هوا حلم جميل ...معنديش غيره انى احلم بيه كل يوم...هتقولوا روتين..ممكن ...بس حلم جميل عمرى ما حسيت بالملل منه ...بشوفها كل يوم فى الحلم ده ...بس فى مكان شكل...بس سبحان الله بنفس الطريقة ...موعد غير دبر...اكون فى مكان...وفجأة الاقيها قدامى
ده اللى حصلى من فترة ...كنت فى فرح قرايبنا ولقتها هناك...طلعت من القرايب بس من بعيييييد زى المسافه ما بين القاهرة والسودان ..مش عارف بقى ايه لازمة الحلم بتاع كل يوم ده ...فى كل بنت بشوفها ...بشوف وشها الملائكى...مش قادر انساها خاالص...
بس ياترى هى عاملة ايه دلوقتى ...كويسة مطرح ماهى موجودة...ولا برضه بتفكر زى مانا بفكر...يمكن تكون بعيده جدا عنى ...فيه سور بقى بينا ....بس برضه عقلى رفض كلام قلبى ولسه بيحلم بيها..لسه بيحلم بالعقل اللى ملكه والقلب اللى قلب كيانه
هترجع تانى ....ولا هتفضلى بعيدة...هتيجى وتقولى الكلام...ولا هتفضل بعيدة...فى الغالب هتفضل بعيدة ومش هنعرف نقرب لبعض تانى...عارفين ليه؟؟
لانها مجرد حــــلــــم
13 comments:
اول رد فى البوست لا مش ممكن
الحقيقه ايه
هى مجرد حلم وتحقق
ليه لا الحلم يبقى حقيقه
يعني لازم تقول للناس انك حلمت بيا
وبعدين بقي احنا مش قلنا تبطل تجيب سيرتي كدة
ههههههههههه
عامة انا كمان كنت بحلم
وتخيل بقي ان الحلم اتحقق باحي ما كنت بتخيله وبحلمه
ربنا يحققلك كل احلامك
وبطل بقي تتكلم عليا كتير
لو كانت حلم ف ان شاء الله يتحقق
اما لو كانت حقيقه وفي حد فعلا فحاول انك تكمل الحقيقه دي لنهايتها
ومتترددش انك تعمل اي خطوه ايجابيه
مش معقول يا مشمش انت مفروض
يبقى اسمك روميو أو عاشق كرموز
لكن مينفعش معاك سفاح خالص
إيه ده
أنا هغير رأيي في السفاحين خالص
لو و بتحلم بيها كمان
الله يسهل لك
سلااااااااام
ان شاء الله ربنا يحقق لك احلامك وتلاقيها
بس ساعتها هنتعزم على الفرح
وبلاش بخل مش معقول هيبقى سندوتش بسطرمه وحتتين جاتوه :S
ya saffa7en el'3aram
eh kol da
begad yaba5taha ya 3am
da ana lw 7atta ana elle ba7lam makontesh 2omt mn elnom bs ana '3aleban el2eryal wa2e3 mn 3ande f mabal2otsh 7aga fel2a7lam de '3er kanat elkarton
3moman ana bassalak f el7elm el7a2e2e da bs ba2a
حلم .. ممكن
بس شكلها واقع و انت اللى خليتها حلم
اى حلم ممكن توصل له
حاول توصل
مفيش حلم مش ممكن يتحقق
دى حياتك و دى احلامك انت
حاول تخليها زى ما انت عاوز
و انا واثقه فى ان مشمش
هيقدر يوصل للى هو عاوزه
قول يارب بس
ربنا يكرمك و تقدر تحقق الحلم
ياااااااااااارب ..:):)
في نظرية في الباراسيكولوجي بتقول
انك لما فجأة تلاقي نفسك بتفكر في شخص
هتلاقي الشخص ده بردو بيفكر فيك في نفس اللحظة
يارب تكون كده تكون حققت اول خطوة من الحلم :)
تحياتي يا سفاح
فوق من الحلم بسرعة
صاصا:
هات ربع جنيه والا همسحلك ردك...ههههههه
مش فاهمك ياض
-----------------
سمراء النيل:
معلش بقى يا سموورة...مش عارف اقنع نفسى انك خلاص اتخطبتى وطرتى من بين ايدى..
اهىء اهىء...اعااااااااااا
ههههههههههههههههههههههههههههههههه
طب الحمد الله ان حلمك من ماركة التحقيق...
انا حلمى معصلج حبتين تلاته
مستكة:
هى حلم ...ونص حقيقة...
بس هتفضل حلم لانها ماينفعش تتحول لواقع
منورة...
-----------------
بيوتى:
ههههههههههههههههههههه
وهفضل سفاح..
سفاح ابو قلب طيب
مبروووووووووووووووك عالبلووج
كده سبونسر:
هههههههههههههههههههههههههههههه
منا بحلم بيها قبل ما اقتلها
اصلك مش عارف
-----------------
لوزة:
يااااااااااااارب
اسكتى وقفت نص ساعه فى محل عشان سندوتش بسطرمة
متقلقيش نصيبك محفووظ
Post a Comment