بقيت بائس اكتر من الاول .. برضى باى حاجه واى حد .. مش لاقى اللى يفهم دماغى زى زمان .. بقارن بين كل الناس وده فى حد ذاته ظلم لأى حد 

مبحبش حد ياخدنى على قد عفلى .. مبحبش حد يعند معايا .. مبحبش حد  يحطنى قدام الامر الواقع .. ساعتها بتحول لأسوأ شخصية ممكن تشوفها فى حياتك كلها وممكن نسخة سيئة اكتر بكتير مما كنت تتخيل !!

الموضوع صعب ومش بستسلم بسهولة بس لما اقرب الناس ليك يشوف انت اللى بتعمله مش كافى يبقى احا عليك وعلى تعبك وملوش لازمة تفرهد فى ميتين ا هلك كل يوم عشان مش هيعجب فى الاخر 

فاكس كلام اصلا 

انا حياتى وقفت من سنة 2012 اصلا من الواضح .. وباين انى مبقاش ينفع احب حد ولا اخلى حد يحبنى تانى 

end of life !

كل سنة وانتم طيبين 

وبخير 

وايامكم حلوة 

ان شاء الله هرجع اكتب هنا تانى

لو حد فاكرنى اصلا 

:D

تنهيدة طويلة اوى مصحوبة بوجع وقرف وحزن وعتاب ولوم 

نفسى اقابل حد غريب ننزل نحكى وبس انا احكى هى ولا هوا يحكى نسلم على بعض ونمشى 

محدش هيحكم عليك وقتها ولا يومك انك سبت فلان ولا رجعت لعلان ولا اي هرى من اللى الاصحاب والاحباب بيعملوه 

يوميا الناس بتقطع فيك اكتر من الاول تحت شعار بنحبك وخايفين عليك

انا بقيت لوحدى فعلا من فترة طويلة .. حاجه اكسرت فيا وعمرها من هترجع تانى زى الاول 

:(

من وانا صغير بحلم بالعلاقة المثالية 

الافلام اللى كنت بشوفها تقريبا اثرت عليا اوى وبتخيل نفسى فى علاقة زى كده والدنيا تمشى حلو 

ويوم لما العلاقة كانت مثالية الدنيا ضحكتلى اه فى الاخر بس بطريقة تانية 

مفيش حاجه مثالية اوى 

حياتنا كلها اختيارات

اختيار تكون فرحان حزين لوحدك مع حد بتحبه بتكرهه 

كل حاجه اختيار 

اه ربنا كاتبلنا حياتنا عاملة ازاى 

بس فى الاخر فى النص بنختار بردوا حاجات كتيرة 

ولو اخترت انا دلوقتى عشان اكون مبسوط 

هختار اطلع امشى عالصحراوى لحد اسكندرية فى عربية مكشوفة ومشغل اغانى لأم كلثوم وجنبى سكارليت جوهانسون بعد ما اقنعها انها تعيش فى مصر 

:D

Erasing you from my past forever !!

Cuz i got sick from your Continuous excuses !!

End of the Road !

اول بوست ليا فى البلوج هنا كان فى 30 يونيو 2006 

واخر بوست ان شاء الله هيكون النهاردة 14 اغسطس 2013 

شافت معايا حواديت كتير اوى 

حاجات حلوة وحاجات وحشة 

بس تقريبا الوحشة اكتر من الحلوة 

بغض النظر 

اللى عاوز يقرا اى بوست ولا حاجه فاته او يقلب اى حاجه بردوا براحته

على يوم الجمعة هتكون كل البوستات ممسوحة ان شاء الله 

وهيفضل البوست ده قاعد لوحده كده 

------------------

اخر كام حاجه قبل ما امشى 

ربنا مبيسبش حق يضيع 

اكيد كل اللى بيحصلى ده حق ناس قديمة 

ممكن الله اعلم 

محدش عارف الخير فين

استودعكم الله 

الوردة

موجودة فى كل الجناين بمختلف اشكالها وأنواعها ، بس فيه ورد تقرب منه متلاقيش ليه رائحة ..وساعات شكله بيكون عادى مش مميز يعنى يخطف بصرك 

