Copy Right


Copyright © Safa7_karmooz - 2012-2006 كافة المواد المنشورة في هذا الموقع محفوظة
ومحمية بموجب قوانين حقوق النشر والملكية الفكرية لا يجوز نسخ هذة المواد او اعاده
انتاجها او نشرها او تعديلها او اقتباسها لخلق عمل جديد او ارسالها او ترجمتها او اذاعتها
او اتاحتها للجمهور بأي شكل بدون الحصول علي اذن كتابي مسبق

Copyright !

MyFreeCopyright.com Registered & Protected

Tuesday, December 09, 2008

طرطشة هائمة

من كام يوم كده دخلت مدونة عاوز افتكرها مش عارف ...المهم كان مجموعه جامدة من اليوميات السيطة ...والكبيرة بالنسبة للكاتب...فيه كام بوست حسيتهم حبة ممكن اكون عشتهم فى يوم من الايام ولا حاجه او ممكن اكون بعيشهم دلوقتى ...مش عارف

البوست ده هيبقى ملخبط بغباااء...فمحدش يستغرب

فيه صديقه ليا قالتلى حكمه حلوة اوى...

هقتبس كلامها

ساعات لما بنحب ... بنسمع لنفسنا نفكر فى حاجات تافهه اوى فى النص .."مكلمتنيش ..مسالتش عليا النهارده .. ايه ده دخلت اونلاين و مش كلمتنى
بتبقى ساعات غصب عن الواحد .. بس بعدين بتبقى حاجات تافهه اوى ... مش لازم يكون حد بيحبك يظهر لك ده فى مكالمه منه سال عليك ولا اخد مشوار ساعتين عشان يشوفك ...

بس بعدين بنفهم انها كلها حاجات هبله اوى بتضيع الاساس ..متستناش مقابل من حد بتحبه ابدا لان ده بيتعب .. خليك انت دايما اللى ابتديت بالحاجه الكويسه ...









معلش الخط اتلغبط عشان ناقله من المسنجر
بس الكلام ده مش ااقصد بيه حاجه وحشة...بس لقيت ان فعلا ساعات الواحد بيعمل كده وبعدها لما بتخلص الكيكة اللى بين ايدنا بنزعل عالوقت اللى ضيعناه فى اننا نفكر هى ليه مش مربعه ولا هى ليه مش اتمضغت عالطول...الخ

فيه حاجات اهم...عشان كده يا حبيبتى ساعات كتير ببقى قصدى على كده...ومش ببقى قاصد انى اجرحك او اضايقك زى كل مرة بيحصل بينا الاختلاف الدائم اللى احنا فيه ده

من كام يوم اخر كلاش بينا جيت اكلمك بالليل اصالحك ...مش ردتيتى وقلت يبقى نمتى...بعدها بساعتين المسج بتاعتك عملت الواجب وزيادة...^_^

السمكة الصغيرة ماتت على فكرة...والعزا بتاعها مش عارف امتى..:(

انا عارف انك مش هتقرى الكلام ده ...او ممكن تقريه وتيجى كالعادة نتناقش نقاش حول اللى انا كاتبه...بس كان جوايا كلام ولازم يطلع مينفعش يقعد اكتر من كده ودى طبيعتى

من كام يوم قعدت عالنيل بتاع 6 ساعات او اكتر ...يا سلاااااااااااااااااااااام قعدة تحفة ...وناس زى العسل كلمونى يومها كنت مفتقدهم جدا...سبحان الله اللى بعيد عنك تلاقيهم بيتطمنوا اكتر من اصحابك القريبين...:)


فيه خبر عرفته من يومين وعملت عبيط وقلت اكيد مش بجد...التأكيد بتاعه جه النهاردة لسه مش مستوعب وبحاول اهزر ...سنة كاملة؟؟؟؟؟
طب ده يومين ولا تلاته غياب عملت بوست طويل...سنة هعمل فيها ايه....وحاجات كتير بحتاج مساعده فيها....ده انتى الحاجه اللى بتخلينى انا ونصنا التالت نكلم بعض اكتر...مش عارف بس لو خلاص مافيش مفر انا جى المطار ان شاء الله لا محالة ....هعمل اعتصام هناك

كل يوم بيزيد عندى الهاجس ان لازم يكون عندى عربية...اخر حالة وفاة ركبت تاكسى عشان الحق صلاة الجنازة ....السواق بااااااااااااارد ...ببقى عاوز اخد الغرزة مكانه...يلا ...قريب بتاع خماشر سنة واجيبها ان شاء الله

من كام يوم اكتشفت انى فعلا اسم على ماسمى...سفاح ...سفاح كرموز..

فيه انسان كنا زى الاخوات زمان لحد ما افترقنا على سبب تافه ...ابتدينا نرجع سوا تانى زى زمان بدأ يسأل عليا ...ويزورنى...وجابلى شغل كمان...هههههههههههههههه...الحمد الله باب بيتقفل من ناحية...الناحية تانية ربنا بيفتح باب تانى

فى الاخر برضه انا اللى بخنق على نفسى

دوشتكم

بس مش هتبقى طرطشة من غير دوشة

14 comments:

catroz said...

..:)

safa7_karmooz said...

O_o

Dr Gad said...

مش هقولك حاجة اكتر من اني بحب اقرا بوستات الفضفضه اللي زي دي

:)

MinGaH said...

ممممممممممممممممممم

انا حره said...

ادوشنا براحتك يامشمش دى احلى دوشه على فكره

المهم تخرج من المود دا

Selfmeaning said...

معلش اصل الكيكة اللى معاك

خلصت

يمكن مكنتش حاسس بطعمها اوى

او يمكن الكيكة فقدت مكونات كتير منها

و اكيد فى خلال السنة

هتفتقد طعمها

و هى اكيد هتفقدك

بس هى ديه الحياة

مش بنحس بشخص غير لما يختفى

عنا

Semsema28 said...

انا زعلت اوووى ع السمكة :((

هابقي اجى تانى اعلق ع باقي البوست

محمود محمد حسن said...

اتوبيس نمرة كام بيروح فين امتى ؟

حاسس بالبوست ده واللخبطة دي

اوي يعني

safa7_karmooz said...

Dr Dead:

ومش هقولك غير انى سعيد انك بتحب تقرا الفضفضة

تعال كل يوم بس وهعملك سيكشن خاص بالفضفضه

^_^

Mingah:

مممممممممممممممممم

موضوع خطير وصعب

safa7_karmooz said...

انا حرة :

براحتشىىىىىىىىىىىىىىىىىىىىىىىىىىى

بصى هى حبة حبة الواحد بيخرج

ادعى انتى بس

:)

safa7_karmooz said...

semsema:

السمكة التانية انتحرت ..:(

----------------

حسن:

نورت يابو على

safa7_karmooz said...

selfmeaning:

للاسف كلامك غلط...:)

والكيكة بتاعتى لسه فى الصينية زى ماهى

اكلت منها حاجات نونو

والحمد الله مش بنساها خالص ...

سواء مختفية او مش مختفية..:)

Selfmeaning said...

think about my words

and u will say yeah

ميرا ( وومن ) said...

سفاح كل سنه وانت طيب

انا زعلت قوي علي السمكة

وادوش براحتك يعني لو مكنتش تفضفض معانا هاتفضفض مع مين ؟