كان فين الحلم وقت ما ابتديت تطلع السلم ؟؟
كان فين الضحكة وقت ما بدلتها بحزن موجود
******
"اشتاااق عمرى ما هفكر ارجع ليك انا عامل حسابى ...انى ابقى ناسيك "
الأغنية دى بتلخص حاجات كتيرة اوى
عملتها او اتعملت فيا
******
انا بطلت اكتب هنا من فترة طويلة جدا ..ممكن عشان لقيت مكان تانى انفس فيه عن اللى جوايا من غير ما حد يهتم او ياخد باله انى موجود
مع ان ساعات بتمنى ان الناس دى تاخد بالها وتسأل حتى سؤال عابر
بس فى الغالب كنت ولازلت مرتاح
:)
************
المدونة دى من 2006 والسنة دى 2013
شهدت معايا ذكريات كتيرة حلوة ووحشة ..بس الأهم انهم كانوا أحلى سنين فى حياتى الحمد الله
ومش ندمان على اللى عملته فى يوم او جربته
لأن ببساطة كل حاجه حصلت فى حياتى سابت ذكرى او علمت جوايا علامة مش هنساها واستفدت منها
كل حد كان بيقرا ومازال بيقرا هنا
بيتابع فى صمت زى ما انا بعمل برضوا
بحبكم كلكم
:)
5 comments:
لازم حترجع تكتب
الكتابة نهر جوانا مهما حبسناه حيتسرسب و يحفر طريقه
اوروفوار
الكتابه حاجه بتخليك تعبر
عن كل اللى جواك وغالبا
بعد مبتكتب مهما كنت مخنوق بعدها
بترتاح وتحس انك أحسن
المهم يعنى اننا لسه عايشين وبنعرف
نكتب ونحس
Rosittanita
:) كلنا هذا الرجل بدأنا في وقت واحد وكنا فرحانيين قوي وبنكتب بحب وبنسأل عن بعض وكونا مجتمع وصداقات وفجأة كله زهد وبعد وسكت وبطل يطلع الي جواه
عودا حميدا
واااو علي فكره انا كمان مدونتي من 2006 وقفلتها....اظن اني اعرف مدونه حضرتك من ايام ما كنت بدخل في حكاوي الزعفرانه
يااااااااااااااااه فعلا كانت ايام حلوه
ملحوظه انا كمان بقيت بتابع بصمت ... سبحان من له الدوام
يالا بقي كلنا لازم نخرج من حالة الاحباط الي دخلنا فيها دي ونرجع نخرج الي جوانا
Post a Comment