بس فيه ورد بيخطف نظرك من على ابعد مسافة ، ورائحته مميزة 

عندى فى الشغل ورد فى الجنينة 

معرفش نوعه ايه ..بس بحب ريحته 

ولما بقعد وقت الراحة ببصله معرفش بفتكرك ليه 

مرة فكرت اقطف واحدة اشيلها عندى جوا فى المكتب 

بس تراجعت فى اخر لحظة ..قلت لاء هأذيها كده

وبعدين الورد اللى حواليها اكيد هيزعلوا من اللى انا عملته

وتنزل عليا لعنة الورد الكبرى

لاء

هى حلوة كده ..على الأقل هاجى كل يوم ابص عليها

اقعد قدامها واسألها عملت ايه من غيرى ..يومها كان عامل ازاى 

هى اكتر من وردة

:)

-----------------------------
دائما لما تخاف من فقدانك لأى شىء ..للاسف بتفقده
لأنك بتكون حريص انك متغلطش ..وقتها هتغلط بغباء 
وبعدها هتفقده للأبد
الحل انك متخافش
وقتها عقلك هيبقى مركز اكتر مع كل حاجه حواليك 
وهتحافظ اكتر على اللى معاك 

----------------------------------

....

Seven Years !

لما تقرر انك تكتب بوست عن حد تعرفه من زمان اوى الموضوع بيكون صعب

صعب عشان بتفكر هتقول ايه وكل كلمة هتتحسب ازاى وهتتفهم بانهى شكل 

بس المشكلة هنا انى مش عارف هقول ايه ولا ايه

هقول شكرا لأنك على طول موجودة فى حياتى

مريت معايا بكل حاجه حلوة او وحشة

فضلتى موجودة فى وقت ناس كتير قرروا يشيلوا ايدهم ويبعدوا 

ضحيتى بحاجات كتير على ما اتذكر 

فـ شكراً على 

انك دخلتى حياتى من سبع سنين 

مش عارف اقول ايه بجد :D

بس نعتبر البوست ده مجرد تسخين للى هقوله قدام ان شاء الله 

:)

500 Days of ....

دائما التوقعات "بتفشخنا" فى افكارنا 

بنتوقع انها هتحبنا بعدين

انها هتكون مبسوطة معاك

هتعيش معاك الحياة زى ما انت عاوز 

هتقولك كل حاجه بتخاف منها وتجرى تستخبى وراك

مش هتسيبك لوحدك

مش هتسيبك تسأل نفسك 100 سؤال 

هتجاوبك على طول 

على أهم سؤال 

ليه 

!! 

بس للأسف الواقع غير كده 

مش هتحبك قد ما انت بتحبها 

مش هتكون مبسوطة بالقدر اللى انت متخيله 

هتكون عاوزه تعيش بمزاجها مش بمزاجك انت 

مش هتحكيلك على كل حاجه

هتحكيلك بس اللى هى عاوزاك تعرفه

باقى التفاصيل مش مهمة 

بالنسبالك مش بالنسبالها 

واهم حاجه

مش هتجاوبك على سؤالك 

ليه

!!

متتوقعش اى حاجه

متتوقعش هى هتحيك قد ايه

هتقولهالك امتى

هتكون احسن صديقة وحبيبة وممكن زوجة ولا لاء 

هتمشى معاك على نفس الرتم ولا لاء

هتكونوا شبه بعض فى كل حاجه ولا مختلفين

متتوقعش اى شىء اطلاقاً 

سيبها تمشى زى ما مكتوبلها تمشى 

صدقنى هترتاح اكتر

على الأقل مش هتيجى بعد 500 يوم تسأل 

ليه

!!

انا بقالى كتير مبجيش هنا 

زهقت من الكلام عامة 

ومبقتش الاقى وقت كمان بعد الشغل لحاجه

ويمكن زهق 

مش عارف 

عامة انا الفترة الأخيرة زقيت ناس كتير اوى برا حياتى..يمكن محتاجلهم

بس لو فضلوا موجودين هيتعلقوا بوجودى اكتر وانا خلاص بقوا اللى معايا لو مجرحتهمش دلوقتى بجرحهم قدام

وعلى ايه ..خليهم بعيد ..انا كده مرتاح

اينعم بقيت لوحدى

بس مرتاح

هى خطوة اتأخرت كتير انى اكون لوحدى

عشان اعرف اظبط الدنيا شوية

الحمد الله على كل شىء 

=======

هى اختارت الأخرة وانا مازلت انظر الى الدنيا 

أى !!

كان فين ...

