مقتل واصابة مش عارف كاماب يقتل زوجته ويحرق اولاده
ابن العم يطعن ابن اخوووه 50 طعنة ويخنق اخته الصغيرة
زوج يقتل زوجته ويفصل رأسها عن جسدها ويلقى بباقى الجثة فى القمامة
ايه يا جدعان
البلد مالهاد بجد
غلبتونى والله
يوم لما اطلع ااقتل ولا اديح مش بعمل كده
كل يوم تلاقى حد قاتل حد تانى
تفتكروا ليه
غياب الوازع الدينى
العقوبة ...طب ما العقوبة غليظة جدا
الرادع؟؟؟؟؟؟
مافيش تقريبا
اسهل حاجه دلوقتى القتل
يعنى لو الدكتور منجحنيش فى ام الامتحان
اشد سكينة ولا اشترى الى اروح اجيب اجله اسهل واوفر
تفتكروا بجد
ايه اللى حصل فى مصر وشعبها
سيبكم من الجوع والحكومة لان فيه ناس بتقتل بعض وهما اغنى من بيل جيتس ذات نفسه
ده فى المنطقة الاسبوع اللى فات اتنين دبحوا بعض عشان جنيه واحد
اه والله العظيم جنيه اتنين ضربوا بعض عشانه والمسألة اتفه ما يكون
اخ قتل الخوه عشان مقلبش عالمسلسل
فكروا كده معايا
ليه البلد بقت سفاحييييييييييييييييييييييييييييييييييييييييين
تحدييييييييييييييييييييييث
طيب من كلام اغلب الكومنتات
ان الاسباب كانت غياب الوازع الدينى ...واختلاف الشخصية المصرية
لو حد لسه بيقرا جرايد خصوصا الاهرام هيلاقى انهم فعلا اتكلموا على مدار اسبوع تقريبا عن الموضوع ده وان شخصية المواطن فعلا اختلفت عن زمان بكتير ودلوقتى كله بيقول يلا نفسى وعلى اسباب تافهة زى اول امبارح حد قتل شخص تانى بسبب اتنين جنيه
بس فى احوال تانية الاتنين جنيه اللى بالنسبالى تافهيين ...بالنسبة لناس مش لاقياهم مهمة جدااا
ربنا يعافينا عامة
14 comments:
اه يبنى بقت حاجة صعبة
اكيد الجنيه كان فضة ومعرفش يحمل سرة الدناينر بقى وخاف يقع منه وكان عاوز الجنيه الورق
والمسلسل كان رخم برضه او اوفر يعنى يا سفاح قدر يبنى
انا فى رايى بقى ان بجد فى حاجة غلط وهو ان الدم بقى عادى وكل حاجة بقت عادى عندنا ومبقاش فى ضمير ولا اى خلق وقيم زى الاول
عشان في اى حاجة تحصل تقولك حرية شخصية
ربنا معانا بجد
قال صلى الله عليه وسلم: "والذي نفسي بيده ليأتين على الناس زمان لا يدري القاتل فيما قَتَلَ ولا المقتول فيما قُتِلْ" (رواه مسلم).
وعلى ما اظن انها من علانات الساعه الصغرى
ربنا يرحمنا
ومين سمعك
سؤال وراء كل باب
طب اعملكم ايه بس؟؟؟
يعنى انا اهرب من التلافزيون علشان البرامج اللى ماما عمالة تتفرج عليها وتقعد تنوح.. الاقى المدونين عمالين يقولوا فى حاجات تقطع القلب
عااااااااااااااااا
اهرب على فين بس؟؟
بس على فكرة ياما البيوت فيها العن من كدة.. ودايما بقول اللى بيظهر على السطح جزء بسيييييييييييييييط جدا من الواقع
وموضوع ليه بقى.. فبيتهيئلي علشان محدش طايق نفسه ولا حد طايق حد.. احنا نولع فى نفسنا ونخلص.. وللا ليه.. مهو ربنا اهو بيطلعة علينا من أعمالنا
ربنا يهدينا جميعا
راحت عليك خلاص يا سفاح (:
بس أصل كله الا المسلسل الموضوع مش هزار يعنى خصوصا لو كان مسلسل تركى تبع الهوجه بتاعه اليومين دول
نسيت أقولك
خد بالك من نفسك بأه (:
والله البلد بقت كدا عشان بعدنا عن ربنا
وكل ما هنبعد اكتر كل ما المصايب هتكتر .ربنا يحفظنا جميعا
تحياتى
هو غياب الوازع الديني وبعدنا عن ربنا هو السبب في كل حاجه بتحصلنا
اول زيارة ومش الاخيرة باذن الله
دمت كما تحب
تحيتي..
ماحدش بقى يخاف من ربنا
ماحدش بقى يخاف ع حد
ولا يتقي ربنا ف التاني
الجنيه الي انت مستهونه ده عند ناس تاني حجات كتير اوي
لو احنا بنطبق حدود ربنا عمر ماده يحصل
بس ظهر الفساد في البر والبحر بما كسبت ايدي الناس
ربنا يستر ع بلدنا
اللى حصل كل اللى قلت عليه
مافيش وازع دينى ولا ايمان يصبر الناس على العيشة الصعبة ولا يبارك لهم فى حياتهم
مافيش فلوس ومافيش اكل فكده الواحد لازم ياكل اللى قدامه
مافيش ضمير يقول للفساد والظلم لا وربنا ما بيحبش الظلم والساكت عن الحق شيطان اخرس ...يبقى هينصر المظلوم ازاى ؟
كتر الافلام العنيفة وادش اللى الناس قاعدة قدامه ليل نهار يحشى دماغهم بافكار مسمومة وما وراهمش لا شغلة ولا مشغلة يولد طاقة عنف شديدة جواهم تنفجر فى اول واحد
بيتهيقلى كده كفاية
العنف يا بنى
البلد بقى فيها كميه عنف
مش ممكن
وعلى فكرة كل ده من الاعلام
الشعب ان مقتلش او اتخانق او حتى اتفرج على خناقة يمشي يكلم نفسه ويزعج لولو وتوتو الي بيلعبوا في شعر راسه
لازم الشعب يرتوووووووووووي
:D
مش عارفة والله اصلي تعبت فعلا من كتر ما قريت عن الحوادث والجرايم فررت انفض الجي خالص ...:(
يلا ربنا يهدي سر الشعب ويرتقي
الناس جايبه اخرها ف كل حاجه
البلد فعلا بقت زباله اوى
الناس شالت كتير
وصلوا لدرجه ان بقى جواهم غل حتى على اقرب الناس ليهم
شايفين الطريق مسدود لدرجه انهم شايفين ان حياتهم مبقلهاش قيمه .. ولا حياه غيرهم..
فعلا زي مانت قلت
كلنا اتغيرنا بسبب حاجات كتير
واكيد بسبب البلد الجميله دي !
وغياب الوازع الديني طبعا
كتير بتكون اسباب تافهه في عيوننا
بس كبيره اوي في عيون غيرنا
زي موقف الاتنين جنيه :(
في الحاله دي مفيش قدامنا غير اننا نقول الحمد لله..
عجبني اوي رد روز:
الناس شالت كتير
وصلوا لدرجه ان بقى جواهم غل حتى على اقرب الناس ليهم
شايفين الطريق مسدود لدرجه انهم شايفين ان حياتهم مبقلهاش قيمه .. ولا حياه غيرهم
Post a Comment