النهاردة فى البتاع ده اللى كنت بحضر فيه
فالدكتورة بتقول على كذا مشكلة عموما يعنى
خلتنى افكر فينا وموقفنا بعد الثورة ما ابتدت
المشكلة ايه ..اننا افتكرنا اننا ثورنا على النظام الظالم وبس...ورجعنا نسينا اننا كنا السبب ان النظام ده ركبنا ودلدل رجله سورى عالتشبيه
بس لما كان كل واحد بيشوف حاجه غلط ويسكتن وميتكلمش ويقولك وانا مالى ...مش بعيد عنى
الناس بتوع المصانع والحاجات دى اللى مش بيدفعوا تأمينات على عمالهم
بيفتكروا انهم بيوفروا
لكن كده بيضروا الدولة اول حد والعمال تانى حاجه ...ويجى يقولك ليه البطالة مرتفعة ونسبة الجريمة
ماهو اللى سرق ده سرق ليه واللى بيقتلوا بعض عشان 10 جنيه عشان يشترى ولا ياكل ولا يحشش ! صباح الهبل
المهم يعنى
احنا وصلنا لقمة الانانية وبنعيب عالناس التانية انها بتهتم بشئونها الخاصة وبنرفض اى تدخل لتصحيح الامور
خلاصة الكلام
بسقوط مبارك او غيره مش هيحل المشكلة
المشكلة فينا احنا كأفراد لازم نتغير من جوانا عشان المجتمع يرجع سليم تانى
الطريق المستقيم هوا الاساس والنصب والسرقة يكون الشىء الشاذ مش العكس ابدا !!
=)
6 comments:
هو للاسف عندك حق
ماهو لو احنا مش بدانا بنفسنا وغيرناها صح واتعلمنا نغير كل الغلط اللي حصل مننا طول فتره النظام الظالم يبقي قول علي الدوله السلام
بس للاسف تانى برضوا ناس كتير مش مؤمنه بالتغير او فاكرة اننا خلعنا الريس وخلاص كدة ومن ضمنهم شباب كتير كدة
انا واجهت مشاكل كتير في الكليه بسبب كدة عقول غريبه بجد
ماهي فعلا مشكلتنا مشكله شعب
مش مشكله نظام
وادي اللي بيحصل من بعد الثوره
ولاكأنها غيرت حاجه فينا
والمشكله ان كل واحد بيدور علي نفسه بس
وكل شويه مطالب فئويه محدش بيفكرفي مصلحه البلد فين
احنا اللي مش قادرين نفهم ثقافه التغيير منين نبدأها
معاك حق
احنا مشكلتنا في أنفسنا صحيح بس في حاجة مهمة احنا برده مش عايزين نقول إن الشعب مش عايز يتغير لأن التغيير لو حصل من فوق الي تحت هتغيثر ( لو كان رب البيت بالدف ضارب ) حاجة واحدة لازم نغيرها في أنفسنا ، نبطل نصنع من القادة آلهة ونفهم إن الفراعنة أنتهوا من زمان ونحاسب القائد بجد علشان لما يتصلح حاله حال الشعب كله هيتغير
تحياتي لهذه المدونة الجميلة
حكاية
بس يا باشا
محتاجين وقت رهيب علشان نتصلح من جوه
علشان كده لازم يبقى فيه قوانين حازمة رادعة
علشان الأجيال اللى جايه تتربى صح و الأجيال الحاليه تبقى كويسة غصبن عنها
أنت مُعتقد الأجانب أفاضل مثلاً ممكن هما بقى كدة تعود
لأن فيه قوانين حقيقة بتحكمهم
القانون يا سيدى
القانون
..............
متعتذرش تانى انما عارف ان انت دايماً موجود و بتشوف التدوينات
مش قلبى دليلى و لا حاجة (:
لا الأحصائيات (:
(:
و حتى لو مبتجيش لى سبب أو منغير سبب
عييييب
خلاص
(:
مشكلتنا ايه ؟!
ببساطة
ان لسه فى مليون مبارك جوانا
واحنا عملنا أسهل حاجة اننا اتخلصنا من واحد بس
!
الطريق لسه طويل ... أوى
المشكله لفيينا ولا في مبارك المشكلةفى قوالب الثلج الى حطين نفسنا فيها وكل لما حد يقول يالا نعمل حاجة الشخص الى جنبه فى
القالب الى جنبه يقول اوعى تقوم لتسيح وتسيحنا معاك احنا خلاص عملنا الى علينا وعملنا الثورة ولسة بنعتصم فيه ايه بقى لا للتحرر مش كدة
Post a Comment