كان فين الحلم وقت ما ابتديت تطلع السلم ؟؟

كان فين الضحكة وقت ما بدلتها بحزن موجود 

******

"اشتاااق عمرى ما هفكر ارجع ليك انا عامل حسابى ...انى ابقى ناسيك "

الأغنية دى بتلخص حاجات كتيرة اوى

عملتها او اتعملت فيا 

******

انا بطلت اكتب هنا من فترة طويلة جدا ..ممكن عشان لقيت مكان تانى انفس فيه عن اللى جوايا من غير ما حد يهتم او ياخد باله انى موجود

مع ان ساعات بتمنى ان الناس دى تاخد بالها وتسأل حتى سؤال عابر 

بس فى الغالب كنت ولازلت مرتاح 

:)

************

المدونة دى من 2006 والسنة دى 2013 

شهدت معايا ذكريات كتيرة حلوة ووحشة ..بس الأهم انهم كانوا أحلى سنين فى حياتى الحمد الله 

ومش ندمان على اللى عملته فى يوم او جربته 

لأن ببساطة كل حاجه حصلت فى حياتى سابت ذكرى او علمت جوايا علامة مش هنساها واستفدت منها 

كل حد كان بيقرا ومازال بيقرا هنا 

بيتابع فى صمت زى ما انا بعمل برضوا

بحبكم كلكم 

:)

Happy 26' to Meeeeeeeeeeeeeeeee

النهاردة يوم عيد ميلادى وكملت 26 سنة 

يمكن النهاردة يوم مميز عشان اول سنة منذ ذربيح من الزمان ميكونش عندى امتحانات او عيد ميلادى ميكونش جى فى وسط ايام رخمة 

النهاردة مريت بكل الأجواء 

فرح

حزن

شغل

كئابة 

مفاجأة

ابتسامة كبيرة من الودن للودن

هدايا غير متوقعة 

بالرغم من كده انا شايف انه يوم مميز جداا 

مش معنى انى محتفلتش اوى انه مش حلو 

لاء

كفاية ان حواليا الناس اللى بيحبونى وبحبهم

مش عاوز حاجه اكتر من كده فى الدنيا 

كل سنة وانا كويس

وبخير

ومبسوط

وان شاء الله فعلا السنة دى هتكون احسن من اللى قبلها 

=)

سالخيير

ازيكم عاملين ايه 

=)

انا قررت استسلم 

الخميس السرى 68

عودة بعد غياب طويل 

لو عندك سر شايله ومحدش يعرفه

عاوز تطلعه لحد غريب

عاوز تفضفض وتتكلم مع ناس متعرفهاش

هنا المكان بتاعك

اكتب السر او الفضفضه 

باسمك او تحب تكون مش معروف 

كل سنة وانتم طيبين :)

هقدر..ايوة هقدر

نادر تلاقى حد زى بس بس فيه زيك كتير 

انا عشت معاك بقلبى اللى كان دايما مضحى كل حاجه وانت بتكافئه بجراح 

العيد فى مصر

مش عارف لو مكنتش فى مصر بتعيد ازاى بس ؟؟

يعنى عندكم بردوا عجل راسه مقطوعة وقايم بيجرى ورا الناس ، او مثلا الناس متجمعه تتفرج عالعجل وهوا رايح يدبح ولما يجرى من الجزار تفتكر على طول اسبانيا ومنافسات لعبة مصارعة الثيران لما يجروا فى الشوارع ورا الناس..بس الفرق ان ده فى مصر وعجل اللى بيجرى :D 

او مثلا خروف ينط من على السطوح يقع على عربيتك اللى راكنة تحت البيت ...حد من الناس اللى فى الدول التانية عندهم الروح دى ؟؟

وانت ماشى فى كل مكان يوم الوقفة الناس بتضحكلك وتضحكهم وتقولوا لبعض كل سنة وانتوا طيبين عيد سعيد :) 

اكيد العيد عندنا مختلف بصوانى الفتة واللحمة والكوارع وفطار الكبدة والحلويات ..والغدا اللحمة المشوية مع قرايبك واصحابك واحلى لمة بالليل على القهوة تشرب شاى بالنعناع او فى البلكونة حتى 

اكيد العيد عندنا مختلف 

كل سنة وانتم طيبين 

:) 

No regrets

Painful lesson actually ... !

From now on

Users with Google account who will be able to post comments here & i canceled the "word verification" thingy  

& about The German Mother fucker who insist to spam my post ... FUCK YOU 

!!