الحلم ده
وحشنى حضنه اووووووى و شعور الامان اللى كان بيبقى معاه
يلا الحمدلله
فعلا
كل نفس ذائقه الموت
ربنا يرحمه ويغفرله يا رب
اللحظات دي عمرك ما هتنساها ويارب تستفيد منها فعلا
اسلوبك ف الوصف قوي اوي و بجد مقدرتش امسك دموعي
ربنا يرحمه و يرجمنا جميعا
اكيد كان يوم صعب و الاصعب انك تتخيل
انه خلاص مش راجع تانى عشان يخدك فى حضنه
و تلاقى نفسك لوحدك و كمان لما تتخيل
انه واقف قدام ربنا و بيتحاسب
و تقعد تفكر يا ترى ايه اللى بيحصل
له دلوقتى
ربنا معاك يا مشمش و تعدى الايام ديه
على خير
wade7 en f3lan da beye7sal ma3 kol 7ad beymotlo 7ad 3azez
ana bardo mat 7ad 3azez 3alayya geddan we konna fe nos el2mte7anat we sob7an 2allah howwa kaman kan felmostashfa we kan elmafrod 2azoro bs mal7e2tesh yomeha etsadamt fatra we 2a3adt 2a3ayyat le7ad malsetta beto3 saidala gom 5adone mn bete we waddone 3and samar 3ashan 2azaker ma3ahom
wel'3areba enne ba2et bad7ak ma3ahom we hayyest bardo
we esta'3rabt nafse geddan we etdaye2t mnne 3ashan de7ekt ra'3m enno lssa mayyet
we fat 3alayya yomen el3aza el2awwalen 3ashan kan 3ande emte7anat f msh hayenfa3 2aro7 we mama kanet bet2olle 2as2tanna le7ad ma mato tehda
we mogarrad ma ro7t we shoft tant mamto we heyya 3ayyatet gamed we ana 3ayyat we mn ba3daha we ana 7assa belle enta bet2ol 3aleh
rabbena yer7amo we yer7amna 2agma3en
ana asfa ana tawwrlt 3alek bs enta fakkartenme be 2ayam we 7agat mo3ayyana
البقاء لله يا مشمش
وربنا يصبركم يارب
ويجعله مع النبيبين والصديقين والشهداء والصالحين
اتاخرت فى الرد ..اسفة يا سفاح
البقاء لله وربنا يرحمه ويجعل مثواه الجنة ان شاء الله
عصفور المدينة
ريرى
كاتروز
مستكة
بيوتى
sa7'so7'te
صاصا
لسه بعقلى
بشكركم كلكم على ردودكم ...:)
Post a Comment