Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Saturday, November 12, 2011

سحقا للانترنت



التكنولوجيا رغم فوايدها الكتيرة ومنقدرش ننكرها 

بس هى بوظت حياتنا الاجتماعية 

 زمان قبل الفيس كان اخرنا الاى سى كيو وكانت اللى بتعبرنى وقتها ليندا ودى اشهر سبام ليه وقتها 

بعدين الياهو والالعاب بتاعته

بس كنت ااقابل اصحابى وننزل ونروح ونيجى 

الفيس انا دخلته فى 2008 

كل مدى الحياة بتتقلص وتنحصر عليه

يعنى لو مستنى حد تحت بيته اسهل حاجه تبعتله على الوول ...ولو مش قاعد البلاك بيرى هيدى رنة معينة تقوله حد كتب حاجه عنده 

عيد الميلاد عليه ...الوفاة حتى الناس بتعزى اونلاين بدل ما تتصل او تروح 

تحجز المطاعم السينما وكمان الجيم تجدد اشتراكك من عليه

وتلعب وتجرى وتنطط زى ما بيقولوا 

وفيه ناس بتتجوز من مسافات بعيدة بسببه !!


حتى بقينا بنكسل نكمل الحروف 

Okay =ok=k 

Happy birthday = HBD 

be right back = brb

take your time = tyt 

والى اخره 

مش عارف ايه الحل ...بس عامة دى ضريبة التقدم التكنولوجى

لان زى ما ليه مميزات عيوبه موجودة

بس المهم نعرف نستغل المميزات صح ازاى

فى حاجه تفيدنا مش تضرنا 

:)

9 comments:

Unknown said...

بوست رائع جدا وفعلا عندك حق وزى ما بيقولو العالم اصبح قرية صغيره بس حتى القريه دى لو مبقناش منظمين فيها هنتخنق حاجه بردو بتختقنى جدا ف التكنولوجيا المشاعر بقت هى كمان بتترجم للاموشنز التكنولوجيا لغت حتى الاحساس

nona elsha3nona said...

انا لو حكمونى على التكنولوجيا
متخافوش هحبها برده هههههههههه
لا بجد خلص عليها خالص يمكن نرجع للجو الدافى بتاع زمان

rona ali said...

دة غير الناس اللي مش بتحترم خصوصيتك

والناس اللي بتدخل علشان تعاكس

زمنا بقي ايقاعه سريعه

وادواته بتخلي يفقد شكله وطعمه

Unknown said...

هههههههههه..عندك حق ..اكل كل حاجه عندنا

Ramy said...

عزيزى صديقى المخنوق (:

شوف بقى انا عندى اكونت على الفيس لكن زى اللى مش عندى يعنى بأدخل كده أشقر على الناس و أطلع تانى

يمكن النت عندى فى الشغل اهم لكن فى البيت انا بعيش حياتى الطبيعية

المدونات هى أكثر الأشياء تشويقاً على النت بالنسبة ليا

((:

علشان كده انا مش فارق معايا

Bent Men ElZman Da !! said...

معاك حق بجد فى كل حاجه بتقولها
كلنا بقينا نعرف اخبار بعض السريه وغير السريه من الفيس بوك
وبنعيد على بعض فى الفيس
وممكن نتصالح ونتخانق عن طريق الفيس
حياتنا بقت مختصره فيه اوى
ويوم عن يوم الواحد علاقته بتتقطع بالناس وبتفضل بس على الفيس

نيللي علي said...

حتى التعبير عن المشاعر بتختصر فى كلمة لايك ..حتى المشاعر تقلصت وقربت تختفى ..كل حاجة حلوة حجمها بيصغر المشاعر ..التعبير..الفرحة..واللى بيكبر العصبية ..الزعيق..الشتيمة..السلبية

بوست رائع تحياتى

Radwa Ashraf said...

صح جدا !!
الفيس بوك مثلا معرفتوش غير فى الجامعة
فبستغرب من الاطفال فى أولى ابتدائى اللى عندهم اكونت عليه
و أعتقد ان دى من سيئاته

بس طبعا النت زى كل حاجة ليه مميزات و سيئات :)
عجبنى الموضوع جدا !

safa7_karmooz said...

:)

انا بس نفسى الناس ترجع تسأل فى الشارع ولا الموبايل حتى من تانى ..:(