Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Monday, December 22, 2008

حدوتة...مش زى اى حدوتة

ساعات كتير بفكر فى اى قصة ...اى قصة دايما لازم تبدأ ببطلها وهو الخير طبعا...كان نقى ...لسه مافيش اى حاجه سودا لوثته زى الطفل لما بينزل من بطن امه ...بيبقى لسه برىء ...لسه متعلمش يكدب او حتى يخادع او حتى يحور على اللى حواليه

لكن مع مرور الايام بيبتدى يحتك باللى حواليه ....وعشان يعرف يتأقلم قدامه حلين ....يفضل زى ماهو ....وهيداس وهيتاكل حقه ...او يتحول ...بس لو اتحول ممكن يكمل فى الطريق ويتغير فعلا ....ومقدرش يرجع زى زمان او يبقى معاه القدرة انه يرجع زى الاول تانى وقت ما يحب ...وكان فاكر انه عنده القدرة دى

لكن للاسف غباؤه وقلة خبرته فى العالم خلاه يتصور انه يقدر يرجع لورا فى اى وقت ...خلاص جاب حقه ...ولقى ان احواله كده بقت كويسة...وعاوز يرجع تانى...لكن بعد ايه ....بعد ما القلب الابيض النقى اتلوث وبقى خلاص رمادى ومليان بأنواع كتير من الشر

فى اغلب القصص بيطلعلنا فى الاخر الساحره الطيبة تمحى الشر او الشر يختفى بعد ما تطلع اشعة الشمس وتحرق السواد اللى جواه وتنقيه ...لكن فى الحقيقة صعب انه يتمسح ....وحتى لو اتمسح بيفضل حبه منه زى الاثار القديمة ...صعب تمحيها...ومع مرور الوقت بتبقى ذكرى ....مجرد ذكرى بتيجى على باله مع اى موقف ...اى موقف بيفكر بالناحية البيضا وبالناحية اللى اتفضل منها حبة سواد

القصة دى موجودة فى كل مكان وفى كل زمان ...الخير ينتصر بس اللى نسيوا يذكروه ان الشر بيفضل برضه ...بس بنسبة ااقل وساعات بيصحى تانى عند اول ظلم بيقع عليه ...وساعات الخير بيبقى اقوى ومش بيرضى ان الشر بيطلع ...

ياريت حياتنا زى القصص اللى بنقراها دايما ..واهو كمان شوفوا البطل اتجوز البطلة وخلفوا كمان اطفال حلوين وحياتهم بقت سعيدة بعد ما قضوا على الشر

لكن فى ارض الواقع ...البطل لسه على قيد الحياة بس بنص حياة...والبطلة ممكن تكون انتحرت من على الكورنيش....وممكن يكون حد لحقها وممكن لاء...والاطفال بقوا مشردين فى كل مكان

والراوى قاعد على القهوة بيشرب حجرين معسل تفاح والشاى الليبتون قدامه وبيقرا اخبار النهاردة اللى فيها "القبض على اكبر المهربين فى البلد"

وتوتة توتة ...فرغت الحدوتة


12 comments:

koukawy said...

اهو عشان كده انا بحب فيلم بدايه و نهايه لأنه واقعي جدا

Semsema28 said...

اهو عشان كده انا لازمن اضحك ههههههههههههههههههههههه

ريهام العربي said...

3 كومنت ده انا هعمل حفله

بس المشكله اني مش عارفه اقول ايه

امممم هو كلامك معقول وعشان كده انا مبحبش افلام الابيض واسود الدراما
بذاااااااااااات الاجنبيه بحس نفسي هتنقط والفيلم كلو غنا ورقص وتمثيل ؤفر


ما علينا المهم انك لسه بالصحه والسللامه مع كل الاسود والابيض ده


تحياتي

Unknown said...

في الحواديت البطل لازم يرجع للبطله ويعيشوا سوا في سعاده للأبد

الحب والخير لازم ينتصروا سوا في الاخر

مش عارفه بقي ده بجد ولا عند ناس وناس

Selfmeaning said...

مينفعش الخيال يبقى حقيقة
بس انت ليه اخترت البطلة تكون بتنتحر
و من على الكورنيش؟؟؟؟

انا حره said...

كلام حواديت يامشمش

الحقيقه بقى كباريييييييه

هيييييييصه

ميرا ( وومن ) said...

امممممممممممممممم

حلو قوي الشر بتاع الحواديت ممكن نقضي عليه

بس الواقع المهبب اللي احنا فيه هانتعامل معاه ازاي

**sad smile** said...

السلام عليكم

أول زيارة ومش الأخيرة أن شاء الله

بجد مدونة جميلة جدا

والأستايل بتعها رائع

بحييك على أدائك الرائع

أما البووست فهو بصراحة رائع

ياريت بجد تبقى حياتنا زي الحكايات
دي

يا ريت تتقبل مروري

شكلي رغاية وكترت عليك

كفاية كده

ههههههههه

دمت بخير وسعادة دائمة

Mona Shereif said...

من كام يوم الدنيا مطرت كتير اوى
وكان فيه حوار بينى وبين بابا
وقالى الدنيا اتغسلت على السنه الجديدة
قلت له اه الدنيا بس البشر ما اتغسلوش
قالى لو حد صنع آلة واتعرضت الآلة دى على صاحبها خمس مرات فى اليوم تفتكرى هتبوظ؟؟؟؟
تفتكر انت

safa7_karmooz said...

كوكو الكميل:

ياااااااااااااااااه

مفتقد اسمك بجد فى اى طرطشة بكتبها...

حمد الله بسا ^_^

نفس الشىء عندى برده...مبقتش احب الحواديت الخيالية

safa7_karmooz said...

سمسمه:

ههههههههههههههههههههههههههههههه

ليه huh

safa7_karmooz said...

ريهام العربى:

هههههههههههههههههههههههه

يعنى تغيبى تغيى وبتيجى متأخرة برضه ...ممم ماشى :p

هههههههههههههههه

قصدى مش وصلك على فكرة ...

ااقرى تانى ^_^